Wildness Wanderig

Höt Morge semer am 7ni uf ond 3 maö cheut ehr rote, was ufem Tagesplan gstande esch....🥁
Genau Wandere😃
Mer hei e wonderschöni Wanderig 50 Min. vo Knysna im Gebiet Wildness gfonde ond genau die heimer wele mache. Lut em Wetterbricht esch bis am 3 am Nomi no schön Wetter ond da heimer defintiv wele usnotze😉☀️.
De Start esch wonderschön, e gueti Stross ufwärts gange, es hed eus chli a Griecheland erinneret. Nachere Stond aber het de euses App gfonde, so ab zrög uf die afrikanische Wanderwege met euch ond es esch es chliese Dschungelwegli witergange, natürli esch de Weg ab de au ufe ond abe, wie gewohnt🤪😄.
Ergendeinsch semer de am Floss onde acho, womer de öberquert hei öber paar Stei wo em Wasser gelge send ond witer es gange alles Floss ufwärts. Euses Ziel, en Wasserfall, wo au grad euses Mettagsplätzli wör wärde. De Weg esch det ue wonderschön gsi ond wels so obedöre gange esch ond meh so ufne Dschungel abgseh hed, hets eus e bizli ad Masualahalle en Zöri erinneret, warm esches ämu gsi😄☀️.
Dobe acho hed eus e wonderschöne Platz erwartet ond e wörklecge Wasserfall, bis jetzt send die Wasserfäll do en Südafrika nähmli eher Ringsäli gsi. Be Avocadosandwich ond Gmües heimer de schöni Usblick ond Natur gnosse. Zom Schloss hets de no es Kaffi vor Thermoskanne geh, bevormer eus de ufe Röckweg gmacht hei. Ziit esch ja biz vorgeh gsi, au wenn mer da metem Wetter ned so hei chöne glaube,mer hei nehmli kes Wölkli am Himmel gseh😎. De Röckweg esch hauptsächlich schattig ond am Floss a gsi ond da esch sehr schön gsi😍
Womer de gege die 3 bem Auto gsi send, hets de wörkli afo zuemache. De Himmel esch innert Minute grau gsi ond womer de dehei acho send hets abegloh wies kes morn wör geh. Sit de heimer emmer weder för paar Minute starki Rägefäll ond de esches weder trocke. Wels so warm esch, gseih Strosse au nie wörkli nass us. Gege spöteri Nomi, semer de ine Selflaundery ond hei mal eusi ganze Kleider gwäsch, da esch dringend noche gsi. Zom Ziit lberbröcke semer ines härzigs Cafe ide Nöchi gange. Zrög ber Laundery, heimer alles i Tumbler do ond send nomol ad Waterfront ond weder zrög, bis de esch au de Tumbler ferti gsi, alles zämegleit ond zrög kde Täsche, esches heizue gange. Det heimer gmüetli Aperölet ond die letzti Woche afo plane. Onglaubli da z schriebe, nach fast 2 1/2 Mönet bricht mini letzti Woche do en Afrika😲
Da löst bi mer 2 Gfühl us, s einte e riese Vorfreud uf Dehei, uf alli mini liebe Lüt woni endli weder gseh uf die anderi Site aber esches au komisch, dases jetzt de eifach verbi esch. So lang hani die Reis planet ond jetzt esi scho fast z End. Aber jetzt werd die Ziit do nomol rechtig gnosse.
Nachem Plane heimer eus de as Fajita koche gmacht😍. Nachem Znacht, hets no e Obespaziergang geh ond e Folg Queen Charlotte, etzt heisst, guet Nacht, pfused guet🌟🫶Lue lisää