Zmorgediebe & Ella erkonde

Hüt Morge hemmer es super Z'Morge ufe Zimmerbalkon serviert becho, das hend jedoch ned nor mer super gfonde. D Nochbersaffe hend sech regelrächt drufgstörtzt😂 Lostigs Erläbniss gsi.
Witer simmer is wunderschöne Dörfli vo Ella gloffe, Vo det us hemmer es Usflögli metem Tuktuk gmacht, Zerst zu de bekannt ,Nines Arches Bridge', Witer zunere Teefactory, wo mer en chlini Füehrig becho hend, Sie hend eus Erklärt wie de Tee hergstellt werd, do in Ella heds nähmli riese Teeplantagene. De Tee werd unteranderem brucht für Lipton etc.
Witer simmer zunere Ussichtsplattform namens ,Liptons Seat' wo mer leider chli vell Näbel statt die wunderschön Ussicht gseh hend, aber trotzdem wunderschön gsi!

Am obe hemmer no en Kollegin vom Joël troffe wo au grad in Sri Lanka unterwegs isch und hend zeme en feini Pizza gässe und gspröchlet.

Ufem Weg is Hotel hemmer no s herzigste Büsi überhaubt kenneglehrt und die hed eus bis is Hotelzimmer gfolged, hätet sie am liebste grad i Koffer ipackt 🥲❤️Read more