Reise Joël und Céline

Hüt morge simmer zerst mol Los richtig Tempel, det hemmer en chlini Füehrig becho, und de Guide hed eus über sini Erfahrige vom Tsunami verzellt und hed eus loh nöcherbrenge wie schwierig dases isch für die Iheimische do zum Teil z läbe.
Nach de füehrig heder eus zumene alte Mönch brocht (dänke mer zumidest) det heder eus es Armbändeli mit Glück und Säge übergäh. Er hed zerst heiligi Mantras vortreit und mer seit das so die positivi Energie vo dene Mantras uf das Armband übertreit wird.

Nochher simmer binere Wahnsinige Hitz am Strand noche gloffe fürs Zmittag.
Nach kurzer Erholig hemmer eus wieder ufe Wäg gmacht, de Tuktuk fahrer hed eus de ufem Weg zumene andere Tempel amene Herbal Garden usegloh, wo ayurvedischi Pflanze wachsed und er hed eus d' Wirkig vo dene chli Nöcherbrocht.

Witer isches zumene andere Tempel und denn Zrug is Hostel ,gwanderet' wo mer no mehreri Äfflis entdeckt hend 🥰
De Host hed eus zum Znacht erneut es Privats Dinner koched vo de Arabische Chuchi, was eifach de Wahnsinn gsi isch.

Usklonge hemmer de obe med Spieli, wo de Joel meistens de Verlürer isch, was er leider weniger guet chan istecke 😜Read more