chefchauen

was für ein start in marokko!🇲🇦💙 perfekt getimet
während da golden hour simma in chefchauen akau, da gebetsruf/muezzin ertönt us da moschee und überall wimmelts😍, mir hond die stadt vom ersta moment a gliebt🥹. die altstadt (medina) isch a reines labyrinth, üsri pension homma ou direkt mol a halb stund suacha müassa. google maps isch in da medina quasi nid vorhanden und wenn, isch sowieso alls falsch markiert📍. mit aklei umananderfroga findet ma aber alls! die lüt sind allgemein echt liab und hilfsbereit, ou wenn se da meistens am schluss was adreha wänd. i find jo, dass die männer in ihra djellabas (so an überwurf mit spitziger kaputze) usluagand wie sensenmänner😅.

da tag hett nid besser starta könna, wie mit nam marokkanischa frühstück mit aussicht☀️. es git alle möglicha fladen und honig/frischkäs/marmelade/nussmuß, orangasaft und minztee („messouse“ hoasst ungesüßt, des muasch all dazua sega, wennd koan zuckerschock kriega willsch)🤣. mir hond üs denn direkt mitm kellner agfreundet und füra obat was usgmacht, was sich im nachhinein als riesenglück ussagstellt heat. mit eam und no drei andra homma an legendära obat verbrocht, wo ma so viel übers leaba in marokko und ihre kultur erfahra hond. schlussendlich simma no inam arabischa „club“ glandat, wo ma zu live-musik tanz hond und deana mä zoagat hond wie ma das tanzbein schwingt. des war definitiv ou a erlebnis für sich😂.

die bilder vo da medina sprechen gloub für sich, es war einfach nur absolut zauberhaft!!😍 blau isch die stadt übrigens durchd juden worra, die hond sich durch des blau so verbunden zum himmel gfühlt. überall in chefchauen springen katza🐈 & hünd🐕umamander, es wörren handgmachte sacha verkouft und jedes hus heat a dachterasse🥹. die blaue stadt heat üsre herzen erobert…💙 Czytaj więcej