seli in rio

Ab zu Supercopa!! DAS uni-sport event des jahres, vo deam alli brasilianer scho sit anfang semester redand und mir sit 3 mönat druff trainieren.🏀

4 tage lang spieland 55 uniteams gegsanander basketball, volleyball, handball und fußball inam klenna dörfli namens vassouras. irgendwo ir pampa. ir nacht gits a riesen party und gschlofa würd in deana vier täg eigentlich genau gär nö. Die fanclubs sind extreeeem cool, die stimmung isch echt bi jedem game enorm guat!!🥳

was widramol kle zum hinterfroga isch, isch die organisation vo deam ganza event. statt gmüatlich am vorobat azumreisa, isch die 3h busfahrt um 1 Uhr (?) ir nacht agsetzt worra. so simma um 4i am morga akau, alle komplett fertig, weil natürlich niemand gschlofa heat - und, hond feststella müssa dasses do in diesem bergörtli eigentlich arschkalt ir nacht isch. mir hond alle NUR kurzes häs mitka und die loufen do mit dauenjacka ummanander.😂

untertags goht da ganze uni-fanclub vo spiel zu spiel und feuert die teams mit nam riesen trommelwirbel a.🥳 die spiele gond vo 7i morgens bis um mitternacht durch und sind verteilt uf verschiedene hallen quer durchs dorf. nochm letzta spiel um mitternacht, gond alli hoa und richten sich für die riesenparty. jeda obat heat a andres motto und mini brasilianischen basketball mädels machen sich ABSOLUT koan stress mit fertig wörra😂. um 1 startema denn mol zum vorglühen und wemma um 2.30 bi da party sind, isch des eh no früah. getränke sind im ticket inkludiert, jeder heat sinen uni-becher mit irgendnam alkopop-getränk, des einfach nur picksüass noch limo schmeckt, umghänkt. kaum a stündle am tanza, wirds ou scho wida heall. 🌅🥤

was ou sehr fragwürdig isch, dass ma bis in die frühen morgenstunden fäschtat und um 5i wird denn angekündigt, wenn am nöchsta morga welche spiele sind. des hoasst worst case, stohsch um 5i im club und muasch 2h spöta fit am spielfeld stau.🏀😂 und brasilianer sind extreeeem kompetitiv, des hoasst, do muass scho ordentlich performt wörra.😂🏃🏽‍♀️ bim semi-finale und finale heats üs tatsächlich troffa, dass ma um 9e am morga üser spiel ka hond und niemand mehr wie 2h davor gschlofa heat.😵 bim ersta mol wars no lustig, so halb-beduselt zum spiela aber bim finale am 4ta tag warema einfach nur kaputt. mir hond denn schlussendlich dieses letzte, sehr harte spiel ou 15:11 valora. es war seeeehr emotional und am schluss homma ALLE zemma rotz und wasser plärat.😭😂 es war an mix us kompletter erschöpfung; enttäuschung, dass ma knapp nid gwonna hond und ganz viel restalkohol.😂😂

für mi waren diese 4 täg echt a mega spektakel. i freu mi so sehr, dass ma die silbermedaille gholat hond🤩 abr um ehrlich zum sin, hettama 2 oda 3 täg ou glangat und i freu mi jetzt uf nix mehr als endlich mol wida mehr wie 4h schlof am stück.😂

fazit zu mina basketball karriere: i bin einfach viel zu nett für dean sport. imma wird ma gseit, dassi agressiver spiela muass und i kanns einfach nö. bi deana strategien, die alli paar minuta wida gändrat wörren kommi ehrlicherwis ou nia wirklich mit. abr 1 korb hani gworfa in deana 4 täg😂🙌🥳 aber i finds soo schöa, diesen teamspirit mol zu erleaba, der isch in üsram team wirklich sehr psundrig!!!♥️Read more