seli in rio

noch den 3 tagen in der pampa gings denn no am glicha tag witta 2 tage in madidi nationalpark. in tüfa dschungel🤩🌱🦟🐍

der flyer vo derra dschungeltour war nid sehr aussagekräftig, also wars a ziemliche überraschung, was üs do erwartet.😅

ir eischta nacht homma inar „community“ zwoa stund flussaufwärts im wald übernachtet. diese „community“ waren a handvoll lüt mit a paar schlofhüttli mitten im dschungel. es heat niemanden wirklich interessiert, dass mir do waren und mir sind oft do gstand wie bstellt und nid abgholt😂

irgendwenn heat sich walter als üser guide für hüt vorgstellt und üs üsri zimmer zoagat. 4 einzelbetten inam raum. er zoagt uf oa bett in da mitte, des azoga isch. es para vosotros. oa einzelnett für üs beide? i kuschel jo gern, aber heat er gseaha wie gross mir sind?😂 na guat.

um 7.30 simma pünktlich zum obateassa erschiena und hond festgstellt dass die granny (oma) hüt geburtstag heat und die ganze großfamilie versammelt isch. üs heat ma an kindertisch ghöckt mit 7 mädels im alter 5-7 und 2 ältera jungs. a geburtstagsrede heats no gea und denn homma eassa dürfa. herrlich war des, mir inmitten deana mädels. am afang no schüchtern, irgendwenn nur no blöad tau😂 „amiga“ honds all ghärat, und wenni denn gluagat han, an „trick“ mit ihra trinkgläser vorgführt.

spöter isch walter zu üs kau und gmoant er macht a klenns spaziergängli mit üs zum taranteln suacha.🕷️mir sollen üsri gummistiefel alega. hommr brav gmachat und so siammr, er in sina flipflop, durch sina garta gstiefelt und hond oa palme noch da andra noch bewohnern abgsuacht. über üs sternenklar und sogar d milchstross heat ma gseaha. 🤩 denn siammr ab in üser einzelbettli gjuckt.

am nöchsta morga simma 2h witta mitm boot in üser dschungelcamp. a paar gspannte zeltplanen und oa schlafhaus miatta im wald. thats it. üsra privat-guide julio präsentiert üs s programm für die zwoa täg: 4h day hike, siesta, fishing for dinner, night hike, sunrise hike, 5h day hike - körig streng🤣

da julio heat sich wirklich extrem guat uskennt und üs vo afang a sehr detailliert über die verschiedenen ecosysteme im dschungel, die genauen definitionen vo allna waldarten und die heilende wirkung vo allna pflanza vazellt. uf spanisch natürlich, aba do simma mittlerweile jo scho geübt🤣.

mir hond gad ufbreacha wella, isch ma zmol schwindlig worra und kurz schwarz vor ouga. i kenn des scho, wenni eisenmangel han. kurz ahihocka und denn gohts wida. abr nei - julio isch sofort ufgjuckt und im wald a paar mol hin&hergrennt. er macht ma a medizin, heata gmoant - ohne wiederrede. a paar minuta spöta kunnta stolz mitam „tee“ zruck und überreicht man. drei verschiedene baumrinden sind do aufgekocht dinn. hmmmmm usluaga tuats einfach wie a dreack-suppe. rieha tuats ou nid viel bessa. „bebe!“ moanta. trink! i han wohl koa wahl und muass die sücke wohl probiera.😂 wuiii war des grausig. gschmeckt heats noch holz, wald und dreack.😂 die halbe tasse hani qualvoll abebrocht. aber tatsächlich - i han denn nix meh ka! 💪🏼😁

die wanderungen durchn dschungel waren sehr beeindruckend! viele verschiedene lianen und andre pflanza homma bestaunt! im langa häs und mit da hoha luftfeuchtigkeit wars aba ou sehr anstrengend. vorallem heats in deam camp koa dusche gea. also warama zwoa täg einfach maximal grusig und verschwitzt😂

des riesen highlight waren die vielen aras, die ma vo nam aussichtspunkt us unglaublich schöa beobachta hond könna! dassi so an vogel mol in freier wildbahn sieh, hetti ou nid denkt! 😍🙏 so liab, wie sie imma zu zweit ummaflügand!🤭Baca lagi