7. Tag- 5. Etappe

Kilometer: 16 Km
Gehzeit : 5 Stunden
Wetter : 34 Grad, sonnig

Kleinhennersdorf-Papststein-Gohrischfels-Pfaffendorf-Pfaffenstein- Quirl - Königsstein

I hob ma a eigene Tour zamgstellt und starte um kurz vor zehn beschwingt rauf auf'm Papststein.
Christoph vertreibt se de Zeit daweil in da Eisenbahnanlage in Rathen.
Ziemlich flott geht's wieder runter und dann durch'n Woid wieder rauf über Stufen und abenteuerliche Eisentreppen zum Gohrischfels. Dann runter und bei schwül-warmen 34 Grad durch Pfaffendorf , dort zum letzten moi rauf über Stufen (wos sonst?!) zum Pfaffenstein. De Aussicht is mia jetz scho wohlbekannt, und so geh i zügig runter nach Quirl und auf da schier endlosen Forststraß' endlich nach Königsstein. Es is ziemlich hoaß und i schwitz wie a Schweindl! In Königsstein triff i mi mit'm Christoph und dann gibt's zur Belohnung an Eisbecher mit frische Heidelbeeren! Des is a Traum:)

Fazit: 1. Wenn jemand gern endlose, unzählige Stufen in Form vo Holz,Stoa, Eisen.....usw. geh mecht , dann is a hier in da sächsischen Schweiz bestens bedient! Koa Berg ohne Stufen!
2. Überwiegend bewaldete und grüne Landschaft mit meterhohen Felsen. Mia fehlt a bissl des "alpine".
3. Die Aufstiege san kurz aber knackig....Vorteil is lange Geraden zur Erholung....insofern hob i die Touren ned so anstrengend empfunden , wie letztes Jahr im Mairatal
4. Meine Fiass geht's bestens und am Christoph seine Blos'n verheilen allmählich.Read more