Reset search
Mitem Glücksmobil dr Balkan abMitem Glücksmobil dr Balkan ab
SatelliteEdit route

Mitem Glücksmobil dr Balkan ab

May 2023 - April 2024
An open-ended adventure by Rilana Read more
Currently traveling
  • 10footprints
  • 5countries
  • 364days
  • 138photos
  • 2videos
  • 5.9kkilometers
  • 1.6kkilometers
Follow Calendar Share Bucket list
Date ascending
  • Rilana WengerMitem Glücksmobil dr Balkan ab
    11
    Day 3

    Hello Slowenja 😍

    May 3, 2023 in Slovenia

    Nach däm mir äbä mitemne Tag verspätig hei chönne starte (Peritonsillarabszäss😭) si mir zersch düre Gotthard - über Milano - verona uf Venedig... Gad nach venedig hei mir imne chline verschlafnige Fischerdörfli haut gmacht es het ä parkplatz ä Bar es Restautant u mir si klar di einzige Touris... Aber ds gfaut üs ja 😍
    Hüt morge si mir früeh gstartet u hei ingerwägs nähr mau spiegueier gmacht u rischtig zmörgelet ☺️

    Ds Gränzgebiet vo Italie u slowenie isch sooooo ungloublech schön gsi so natur belasse u idrücklech - mir heinos chli verliebt 🥰

    Am früeche Nami si mir de im triglav nationalpark acho hei üses camp gsteut u warte jtz uf morn wo de zwätter wüürklech besser wott 😍    Read more

    See translation
  • Rilana WengerMitem Glücksmobil dr Balkan ab
    1
    Day 5

    Triglav Nationalpark du Erdeschöne Ort

    May 5, 2023 in Slovenia ⋅ ⛅ 19 °C

    So jtz hei mir di ersti Wanderig ar Soca nah i Agriff gno 😍 Sooo schön mit dene vilne verschidnige blau im Wasser u däm früsche grüen vo dä Böim - ä Märlihafti Tour 🥰
    Nach 17km si mir de veiechli kabutt ume i üsem camp gsi u hei am Abe no di letschde sunnestrahle gnosse!

    Am nächste Tag si mir de witr überne Pass... Fuchur isch ueche cho - zwar eigendlech aues im eis u am Auter entsprächend schön easy Tempo - aber auso ganz ohni heiss zwärde 💪
    Dr Wiitblick mit dene Schneebärge u däm tief grüene Waud isch sensationell gsi 💫

    Hingerunger si mir uf Bohinj gfahre ane See ufne mega kuhle Campingplatz... Diräkt am Wasser hei mir chönne stah u üses Camp ufschlah 😍 es faut uf ds ds viu nid so mache... Viu bruche ihres Outo eifach zum schlafe u richte sich gar nid so ih 🤨🤔

    Am erste atag si mir ume See um gloffe... Ir einte Bar de chli im Mojito vercho 🙈 es hetsech so richtig agfüeut wi Ferie Sunne - Musig - glasklars Wasser - wunderschöni Bärgä - u ä guete Drink 👍

    Am zwöite Tag hei mir no wöue ga dä Wasserfau aluege, Slap Savica.... Mir si auso los gloffe u churz vorem ziu isch da so es wägli rächts wäg wo isch agschribe gsi 1h 50 bis zumne Bärgsee... De hei mir haut churzerhand dänkt eh mir hei ja ziit u si los gloffe... 🥵🥵🥵😵😵😵😵 Nach 1h40 nume gredi ueche - u we mir sägä gredi de meine mir gredi- isch geng no 50min agschribe gsi u dä ☠️☠️🤬🤬 - See isch no wit u breit nid i sicht gsi... I abetracht desse, dsmä ja de oh amne Drahtseili nah fasch chli chlätternd ume abe muess hei mir entschide ume zchehre u äbä zum wasserfau zloufe... Bim abe loufe hani zu David gseit eh es chönnt schlimmer si aues Stägä zum Bispiu 🤷‍♀️

    Unge acho hei mir itritt zaut für zum Wasserfau. Es isch agschribe gsi 20min walk... Mir los gloffe um di ersti kurve u was gseh mir... Bis ueche nume stägä 😂😂😂🤬🤬🤬😂😂😂
    Drfür hets nähr es plättli es glas wiiss wii u es Bier gä 💪

    So jtz hüt nach 800höhe m i 5h vo gester verlöh mir mitemne ordentleche Muskulater dä wunderwunderschön Ort u gö richtig Küste 👙🌅🏖️    Read more

    See translation
  • Rilana WengerMitem Glücksmobil dr Balkan ab
    Day 12

    Slowenische Küste bis Korona

    May 12, 2023 in Croatia ⋅ ☁️ 14 °C

    Mir si zKoper acho u hei ä verrägnete Tag i däm eher chli verschlafnige Hafestedtli verbracht... Morn wotts schön u morn mache mir de di Velotour ar Küste entlang 👍

    So hei mirs gmacht! Am morge uf u ufe Drahtesu... Zersch uf Izola, dert hei mir zmörgelet u si chli dür di Läde... Würklech oh härzig 🥰 u vo dert übere Räbbärg uf Portoroz 🥵 mit mire Wahnsinnsperle vomne Velo ja gar kes Problem 😎🚲
    Ds portoroz hei mir de afä mau dfüess iz Meer gha u am strand ir Sunne im ligistueu chli gaperölet bevir mir de uf Piran witr si...
    Piran isch wahnsinnig schön u härzig 😍 mir si chli verliebt i ds örtli 🥰

    U de si mir nachemne guete Plättli chli flaniere u gniesse ume uf ds Velo gstige u zrügg uf Koper gfahre... Wüu üs doch dr aueriwärtischt afä bau het weh ta si mir de am Abe id Stadt gloffe...

    Wüu zwätter nid ganz so het wöue mitspile hei mir üs entschide statt diräkt zu dä plitvicerseeä no chli az meer zfahre zKroatie... Hie hei mir ziit gha üses Dachfänster zflicke u mau chli zsii es het drum nuuume pisst 🙈

    Jtz si mir witr gfahre si jtz zKorona u gö morn b hoffentlech chli sunneschiin i dä Nationalpark 💪👍    Read more

    See translation
  • Rilana WengerMitem Glücksmobil dr Balkan ab
    Day 19

    Plitvicerseen über Bosnien nach Split

    May 19, 2023 in Croatia ⋅ ☀️ 22 °C

    Plitvicerseen über Bosnien nach Split

    Ja jtz pissts ja scho ä momänt... Bi euch ja oh hei mir ghöre sägä... 🙄 Am Samsti hets zum glück würklech nid au zu viu ta u mir hei di Plitvicerseeä (drfür fasch ohni Lüt) chönne ga bestuune u i sägä euch es isch auso öppis vom schönere wo mir a Wasserfäu bis jtz hei gseh 😍
    Wüus nähr am Abe aber ume ds Himmutor het ufta us würklech eifach Fädä gseicht het hei mir entschide mau ä TV Abe zmache...

    Afä bau chli ratlos was mir mit üsere wösch u üsne füechte chleider wei u wüu mir nähr ir Nacht no chaut hei gha hei mir entschide über dGränze zfahre uf Banja Luka u üs dert es Wellnesshotel mit Suite z gönne 😍

    Ja mir si di einzige Gäst gsi u hei somit dr ganz Wellnessberich für üs gha 😅 u de oh no ä whirlpoolbadwanne im Zimmer 😍😍

    Banja Luka isch auso de oh es schöns stedtli.. Diräkt am Vrbas Fluss hei mir de oh ufemne Floss chönne ga znacht ässe u chli ga shoppe 🥰😍

    Fuchur het no ä schrube i gmacht u dr Vulkanizer het müesse cho Pneu flicke... Üses quricket isch ds chliin 🙈

    Vo Banja Luka si mir uf Sarajevo gfahre - mir probiere we immer müglech ohni Outobahn zfahre... Afä mau isch Fuchur eh nid so schnäu u mä gseht haut eifach meh 😍 Ja ds Bosnie ds wär es ungschliffnigs Juwel u es tuuret nis chli ds mir soviu verpasse wäg däm, 🤬🤬🤬Wätter 😢-überau grüen u sooo viu Waud u hügle eifach soo schön u soooviu zum entdecke...

    Ds Sarajevo hei mir paar Stund Sunne gha hei sogar dusse chönne ässe - ach wie schöön 😍 dHouptstadt mit ihrere Gschicht het nis eh gfaue u beidruckt... Üse steuplatz über dä Decher vo Sarajevo isch dr Hammer gsi u di Familie wo dä füehrt eifach mega härzig 😍 jtz si mir de oh i Gnuss cho vo Bosnischem Kaffi 😍

    U de si mir de witr uf Mostar zur Fridensbrügg - vo hie ah hei mir jtz ume Sunne 😍 si dusse zum ässe u chöi ändlech churz alege 😍 ja Mostar het üs fasch no besser gfaue aus Sarajevo... Übersichtlecher härziger...

    De si mir no zu dä kravica Wasserfäu, ds isch leider aues überschwemmt gsi u sicher nume haub so schön... Mä chönnt fasch sägä dä Usflug isch iz Wassergheit (schenkelklopfer 😂😂😂)

    Drnah si mir adi Bosneschiküste u hei hie ä kuuhle Platz mit Sicht ufds Meer😍 Bosnie het üs überzügt dlüt - so härzlech u Gastfründlech, trotz Sprachbarriere (ds Rili het ir Metzgerei für schwinigsfleisch zchoufe afa grunze 😂🐷) - zässe, börek cavapcici baklava 😍😍 dnatur, mit aune jezeros u protoksa ud Stedt banja Luka Sarajevo u Mostar 😍... Mir chöme sicher ume!!!

    Jtz si mir zSplit u nachemne Tag bädele im Meer (zerstmau i dene Ferie).... Hei mir no es zwöits mau platte gha... Jtz isch dä pneu ändgüutig hii u mir hei zum vulkanizer müesse zwe nöii ga choife... So jtz freue mir üs uf es Wucheendi Tapetewächsu 🥳🥳🥳🥳    Read more

    See translation
  • Rilana WengerMitem Glücksmobil dr Balkan ab
    Day 27

    Split, Bosnie, Montenegro

    May 27, 2023 in Montenegro ⋅ ☁️ 12 °C

    Nach däm mir uf Churzvisizäte hei si u mim Mami ihre 60gist sorichtig gfiiret hei si mir letschd Mänti de ume zSplit glandet! Camper no da aues no dran u drin u va immer no 4 voui pneu 😅

    Nach paar Sache flicke znacht ässe widr chli irichte si mir am nächste Tag richtig Bosnie gfahre... Wie gseit hei mir zhgüeu gha mir wöue eifach nomau ga wüu mir viu nid hei gseh 😬 Drum gesagt getan - u es het üs nod entdüscht! Die Landschaft isch eifach bombastisch u dLüt eifach sooo härzlech! Mir hei üs jederziit wiukomme u aus Gest gfüeut... Mir si am Jablanicko See gstrandet u heisnis dert afä mau chli la guet ga. Mir hei gfischet gaperölet musig glost gsünnelet u äbä no es Boot gmietet a😍

    Nach paar Täg si mir witr richtig Montenegro, zersch uf Kotor.. Dert hetsnis eifach irgendwie nid so gfaue zviu Lüt zviu Chrützfahrtschiff... U vii zviu Chatze 🙈
    Mir si de glich no zur festig ufe gloffe, ds mä di Bucht mau vo obe cha luege (i phoubte ja ds si öppe 1mio Stägätritte gsi - mini lieblingsdisziplin 🥵)

    Dert hei mirs auso de schonomau gseh gha u si wiitr uf Niksic... Ds ligt zwüsche dr Küste u zwüschem Durmitorgebirge wo mir de aus nächsts härä wei- auso eig ä zuefällige Stopp wüus ir heufri vom Wäg ligt. U zum Glück hei mir hie aghaute es isch so idyllisch schöön am fluss mitemne härzige Beizli u kuhle andere Camper 🥰 mir hei dänkt mir chöme de nachem Durmitor nomau ä Nacht dahärä wüus ja de widr ufem Wäg ligt 😍😍

    Mir si äbä jtz afä no witr i dä Durmitornationalpark ☺️ hüt si mir dr scgwarzsee ga luege u hei probiert drum um zwandere aber ds geit nid wägdä wasserfäll... Morn mache mir de no so ä Ringstrass rund um ds Gebirge - mir si gspannt 😍 jtz hei mir üs igrichtet i däm ungloubleche Waud, hei es füürli gmacht u lose dene 1000 Vögeli zue 🥰😍 Ja oh hie ischs eifach widr mega schön 😍    Read more

    See translation
  • Rilana WengerMitem Glücksmobil dr Balkan ab
    1
    Day 36

    Vo Montenegro bis idi albanische Alpe

    June 5, 2023 in Albania ⋅ ☁️ 20 °C

    Huiiiuiui scho lang ke Itrag meh gmacht 🙈

    Aber ehrlechgseit hei mir oh ä ruhegi Wuche hinger üs... Mir si am letschde Sunnti im Durmitorgebirge no dr Ring um ds Massiv ume gfahre (76km Panoramastrass 😍) zum teil scho sehr äng u es git haut eifach viu Lüt wo nid chöi Outofahre 🤷‍♀️🤦‍♀️ aber egau es isch wunderschön gsi u nähr si mir am Abe no ä chlini Wanderig zum Curavec Ussichtspunkt ga mache... Da hetmä id Tarraschlucht abe gseh (es sig di zwöit grössti Schlucht nachem Grand Cannyon).

    Vo dert si mir nähr a Skodrasee gfahre u si dert ufne Steuplatz für zwöi Nächt. Hie hei mir so ä Birdwatchingtour gmacht mitemne Böötli 3std u schüsch eifach mau chli ume gläge gläse gsünnelet u chillet... Wüu üs aber di Lüt dert nid mega sympa si gsi si mir nähr wiitr ads Meer - über dGränze uf Albanie 😍
    Ar Gränze isch eine gstande u het grüeft,, INTERNET! INTERNET! " 5min speter si mir stouzi Bsitzer vo 100GB gsi 😅

    Albanie empfaht üs wiud härzlech romantisch - chaotisch 😅 Mir findes ufaufäu kuuhl 😍😍

    Am Bunes Delta hei mir no gad wiitr chli chillet Strandspaziergäng, guet gässe, u viu gjasset ♠️♣️♦️♥️

    Mir si nomau zrügg a Skodersee aber uf dr Albanische Site u vo dert hei mir mit dä Velo (nach däm dses isch gflickt worde) di Stadt erkundet 🤩 u am Abe ga bädele u am morge natürlech nomau ga bädele 😅

    So nach nid so ereignissriiche aber glich schööne Täg hei mir de dFähre für übere Komansee buechet u si am Samsti uf Koman gfahre... Ja di Strasse hie zAlbanie si si nid gad Schwizer standart würdi sägä 😅😂 aber David u Fuchur si es guets Team di rockä ds veiechli 🎉

    ZKoman hei mir übernachtet u si nähr mit Fuchur uf di Outofähre 🙈🙈 mä muess dert hingertsi druf fahre u zwar jede oh die wo nid so guet chöi hingertsi fahre 🤦‍♀️🙈 (hani nid scho mau gseit ds es nid aune gä isch? 😅) Dämentsprächend es chaos a däm Hafe aber oh das het üs irgendwie gfaue 😍 u de si mir mit dr Fähre richtig Valbona gfahre u das isch eifach sooooo schön gsi 🤩😍

    Jtz lige mir gad in Theth imne Hotel nachere Wanderig.... Kabutt mit schmärzende Bei u Schultere... Wi mir da härä si cho u wi mir de ume zu Fuchur zrügg chöme verzeue mir euch im nächste Biitrag =)    Read more

    See translation
  • Rilana WengerMitem Glücksmobil dr Balkan ab
    1
    Day 47

    Albanie 🤩🤩

    June 16, 2023 in Albania ⋅ 🌧 17 °C

    ... So fortsetzig... Was mache mir jtz mir si 1000höhe meter ufe 1000höhemeter abe glüffe u si jtz ä pass vo üsem Camper wäg... Entweder mir loufes ume zrügg oder mir gö ganz unge um ga chere u ds chostet min 2 Täg.. Ja mir hei ja gwüsst ds mir de das ume müesse zrügg loufe ds isch ja oh dr Plan gsi aber niemer hätti dänkt ds ds de soooo asträngend wird si 😳😳 aber es blobt üs jtz nüt ngers übrig - zämä packe u abloufe... 30min loufe 10min pouse... Schüsch schafftmä ds nie!!
    Bim hingerabe loufe hei mir gstuunet wi lang dses am Tag vorhär isch obsi gange mir hei ds scho fasch vergässe gha 😅 aber oh zabeloufe hets inn sich u mir hei mini Füess irgendwenn so weh ta dsi füre letschd km de ha Schueh gwächslet 😂😂

    Ds Valbona ufem camping acho hei mir üs di beste Spagghetti vo jeeemaus gmacht 😂 u hei nähr vorem camper no abgwäsche bevor mir de haub tod öppe am 8di am Abe wos no isch häu gsi si ga lige 😂😂😂

    Am nächste Tag hei mir dänkt mir fahre richtig küste solang wi mir möh, mir hei aiso bis az Meer möge 😍 Bi Gjon ufe kamping!! Mit däm hei mir de irgendwie Fründschaft gschlosse u heis dank google translator immer widr lustig gha 😂

    Dert si mir 5!!! Nächt blibe!! Mir si ga zKap Rodon erkunde mitem Velo uz Fuess... 🥵🥵🥵 Widr so asträngend gsi aber oh schöön 😍 Nach däm asträngende Tag si mir de so chli chic ga ässe - mhmmmmm 😍😍 u hei nähr no 2 Täg am Strand aghänkt!

    Vo dert si mir uf Tirana... Nachem verwiudere am Strand hei mir scho chli ä kulturschock gha... U Tirana isch nid so üsi Stadt... Drum am nächste Tag zämä packt u a Ohridsee uf Lin gfahre 😍😍 üüüüh aber hie isch schön!! Was mir hie erlävt hei u wis de isch witr gange verzeue mir euch de im nächste Bitrag 🥰    Read more

    See translation
  • Rilana WengerMitem Glücksmobil dr Balkan ab
    Day 61

    Albanie zum 3te 😍

    June 30, 2023 in Greece ⋅ ⛅ 21 °C

    Uiuiuii 🙈🙈 jtz gits veiechli viu zverzeue u ufzhole 🤪

    Auso Mir si zLin ufemne härzige Camping gsi si ga velöle u ga wandere... Di Wanderig isch wi geng eifach asträngender gsi ais erwartet u für mi Gschmack hets eifach zviu Schlange... U de nähr dür höchs Gras loufe finde mir beidi semi prikelnd 😳 u we mä de nähr no so ä Hornnattere gseht u ä ca 2m Schlange zwüsche üs düre schlänglet de vergeits eim eigendlech gad ganz mit dere Wandererei.... Mir si zum Glück bisslos zu Fuchur cho 😅

    Am nächste Tag si mir de vo Lin uf Ohrid gfahre 🤩 Ds isch so ä richtig kuuhli Stadt mit viune Bars u Beizli u guet zum shoppe 👍 u de aues am See nah ume uf Albanie uf Korca...
    Mir si ga znacht ässe u am Tag druf hei mir chli ds Tribe dert uf üs la würke... Scho zKaffi choufe isch eifach angers aus daheim 🥰

    Vo Korca hei mir dPanoramastrass gfahre vom Oste rochtig zäntrum uf Permet... Wüu aber ds Wätter jtz nüm. So mitgspiut het u mir in Permet nid hei chönne ga es Canyoning mache hei mir beschlosse nä düre zzieh u gad uf Vlora az Meer zfahre....

    Die Albanischiküste - Karibik vo Europa - eig aui wo mir hei lehre kenne hei gad kes guets Haar glah a dere Küste - verboue, zuepflasteret, unsympatischi Lüt heisi gseit... Drum si mir jtz sehr gspannt gsi was üs da erwartet... Vlora het ds irgendwie chli bestätiget nid das mit dä Lüt aber es isch eifach nid so üses die Stadt u tuusig ligistüu... Aber zWasser isch glasklar sooo schöön u es loift ume mau chli öppos ds isch oh schön - Aber mir hei gswit mir fahre jtz eifach dere Küste nah abe u wes nis längt gö mir de uf Griecheland... Nach Vlora richtig Süde si mir kn Livadh Beach glandet ufme Camping ir nöchst grössere Stadt hei mir Rollere gmietet u hei mit dene die Riviera erkundet u mir müesse sägä es isch wük sehr sehr schön...!!! Au das wo isch gseit worde stimmt i üsne Ouge nid... Mä muess sich di schöne Egge chli ga sueche aber si si da u dLüt si sehr sehr fründlech u zuvorkommend! U ja es isch die europäischi Karibik Mir si ömu 4Nächt blibe!

    Di letschdi Stagion wär Kasmil gsi aber dert si mir ke Stung blibe... Ds isch äuä das wome unger Massetourismus versteit 😳
    Mir hei dFlucht ergriffe u si iz Landesinnere zum Blue eye - dert es schöns Plätzli gfunde amne Bach ungeremne Boum 😍😍😍 u oh zblue eye isch schön gsi... Chli weniher idrücklech aus erwartet aber auso schön!!

    Albanie du wunderschöns ruuchs wiuds chaotischs romantischs Land - Merci für dini Gastfründschaft merci für au di Abetür wo mir hei dörfe erläbä! Mir si verliebt i ds Land i di Lüt - es het gfägt!!! 🇦🇱

    Jtz chunnt ds nächste Kapitu - Kali mera Griechenland!!! 🇬🇷    Read more

    See translation
  • Rilana WengerMitem Glücksmobil dr Balkan ab
    22
    Day 70

    Kalimera Ελλάδα 🇬🇷

    July 9, 2023 in Greece ⋅ ☀️ 30 °C

    Uhuuuu auersiits 😉😅
    Mir hei vo Albanie ä Fahritag igleit richtig Thessaloniki... Mir si dert am Meer ufeme Parkplatz gstande drei Nächt... Es het ä Strandduschi gha - für üs optimau, mir hei ä Seifä wo umwäutfründlech isch u chöi auso ohni Problem dert dusche 😉 Da dr Chüeuschrank usgstige isch isch ds hie gad super zum la flicke!

    Obwou mir ja ds Flüchtlingthema oh scho verfougt hei, isch üs nid bewusst gsi uf was mir ds Thessaloniki träffe u si de oh chli erchlüpft... Es het viu - würklech viu Flüchtlinge... Zum teu eifach mit ihrem wenige hab u guet ufem Dach vomne rostige Outo, meistens begleitet vo 2-3 chliichind... Irgendwie het üs ds chli beeländet ☹️ si hei nod mau um Gäud gfragt sondern eifach um dRäste ufem Täuer u ds isch üs sehr igfahre... Drum si mir irgendwie oh froh gsi wo de dr chüeuschrank vom Glücksmobiu isch gflickt gsi u mir hei chönne wiitr fahre... - es ischnis bewusst ds ds Eländ mitem wäg fahre nid beändet isch...

    Mir si richtig Meteora gfahre - die schwebenden Klöster ga luege 🥰 Mir si ufe Camping hei gwöschet putzt u Fuchur ume mau a Strom ghänkt - ds hetr drum zwüschine gärn 😅😉 u de hei mir mit ebikes ds wunderschöne Fläckli Ärde erkundet 😍 di Klöster uf dene Feuse si sehr idrücklech!

    Jtz hei mir nachem Chüeuschrank znächste Problem... Ds Gas isch usgange 🥴 Aber lut Campinglade, Reisefüehrer u Internet sött ds ja jtz eifach zlöse si... NOPE isches nid! - Aber üses Moto: us jedem Problem chame ä Lösig mache 😅 u mir hei dProblem gärn vorem Mittag glöst!
    Sit 2022 dörfe aber dGrieche dGasfläsche nüm füue... U irgendwie äuä oh ke nöi verchoufe... Di nötige Adapter hätte mir ja i zwöifacher usfüehrig! Mir si auso vo Pontius z Pilatus gschickt worde:,, mir chöi nid häufe aber dr nächst cha sicher! "... Ufaufäu hei mir ke Gas übercho weder vorem Mittag no nachem Mittag... Da hesch ä widr funktionierende Chüeuschrank aber ke Gas 🤷‍♀️ isch nid so schlimm wüu mir gö jtz eh ga islandhoppe u löh Fuchur ufem Festland... U de hätte mir ds Gas ja sowieso abgsteut...

    Auso ab ufd Insle!
    Vo Volos ab uf Skopelo 🙈 ds Griechischetröimli mit wiisehüser blaue Türe u no bleuerem Meer 😍 Am erste Tag si mir widr mit ebikes ume gradlet - dür dhöger u ume abe az Meer 😍😍 am zwöite Tag de nähr ä Quat 🤩🤩 ja ds het ja de oh riichtig gfägt!!! Chli offroad u dräck!
    U gshoppet hei mir ja ungloublech viu - ömu Dävu er het so gseit: i bi no nie irgendwo gsi wosi sooo viu schöni Chleider hei 😅

    U de wiitr uf Skiathos - hie hei mir imne 5Stärne Hotel residiert ä Buggie gmietet u si jede Strand ga luege wo di Insle het 😍 u gloub au Abe grillets mit Salat 😍 u no ei zwöi Drinks mit Alex ar Hotelbar 💪 Es isch wunderbar gsi - Ferie vo dä Ferie!

    Mit chli amne schlächte Gwüsse wüu mir üse Fuchur solang allei hei glah si mir de nachere Wuche zrugg az Festland... Dr Glücksdrache hetsnis aber nid übu gno u isch uf ahib agsprunge.... Üse Plan isch jtz ufe Peleponnes u ungerwägs irgendwie a Gas ds cho... Uf Google maps hani de am Meer ä Platz gfunde wo mir als zwüsche stopp hei wöue näh... Ja jtz si mir vorgester hie acho u es isch eifach es Pradis... dr Peleponnese cha warte mir bliibe no chli hie!

    Ds Dörfli isch i Velo entfärnig u dert heisi de oh ändlech ghufe mitem Gas u de nähr di Gasfläsche u dVelo glade unis ume zu Fuchur gsteut!!

    Mir hei es Camp i grichtet diräkt am Meer - perfekti sunsets inklusive!

    Ds nächste Date hei mir nächst Donnsti ds Nema ufemne Wiiguet - öb ds üs guet het düecht verzeue mir im nächsze Bitrag 😉    Read more

    See translation
  • Rilana WengerMitem Glücksmobil dr Balkan ab
    2
    Day 89

    Last but not least - PELEPONNES

    July 28, 2023, Ionian Sea ⋅ ☀️ 31 °C

    Last but not least... PELEPONNES!

    Hallihallo auersiits 😍
    Auso üses chline Paradis vom letschde mau hei mir de nach 5!!! Täg oh verlah u si a Athen verby richtig Peleponnes gfahre... Irgendo zwüsche Athen u Korinth hei mir übernachtet u am nächste morge früeh ga dä Kanal aluege! Ja auso ds isch äuä veiechli ä chönnicheib gsi - dä wo das verwürklechet het! U Mir müesse säge es isch würklech idrücklech!!

    Vo Korinth si mir uf Nema ga Wii probiere 🍷eigendlech wär dr Plan gsi ds mir de uf däm Wyguet übernachte aber auso es isch üs eifach zwarm gsi u mir hei ume ad Küste wöue wos schön lüftlet 😊 Temperature si sowieso zur useforderig worde... Am morge si mir geng früeh uf hei öppis gmacht u am Nami wi totiflöige ume gläge u eifach am Wasser nah... Gachlafe hei mir scho lang nüm dinne u geng ide Hängematte (was dr Blick ufe Stärnehimmu vereifacht;))

    Dür ds dses düre Tag über 40C isch worde hei mir haut oh dUsduur zum ä kuuhle Platz finde nüm so gha... Isch eifach zwarm im Outo u dr Platz MUESS am schatte si.... Drum hei mir ds heissischte Weekend ufemne Camping uf dr Mani verbracht... Si dert no anes lokals Food & drinkfestival u hei de no zwöi Zuger lehre kenne (liebe Gruess a Nina u Nico a dere Stell ;))

    Vo Gythio us hei mir de nomau zwöi nächt probiert z,, wiudele,, aber es isch geng no zwarm gsi drum si mir zfunikunda no ufne camping mit chauter duuschi u diräktem Meeraschluss... Oh hie hei mir üs wunderbar chönne vertörle u hei eig Tagelang chli gschnorchlet 🤿

    Vo Funikunda us (i finde dä Name zvil 😅😂) si mir de no a üse letschd stopp... Chli ufgregt u mit vorfreud u glich probiert nid zviu Erwartige zha si mir de dert i dä Piniewaud am Meer gfahre 😍 u es het au üsi Erwartige übertroffe hie ischs eifach herrlech... Mir hei üses camp ufgsteut u hei gwiudelet bis zum abwinke... Au Tag mit dä Velo ga wasser hole zur Quelle i minimarkt bim Dörfli ga es Espressofreddo ha u viu bädelet gsünnelet gspiut u d sunneunger gäng pflegt 😍 Di beste Lammcottlettli vo ever hei mir gässe u si hie blibe hange bis mir de ufd Fähre hei müsse zPatras...

    Jtz ischs düre ds Abetüür... 3Mönet hei mir soo viu gseh u soo viu erläbt mir si unändlech dankbar für di Ziit u drfür ds aues soo guet isch gloffe mir si eifach happy 🥰🥰

    U zum Schluss laht sich la sägä... Mir hei uf üsere Reis zwar ke Pinguin gfunde aber a däm Strand mit Piniewaud hei mir üs doch müesse entscheide ob mir wei dr Sunne zueluege wisi geit ga schlafe oder ob mir am Schiudchrot wei zueluege winer Eier leit... U Mir finde ä Schiudchrot chunnt ganz nach ane Pinguin härä 😉🐢🐧Wär ja oh komisch a dere Steu vor Wäut ä Pinguin zgseh - aber ä Schiudchrot ds chas gä aber ds brucht chli Glück u mir si haut Glückspiuze i üsem Glücksmobiu! 🥰 Cheers!!    Read more

    See translation
  • 2024© FindPenguins
  • Home
  • About us
  • Blog
  • Group Tracking
  • Press
  • Terms
  • Privacy Policy & Cookies
  • Support
  • Legal notice
  • English