Tag 4

Hüt chunt de Post mol chli verspötet, well gescht einiges glaufe isch und i am Obig nüme möge ha.😅 drum hüt au en entspannende Tag mache. Gstartet hemer wieder früeh am Morge und sind denn zum Nationalpark Doi Inthanon. Döte gits en wunderschöne Garte mitere schöne Ussicht vo de Tempel us. Es isch de höchst Punkt vo Thailand. Wie er ufem Bild gsend, ischs leider i de Regeziit meistens neblig und mer hend nüt gseh und defür nume gfrore und verregnet worde bi 13 Grad. Zu de Tagestour hend Wasserfäll und typischs thailändischs Esse sowie e 2h Wanderig dur die wunderschön Natur im Dschungel miteeme aschlüssende Coffee Tasting imene Bergdorf au dezueghört. Im Dschungel serste Mol e Schlange i de Wildnis gseh, wo sogar no giftig gsi isch… a de riesige Spinne bini aber schnell ohni ein Blick verbi glaufe🫣😂. En richtig erlebnisriiche Tag woni mit minere Kollegin us Dütschland und zwei St. Galler ha dörfe erlebe. D‘welt isch mengmol so chli, dass mer sich St. Galler vorene no nie gseh het aber die gliiche Lüt kennt. Noch dem strenge Tag simer an Saturday night market wo direkt vor üsem Hostel gsi isch. Wunderschöni Sache, aber leider mueni dradenke dasi no 2 Wuche unterwegs bin.😅 Kulinarisch hemer üs dur d‘Essenständ testet und s‘beschte Mochi-Glace ever gha. Abschlüssend bini no mit neue Lüt usem Hostel ine mega cooli Bar mir Livemusig und hend döte Jungs us England, Dütschland und de USA kenneglernt. Bi gspannt wie mini Reis bald wiitergoht, well immer wieder d‘Lüt wo mer kennelernt wiitergönd. Aber en richtig schöne Tag, mit mega viil schöne Moment gsi😍Okumaya devam et