New York - Food Tour/Ussichtspünkt

Hüt morge si mer beidi mitme ordentleche Muskukater vom Jogge verwachet. Mir hätte nid dänkt, dass 5 km Jogge weh due cha wiene Marathon. Nachdem mr de zersch mou 45 min. ir U-Bahn si gsteckt ohni würk vorwärts z cho, heimers glich no rächtzitig uf "The Edge" gschafft. E Ussichtsplatform im neue hochtechnologische Hudson Yards Quartier. Au ufem 3. Ussichtspunkt simer immer no fasziniert vom Blick über d Stadt.
Denn ischs ufene Food Tour gange wo ir Beschriebig vüuversprächend tönt het. Leider isch d Realität nid so beruschend gsi. 5 Stopps wome immer öpis säuber het chönne bstöue und langi Wartezit uf aui vor Gruppe. Do finge mir elei mit chli umelaufe die bessere Spots. Am Nomi heimer no es Museum zum Holocaust bsuecht. Sehr spannend und berüehrend si vor auem Interviews mit Zitzüge gsi.
Nach chli Shopping am Times Square ischs am Obe de nomou ufene Ussichtsplattform gange. S Empire State Building isch definitiv es witers Highlight gsi.
Nach 5 Täg Sightseeing isch üse New York Trip vorerst abgschlosse. Morn geits witer uf Washington.Read more