Tovey Bay

▪︎Am 24. simer am Mittag in Victoria acho u hei grad uf Ahieb ä Campingplatz chli usserhaub gfunge.
▪︎Am Nami simer miteme doppustöckige Bus iz Zentrum gfahre u hei d'Stadt chli agluegt.
▪︎Es paar Lüt womer hei troffe hei nid unbedingt vo Victoria gschwärmt, üs gfaut die Stadt aber guet.

•Am Donnsti isch wunderbars Wetter gsy u mir si ufe Mount Finlayson gwanderet u zum Teu o fasch gchlätteret. Obe simer mitere schöne Ussicht belohnt worde.
•Ir nöchi isch ä grosse Wasserfau, wosi Niagara Falls nenne😅. Dä simer ono ga sueche.
•Am spätere Nami simer no ä zwöi Stränd, zum einte a Taylor Beach u när uf Empfehlig vomne Iheimische no zum Tower Point.

▪︎Am Friti simer de nomau mitem Bus nach Victoria. Dert simer z'Parlamentsgeböide ga aluege wo sehr ähnlech usgseht wie z'Bundeshuus.
▪︎När simer zur Fisherman's Wharf gloffe. Dert wohne tatsächlech es paar Lüt uf dene Husboot u drnebe hets viu touristischi Bars u Restaurants.
▪︎Znacht heimer ire tolle Tapas Bar gesse u si när no ine Bar mit viune Iheimische. D'Stadt isch bi Nacht mit viune Liechtli gschmückt u am Hafe simer no amne Bluesfestival vrbi cho.Read more