Dobbyn Park

Ich chans immer nanig glaube und bin langsam am verarbeite was würkli die letzte 10 Täg abgloffe isch 😥

Endlich simer vo dem Boot! Zum das chöne verstah mueni die ganzi Gschicht verzelle.
Es het ufjedefall ganz tolli Moment geh und Segle het mer u gfalle, aber es isch soviel vorgfalle dasi ah mini Grenze cho bin und mich nüm sicher gfühlt han.
Zerst Mal het das Boot usgseh als heti eh Bombe ihgschlage. So dreckig überall!! Den hani ahfange putze und ufrume willi mer gseit han wenni 8 Wuche dadruff bin wetti meh Ordnig und Suberkeit. Währeddem ich putzt, kochet und babysittet han; het de Alberto (de italienischi Backpacker) um's Boot ume gschaffe. Ja mer hend täglich immer öpe 10 Stund gschaffet. Eus isch bewusst gsi das mer ufem Boot mönd schaffe und mithelfe, aber es sött en Unterschied bestah mit HELFE und SCHAFFE. Mir hend zudem na recht viel zahlt für Kost&Logi und das isch schlussendli eifach nöd ufgange. Ahgfange hets ja das mer nöd euses eigene Zimmer gha hend. Es sind sovieli Sache versproche worde, wo er nöd ihghalte het. Abr schlimmste isch gsi wenn er am Abig trunke het. Er isch sit Jahre Alkoholiker. Er isch en andere Mensch gsi, het eus verbal einigi Mal ahgriffe und isch sehr aggressiv gsi.
Wenn mer vo eusem Spaziergang am Abig zrugg cho sind hemer nöd chöne de Hauptihgang benutze, sondern hend mit Koordination vo sinere Frau dur eusi Luke is Zimmer möse stiege. Au sini Frau het Angst vor ihm gha ih dem Zuestand. Mama mia ih was bini da wieder grat 🙄Das ganze isch 3 Mal vorgfalle und den hemer gseit jetzt isch fertig. Am ahfang hemer denkt okay, wenn mer kei Alkohol meh hend wirds besser, het eus sini Frau zumindest so gseit. Aber den ischer weg was anderem aggressiv worde.
Ich bin so froh gsi bini nöd alleige uf dem Boot gsi. Mir hend vo ahfang ah beidi gseit, wenn öpert vom Boot gah wott, gömmer beidi.
In Jurien Bay isch den Endstation für eus gsi. Mir hend alles packt bevor mer gseit hend das mer vom Boot gönd. Es het zwar nüt ih dem Dorf gha, aber ev. isch das eusi letzti Chance gsi wo mer nomale an Steg sind. Mir hend eus vorher scho über d'Nummere vode Polizei informiert. Wo mer ihm den gseit hend dasmer vom Boot gönd ischer wie mir erwartet hend föllig usdigget. Er het eus mitem Schrubberzieher "als sini Waffe" vom Boot drängt. Mir hend den Polizei gholt für eusi Sicherheit, zum alli eusi Sache vom Boot zhole und hend na en Teil vo eusem Geld zrugg wele.
D'kind hend eus verzellt gha, dass mir bereits die 5te Backpackers sind. Also sind all vor eus au gange. Jetzt verstönd mir au warum. Ah dere Stell hend eus beidne d'Kind u mega leid tah, die sind nämli nüm so chli und checket was ablauft 😮
Polizei isch nachere gfühlt Ewigkeit den cho und het eusi Personalie ufgno. Sowas isch mer echt nanie passiert und den usgrechnet in Australie 🤦‍♀️😅
So fründlichi und netti Poliziste gsi 😁 sie hend eus befröget und ghulfe, abr wegem Geld chönds nüt mache. Mir sind schlussendlich eifach froh simer heil uf und isch eus nüt passiert. De Eigetümer vom Boot benutzt eus Backpackers nur damig er chan sis Boot finanziere, wie dreckig. Mir werdet ide kommende Täg alles drahsetzt, dass so öpis nöd nomale mit andere Backpackers passiert. Poliziste hend eus den eh Unterkunft organisiert. Das Dorf het gradmal 300 Ihwohner und jede kennt jede. Mir hend ines Huus vo öpertem dörfe, wo das als Zweithuus benutzt. Es isch soooo gross gsi und het 6 Schlafzimmer gha. Polizei het eus also im Streifewage mitgno 😄 De Alberto und ich sind nuddefertig gsi und hend nurna en Platz gsuecht zum schlafe. Poliziste hend eus gfröget was mer Znacht essed und mir hend natürli nüt gha. Also isch de eint zu sich hei und het 2 Lobbster usem TK gholt. Wow, bin sprachlos! 😍 Sie hend eus zum Huus bracht und de einti het eus sogar no zeiget wie mer de Lobbste muen choche. Die Mensche da sind so lieb, guetmüetig und hilfsbereit! Bin überwältiget 😊😍

Das Ganze chunt mer immerno sehr surreal vor 🙈Læs mere