Volivoli Point

Nach langem hin und her überlegge, hemmer eus hüt gege sTauche entschiede - au wenn die Region bekannt für Soft Koralle wär... aber es isch eus eifach ztür, knapp 200 CHF pro Person für zwei Tauchgäng! Und das nid öppe ufeme grössere Boot, mit Zmittag oder neuer Usrüschtig... sondern eifach (wie leider viles da uf Fidschi) i keim Verhältnis zu de Leischtig.
Somit hemmer de hütig Tag gmüetlich am Strand vum Volivoli Resort verbracht - em schönste Strand womer bis etz da in Viti Levu, de Hauptinsle vu Fidschi, zgseh becho hend. Fiine Muschel-Sand in allne Farbe, sanft abfallend, kristallklars Wasser - und endlich mal es Resort wo Liegemöglichkeite am Meer (und nid nur am Pool) bietet! De ganz Tag hemmer strahlend blaue Himmel gha, en liechti Brise und nid allzu stechendi Sunne - perfekt! En schön rote Sunneundergang het euse Beach Day wunderbar abgrundet - nur as dMartina us Versehe en halbstündigi Ziitlupe statt Ziitraffer Ufnahm dervo gmacht het... :D
Mer wäred gern nu paar Täg länger da blibe, doch morn startemer in euses Insel-Abentür... somit gniessemer de hütig Abig numal mit Fiji Bitter (Martinas Beer Choice) und Fiji Gold (Sämys Frauebier) :D*Read more