Diamanten und Eisklettern

Ah mim Geburtstag hemmer leider ned chöne usschlafe sondern sind wie immer früh los. Nachdem mer wie Könige im Hotel Z‘Morge gesse hend und ich min Speck mit Rührei gha han isch den bereits scho mit Eddy witergange. Ersti Stopp vom Tag isch Diamond Beach gsi. Dasch en Strand voll ahgschwemte Stückli vom Gletscher wo weg em klare Wasser wie Diamante usgsehnd. De Vorteil vom früh ufstah hed sich glohnt will mer sind max. 10 Lüt am Strand gsi. Nachdem mer den nah d‘Glegscherlagune ahgluegd hend. Es hed dete nur Touris gha und so en Bootstour wod chli um die Gletscherstückli umegfahre bisch. D‘Julia und ich sind froh gsi hemmer ned dete öppis bueched. Wo mer den witergfahre sind hemmer gseh das am Diamond Beach öppe 100 Lüt gha hed - Glück gha. Zwoit Stop vom Tag isch en 5 stündigi Gletscherwanderig wo mer plant hend, da defür hemmer eus uf em Parkplatz vomene Hotel mit 5 andere und em Guide troffe. Zu eusem witere Glück hed en Gruppe vo 9 Lüt eusi Tour verpasst und drum hemmer „leider“ nur en Chlini Gruppe gha. Mit em Büsli zum Startpunkt gfahre hemmer den müsse 20min zum Gletscher laufe. Ich und d‘Julia hend euse Guide recht gfiered will er de SBBschritt druf gha hed und de isch richtig schnell gwandered. Bim Gletscher ahcho hets den als erstes gheisse Stigise montiere. Nach ere 30minüte ihführig wie mer ih steilem gländ lauft und d‘Julia fascht ihre Nagel goopfered hed bim Stigise id wandschlah (Leider kei Scarpa Wanderschueh) isch den eusi Wanderig zum Obere Teil vom Gletscher losgange. Es hed mega viel so Schmelzlöcher gha wo mer das klare und blaue Wasser gseh hed. Au hed jede vode Gruppe en Isbickel becho zum stütze und klettere. Ich han en meh brucht um en wie es bieli is Ih‘s schlah oder chli am umbickle bini gsi. Zoberst uf de Wanderig hemmer den nah ide Wand mit seili chönne chlettere und dete han ich den au mis Geburigschenkli becho en Kletterusrüstig mit Helm. Danke Bubu. Natürli isch nur en Guetschin gsi suscht wärs chli dumm gsi wenn mer das au nah det ufetreid hetted. Bim Abstieg heds den gregnet und demensprechend schnell sind alli abeglofe. Nach ere witere Autostund simmer den im Hotel ahcho und de Tacho hed 1400 km scho ahzeigt sid mer gstarted sind.Read more