Vom dampfend Fluss nach Reykjiavik

Wen mer in Island ide Hauptsaison oder Nebesession en Attraktion wed gseh ohni viel Touriste den muss mer eifach am 8i dete si. Drum sind d‘Julia und ich au ah eusem letschte Ganze Tag am 7i ufgstande und richtig Reykjadalur Hot Spring gfahre. Das isch en heissi Quelle wo mer den im Fluss nach de Quelle chan Bade. Zum dete hi cho heds den zerscht gheisse 1h de bergderuf laufe und dobe ahcho sind mir den öppe die einzige gsi. Schnell Badehose ahzoge und den in Bach wod gstaued wird dri glege. Es isch öppe 40 Grad gsi was es sehr ahgnehm gmacht hed nach dere verregnede Wanderig dete dri zligge. Mer hed aber immer weder chli müsse us em Wasser usecho wils scho eher warm gsi isch. Nach ere Stund sind den sehr viel anderi Touris cho und mir hend eus den gseid guet das isch gsi und hend eus ahzoge und sind weder zum Parkplatz abeglofe. Schnell is Hotel go umzieh und den am Nammi simmer mit em Eddy id Stadt Reykjiavik gfahre. Nachdem mer eus en Cinnamon Roll inetätscht hend simmer den uf d‘Suchi nach schöne Läde und paar schöne Souvenirs. Normalerwis heds ih dene Stores nur Gäggel aber die sind würkli chli besser gsi. Defür isch es au dementsprechend tür gsi. Am 5i simmer den ih es Resti wo mer Online gfunde hend und nachdem mer eus je en 4 Gänger ineghaue hend simmer den au scho weder zrugg is Hotel will morn flüge mer bereits am 10i am morge :).Read more