Aramayı sıfırla
Schäfferle, Cämpe u si…
  • Carpe Diem 6100
  • Carpe Diem 6100

Schäfferle, Cämpe u si…

Carpe Diem 6100 tarafından 66 günlük bir macera Okumaya devam et
Takip EtGenel BakışGenel BakışTakvimTakvimFotoğraflarFotoğraflarPaylaşPaylaşYapılacaklar listesi
Genel BakışTakvimFotoğraflar
  • Carpe Diem 6100Schäfferle, Cämpe u si…Gezgin

    Pan Flötle, Mise en place, Wäg putze….

    3 Temmuz 2025, Kanada ⋅ ☁️ 17 °C

    Hüt isch am haubi Füfi Tagwach gsi. D Martina het am Füfi per Video, Panflöteungerricht gha.
    Ir Schwiz isch haut scho zwöi am Nami.🫤

    Mir hei dür das früeche Ufstah fei viu Zyt gha. I ha wieder ä Site Späck kouft gha u dä hani bearbeitet.
    Feini Mini Bakon Pie hani gmacht u igftore.

    Dr Wäg zur Houptstrass heimer agfange vo Gras etc. d Sübere. Leider hei mir nid fertig möge, dr Accu isch du läär gsi.
    Morn geits de witer.

    Dr Griu het no ä Hauterig für ds Griuwärchzug brucht. Für das hani o no ä Stung gfunge.    Okumaya devam et

    Çeviriyi gör
  • Carpe Diem 6100Schäfferle, Cämpe u si…Gezgin
    Kolibris am Morge früeh bim Zmorgebuffet

    Märit, Recycling, Löcher stopfe…

    5 Temmuz 2025, Kanada ⋅ ⛅ 10 °C

    Kolibri si scho am Morge früeh am Zuckerwasser trinke. Ei Liter vo dere chläbrige „Suppe“ pro Tag möge die ohni Problem!!

    Zersch Box vom Pickup mit eme Art Sand/Härd/Stei-Gmisch haub gfüet (vo Hang)!

    Nächär ufe Marit wieder ga Brot u Eier choufe u de no schäu zum Clark‘s Store ga Parmesanchäse im Streuer ga choufe. Äs git Carbonara zum Znacht.

    U de äbe no einisch ufe Dump ga Glas, Karton, Plastik u angeri Verpackige ga bringe.

    Aludose, Wyfläsche etc. PetFläsche u aui Verpackig wo Depot überchunsch, bringe mir zur Sammusteu vor Schueh u Führwehr. Die bringe de das zur Verchoufsteu zrügg u überchöme ds Depot für ihres Kässeli.

    Zrügg im Huus, angers agleit u uf üse Zuefahrtswäg Löcher ir Naturstrasse ga stopfe. Het cheibe viu Löcher. Si nume bis id Häufti cho.
    Chönnt de chli Muskukater ghä. Mi Rügge het aber super mitgmacht.
    Morn geits de witer.    Okumaya devam et

    Çeviriyi gör
  • Carpe Diem 6100Schäfferle, Cämpe u si…Gezgin

    Löcher stopfe u Escht zrüggschnide..

    6 Temmuz 2025, Kanada ⋅ ☁️ 18 °C

    hei hüt witergmacht mit Löcher stopfe u die erschti Garantiepüez a dä gmachte Löcher erledigt. Wägem Räge, wos geschter am Abe no het gä, isch ds Resultat nid ä so usecho wie gwünscht.

    Escht wo zwit i Zuefahftswäg ghanget si, heimer o no grad abghoue oder gsaget. Das mache mir jedes Mau we mir da si. We z lang wartisch, chunsch dene Escht fasch nid für.    Okumaya devam et

    Çeviriyi gör
  • Carpe Diem 6100Schäfferle, Cämpe u si…Gezgin
    1Bodenäbu isch gar nüt...
    nid öppe äs Schigebiet!Horsefly River....

    Crooked Lake u meh…

    7 Temmuz 2025, Kanada ⋅ ☁️ 20 °C

    Geschter u vorgeschter gnue gwärchet. Hüt ä chline Usflug 1:40 Std., über Gravelroads wo teuwis stobe hei u Schlaglöcher hei gha, zur Crooked Lake Provincial Recriation Site. Hei no grad äs Plätzli näbe äm grosse 5th Wheel u ame ne Pickup mit Dachzäut gfunge.
    Schöne Usblick übere Strand zum See u gäge Bärge. Hei hie üses Pic Nic gässe.

    Ds näschte Ziu isch Elbow Lake Recreation Site - Horsefly gsi (immer no übere Stung vo Horsefly)
    Bim Igang isch scho äs Schiudli gsi FULL! Si glich schnäu ga luege wis dert usgseh. Isch überfüet gsi mit Logger.

    Witer zur Horsefly River Recriation site (ä haub Stung vor Horsefly). Äs schöns Plätli für drü Fahrzüg.

    O bis hie si Strasse nüt schöns gsi! We mit Camper etc. ungerwägs bisch, muesch dis Gschirr etc. aber guet verstoue!
    Zrügg isches glich houpprig u stübend gange!    Okumaya devam et

    Çeviriyi gör
  • Carpe Diem 6100Schäfferle, Cämpe u si…Gezgin

    Ichoufe u scho wieder..

    9 Temmuz 2025, Kanada ⋅ ☁️ 12 °C

    Ichoufe ds Williams Lake. Ds Wätter isch besser worde u fei warm.

    Wieder ä mau im Fox Mountain Brewing Restaurant gässe. Isch wi immer super gsi. U dr Usblick vor Terrasse isch o nid schlächt.

    Hüt hani no äs Päckli vo Amazon übercho. We ds nächscht mau grillet wird gsehsch de was i däm Päckli isch gsi!

    Am Abe hets du wieder so richtig agfange „schiffe“ (rägne).    Okumaya devam et

    Çeviriyi gör
  • Carpe Diem 6100Schäfferle, Cämpe u si…Gezgin

    hüt heimer…

    10 Temmuz 2025, Kanada ⋅ ☁️ 20 °C

    dies u das gmacht, Föteli, no einisch gwäsche, Zuefahrtswäg nachem Strarchräge beguetachtet, Chis ufe Pickup glade, Mayonnaise gmacht u wieder ä mau uf dr Terrasse aperölet ,grillet u gässe. Bim Grille hani mini neui Erungschaft, ä Gussiseplatte igweit. Super-Ding, kes Fürli meh dür ds Fett im Griu. Uf dr angere Site isch di Platte flach. Probieres de mau mit Spiegueier.

    D Sauzläcki bini o ga kontrolliere ob si no gnue Sauzstei het. Aues i.O. Ufem Rückwäg hani gseh das d Saskatoon-Berry teuwis scho rif si. Bäre hei di gärn.
    Bim Nachtässe hei mir diskutiert wie lang das äs ächt geit bis d Bäre chöme um die rife Beeri cho ds Schnouse.

    Mir si du no dinne chli am Ässtisch ghocket.
    U was gseh mir vor Sauzläcki cho? Ä Bär. Das ischt ä Überraschig gsi.

    Übrigens:
    Us dä Saskatoon-Berry‘s chame o Gonfi mache.    Okumaya devam et

    Çeviriyi gör
  • Carpe Diem 6100Schäfferle, Cämpe u si…Gezgin

    Itz heimer neu RV Park igrichtet….😜

    11 Temmuz 2025, Kanada ⋅ 🌧 18 °C

    Hüt heimer bi üs ä RV Park igrichtet. Ds Feriebudget wird ufessert! Ds Wätter isch am Morge super gsi, die erschte Gescht chöi cho.

    Nei, dumms Züg, Brigitte u Urs Rolli chöme mit äm Camper zu üs z Bsuech.

    Wär hätts dänk? Trotz Starchräge het sich ä Euchchueh zur Begrüessig ar Sauzläcki zeigt. Faschä Stung het si sich bim Sauz ufghaute.
    Das isch doch ä Begrüessig für Brigitte u Urs gsi.
    Da üses Begrüessigsfüürli wägem Räge nid het dusse chönne stattfinde, hei mir du eis im Ofe gmacht.

    Am Abe hets nüm Grägnet u dr Himmu im Weschte het sich vor schöne Site zeigt.

    I ha ä Dash Cam bi Amazon bsteut, nid wäge äm schlächte Outofahre,. MIt dr Dash Cam sött me de aube Tier etc. wo eim übere Wäg/Strass loufe immer chönne ufnäh.. MIt äm Smartphone bisch eifach z langsam.
    Ha das Päckli bis zur Huustür bsteut. Uf dr Foto vom Kurierdienst gseht me wos deponiert worde isch. Bi du am 10 pm das Päckli no bim Igangstor ga hole.    Okumaya devam et

    Çeviriyi gör
  • Carpe Diem 6100Schäfferle, Cämpe u si…Gezgin

    Märit, Fernsehschüssu, Moskitos…

    12 Temmuz 2025, Kanada ⋅ ☁️ 12 °C

    Hüt am Morge isch d Euchchueh o wieder fasch ä Stung ar Sauzläki gsi. U die Stimmig mit Morgenäbu isch fantastisch.
    Meister Lampe het o grüessech gseit.

    D Martina u Brigitte si ufe Märit. Urs u ig hei dr Camper mit Strom versorgt.
    D Fernsehschüssle isch o verautet u die hei mir sowieso nie brucht. Itz gsehts no schöner ohni däm Ding us.

    Hei bi teilwies Sunneschin u warme Temperature ä gmüetläche Namittag uf dr Terrasse gha.
    Zum Znacht heimer grillet u uf dr Terrasse gässe.
    Plötzläch hets agfange rägele. D Sunneschirme hei üs vo dä paar Rägetröpf gschützt.
    Aber die cheibe Moskitos, die si itz i Schare cho. Hei die Plaggeischter chum chönne wehre. Ä Röucherspirale het du Abhiuf bracht.

    Trotz de Moskitos heimer no äs Pit Fire gmacht.
    O dert si die Moskitos aktiv gsi Teu hei sich wäge dä Moskitos dick ipackt. Hei chli lenger müesse dusse blibe, d Füurwach het Gluet müesse überwache.    Okumaya devam et

    Çeviriyi gör
  • Carpe Diem 6100Schäfferle, Cämpe u si…Gezgin

    kontrolliere, diskutire, filetiere u….

    13 Temmuz 2025, Kanada ⋅ ☁️ 20 °C

    Dr Fluchtwäg hei mir no einisch kontrolliert. Aber nid z Fuess, sondern mt äm Pickup. Ds Wätter isch hüt so unberächebar gsi u immer wieder nass.
    Urs u ig hei die Ufgab überno.

    Eigentlech hätt Urs u ig no gärn ä „rots“ Tanndli wöue umlah. O hie si mir bi däm nasse Wätter nid speziu motiviert gsi. Das Tanndli rennt üs ni dervo.

    Zwar het ds Wätter immer wieder ä chli besseret u d Sunne isch chli cho füregügzlä. Wius eigentläch dusse warm isch gsi hei mir üsses Zvieri dusse uf dr Terrasse gwagt znä. Bim so diskutiere si plötzläch wieder Rägetropfe z gspüre gsi. Mir si eifach ganz a. d Wang ungers Vordach mit dä Stüeu u so heimer chönne wieder schnädere. Wos du aber starch het agfange Rägne hets üs doch wieder its Huus tribe.

    Ds Nachtässe isch o scho gli nache gsi.
    Brigitte u Urs hei ä ganze Lachs vo ihre Camperreis mitbracht. Dä het nachem Uftoue no müesse filetiert wärde. Isch cheibe guet glunge.
    Mit äm Brätle isches chli schwierig worde.
    Ufem Grill wärs eigentlech cheibe gäbig gsi.
    Aber äbe, dä Räge. Haubiere hei mir die Lachssite leider müesse u so isch du das de super guet usecho.
    Mit dä Grät u Abschnitte äs feins Fischsösseli gmacht u mit äm Dill vo üsem Chrütergärtli no verfinderet. Ärbsli/Rüebli u Ris het das Ässe abgrundet.

    Nachem Ässe heimer no ä rundi Gjasset. Äs isch ganz knapp gsi bir Entscheidig. D Regle Stöck, Wys, Stich hei mir müesse awände.

    U so isch dä verrägnet Tag verbi gange……..    Okumaya devam et

    Çeviriyi gör
  • Carpe Diem 6100Schäfferle, Cämpe u si…Gezgin

    Scout Island Nature Center…

    14 Temmuz 2025, Kanada

    Im Winter 2025 si d Martina u ig scho mau im Scout Island Natur Center in Williams Lake gsi u hei sogar ufem See chönne spaziere.
    Itz heimer im Summer äs Bsüechli abgstattet. Muess säge, beidi Jahreszyte hei ire Reiz. Im Summer gsesch natürläch viu meh Tier u d Vegetation isch scho interessanter. Was mir nid gseh hei si Schiudchröt u Pelikane. Die hei sich äuä versteckt.

    Dä Spaziergang het Durscht gä. MIr hei du ar Brigitte u am Urs „üsi Beiz“ Fox Mountain Brewing https://www.foxmountainbeer.com/ in Williams Lake nid nume zeigt, si o ikehrt.
    Ds feine Hillbilly Blonde Bier het nid dörfe fähle.
    D Spiescharte het du dr Hunger gweckt. Jede het öppis chlises gässe. Wi immer fein gsi.

    Nächhär si mir no chli ga shoppe.

    Zum Znacht hets daheime Swiss Bratwurst (usem Okanagen Valley) mit Hash browns u Salat gä.
    Das die Bratwurscht nid ir Schwiz gmacht isch worde, het me nid gmerkt.    Okumaya devam et

    Çeviriyi gör
  • Carpe Diem 6100Schäfferle, Cämpe u si…Gezgin
    1um die geits im Wettbewärb

    Ten-ee-ah Lodge u Wettbewärb…

    15 Temmuz 2025, Kanada ⋅ ☁️ 19 °C

    Nach däm früeche Bsuech si mir zur Ten-ee-ah Logdge gfahre. Aues uf Gravelrouds. Ohni Navi oder Charte wär das äs schwierigs Ungerfange worde. Für die 59 km hei mir ä Stung u 20 Minute brucht. Äs het zytewis rächt rumplät im Pickup.

    Z Wätter isch super gsi u so het natürlech d Umgäbig o super Fotosujets härgä. Mit ämene chline Sparziergang hei mir die verschiedene Cabins agluegt. Si fei guet bsetzt gsi. Hie chasch Boot, Kanu oder Kayk miete.
    Die Lodge wird scho lang vo Schwizer gfüehrt.
    Hie rede d Mitarbeiter schwizerdütsch i verschidene Dialäkte.
    Mis Pullet Pork Sandwich zum Zmittag was delicious.
    Da mir nid wieder so äs längs Ghouper uf dr Gravelroad hei wöue, si mir du über Lac La Hache gfahre. Isch zwar witer aber agnähmer zum Fahre gsi.

    Da geschter üses Propangas für ä Griu isch usgange, si Urs u i no zur Tanksteu in Horsfly ga Gasfläsche uffüe. Hie ds Canada chasch a viune Tanksteue näbe usse dini Gasfläsche oder dr Gastank im Camper bi Tanksteue la uffüue.

    Ungerdesse het Brigitte im Fire pit agfüüret.
    Ds Aperitif hei mir vorem „Lagerfüür“ gha.

    Uf Wunsch hets hüt zum Znacht Ribs gä. Äs si
    Pork Baby Back Ribs gsi.

    Wie schwär si di zwöi Ribs gsi? (roh)
    Ds Gwicht wett i gärn i lbs wüsse. 2 Kommasteue genau! We öpper dr Pris in CAD wett agä, cha das o no!
    (1 Pfund entspricht genau 453,59237 Gramm oder 0,453592 Kilogramm)

    Antworte über WhatsApp +1 (778) 267-8945 (choschtet usser Date nüt)

    1. Gwinner/in. äs Wucheänd in…..
    2. Gwinner/in. äs Nachtässe
    3. Gwinner/in. ä Überraschig

    Am Sunntig, 20. Juli 2025, 23.30 pm Pacific Time Canada isch Wettbewärbs-Schluss.

    Übrigens:
    am 9. Juli 2024 si d Martina u ig o ir Ten-ee-ah Lodge gsi.    Okumaya devam et

    Çeviriyi gör
  • Carpe Diem 6100Schäfferle, Cämpe u si…Gezgin
    5 Galone si drin

    Houze, flicke, abrume, Apéro u de…

    16 Temmuz 2025, Kanada ⋅ ☁️ 21 °C

    Bir Sauzläcki hets u schüsch no im Blickfäud vor Terrasse us ä Boum u chlini Böumli gha. Unger mire Leitig😜🤣 het Urs dr Boum u Böumli gfäut.
    Suberi Püetz..

    Ufem Gibu vorem Huus isch immer no d‘Antenne vom aute Internet gsi. Die Antenne heimer fachmännisch abbout.
    O ä Dachchänu wo vom Schnee teuwies ugrisse isch gsi, heimer gflickt.

    Am Vieri si Esther u Beat zum Apéro cho.
    Um di drü Isch äs Gwitter über üs gange.
    Am 3.15 pm isch o dr Strom gange…
    Nüm isch gange ohni Strom, ke Licht, Herd Bachofe u d Wasserpumpi isch o ntürlech out of order gsi. No zwöi mau Spüehle ufem WC isch drinne gläge.
    Mit üsem Notwasser heimer d Spüeuhchäschte wieder ufgfüet.
    Trinkwasserreserve heimer o gnue.

    So heimer haut d Minifrüehlingsroue für ds Aperitif ufem Griu gmacht.

    Ds Nachtässe isch kes Problem, Griu sei Dank.
    Eifach ds Abwäsche hei mir uf morn verschobe u hei ghofft, dass de am Morge dr Strom wieder da isch!
    Zum Glück isch vorusse lang warm gsi, so heimer uf dr Terrasse dr räschtlech Abe gnosse.
    Aber äbe gniesse. Plötzlech si die cheibe Mugge cho. Mir hei üs richtig ipackt. Gnützt hets nid lang. Dür Kleider heis glich gstoche. Aber guet heimer usgseh mit üsser „Vermummig“. Mir hei üs fasch ds Totglachet🤣🤣🤣

    Mit äm iPhoneliecht heimer du Zähn putz

    Wenn chunnt ächt dr Strom wieder????

    Übrigens:
    füre Wettbewärb chöit dir o 079 828 02 56 bruche…    Okumaya devam et

    Çeviriyi gör
  • Carpe Diem 6100Schäfferle, Cämpe u si…Gezgin
    Überblibsu vom Bullion Pitäs idrücklächs Gfärt.äs paar säge dere Lodge o Likely Hilton

    Likely…

    17 Temmuz 2025, Kanada ⋅ ☁️ 23 °C

    Hüt am Morge immer no ke Strom. Zum Glück hei mir ä grosse Griu, Uf däm chame fasch aues mache, o ds Zmorge.

    Üse hütig Usflug isch dür ds Beaver Valley nach Likley gange. Chedar Point Provincial Park isch ds Ziu gsi. Teuwies wieder ä houprigi Aglägeheit.

    Ungerwägs heimer ä Haut bim Bullion Pit Lookout gmacht.
    Vo der het me ä gueti Usicht uf Bullion Gruebe.
    Die riesigi Gruebe isch zwüsche 1892 u 1942 dür hydroulische Abbau entstande. Mit höchem Druck isch Wasser i Feus/Stei sprützt worde.
    Die Bullion-Gruebe isch ä mau aus die gröschti hydroulischi „Goud-Seifemine bezeichnet worde.
    Di isch über 3 km läng, 245 m breit u über 120 m tief. Bis 1942 het die Gruebe über 218 Mio Dollar Goud härgä. Im 1942 isch die Gruebe stiu gleit worde, wiu wäge diverse neue Vorschrifte u Gsetz, die ganzi Förderig ztür wär worde.

    Nach däm Abstächer si mir du zum Chedar Point Provincial Park gfahre. Ä schöne Provicial Park am Ändi vom Quesnel Lake.
    Dert hets o ä Dampf-Bagger vom Bullion Pit gha. Idrückläch was die i dere Zyt härebracht hei.

    Äs het langsam Durscht gä u mir si nach Likley Lake side. Ds Likely Lodge Restaurant het zue gha.
    So simer haut i General Store ga Getänk u öppis zum Knabbere ga hole u ufem Terässli vorem Store die Sache trunke u gässe.

    Zrügg gfahre simer du nid dür ds Beaver Valley sondern über Big Lake.
    Am 4 pm simer wieder im Carpe Diem acho u zum Glück hets wieder Strom gha.
    Warum mir ke Strom hei gha, de morn.

    Am 9 Ougust 2023 bi ig o Likely gsi!

    Übrigens:
    Dr Quesnel-Lake isch 266 Quadratkilometer gross u het ä Tiefi vo über 500 Meter. Är isch der grösst Fijord-See uf dr Wäut. (dr Vierwaudstädter-See het ä Fläche vo 114 Quadratkilometer u ä Tiefi vo 214 m)    Okumaya devam et

    Çeviriyi gör
  • Carpe Diem 6100Schäfferle, Cämpe u si…Gezgin

    Vorbereite….

    18 Temmuz 2025, Kanada ⋅ 🌧 15 °C

    Üse Ufenthaut hie ds Horsefly geit langsam z Änd.
    Letschti Vorbereitige hei mir hüt gmacht.
    Am Morge hets no grägnet u so hets üs nid pressiert. D Martina u Brigitte hei gwöschet.
    Gäge Mittag isch du d Sunne cho u Urs u ig hei dr Stei/Sang, wo no ir Pickup Box isch gsi, wieder a si aut Ort bracht.
    Wo dr Pickup entlade isch gsi, si d Froue no uf Horsefly i Clark‘s Store ga kömerle.
    Ungerdesse hei Urs u i am Subaru Pneu ufpumpet.
    Die verlüre Leider immer chli Luft.

    Nach dere Püetz hei mir die feine Sandwich wo Brigitte u d Martina gmacht hei, gnüsslech gässe.

    Dr Rasemäiher het o no äs Facelifting nötig gha.

    Äs het no ä Lampe, wo d Chäuerstäge sött belüchte, wo nid funktioniert. Ha scho mau probiert das Glas abdschrube,. Äs isch ä chli tricky u i ha Angscht gha das Glas z versieche.
    Urs het du meh Muet gha u so hei mir die Bire chöne wächsle.

    Ir Chuchi hets ir Liechtabdeckig fang ä cheibe viu Flöige, Mugge u schüsch so Viecher gha. Die heimer o no abgno u itz gsehts wieder richtig schön us.

    Am Abe si mir no bi Esther u Beat zum Znacht iglade gsi. Feini Spare Ribs u Pork Belly im Smoker het dr Beat gmacht u Härdöpfugmües ir Alufolile vom Griu. I säge euch,, nid nume delicious sondern sensationeu isch das Ässe gsi. So gueti Spare Rips u Pork Belly ha ig no nie gha. Merci Esther u Beat für das Ässe u dä gmüetläch Abe.

    No wägem Stromusfau, Wägem Gwitter vo geschter isch ä Boum uf Leitig gheit u het die abegrisse. Wiu die Leitig übere Horsfley River geit isch o die angeri Site vom Fluss beiträchtiget gsi.
    Die Kabu hei sich o verhedderet.
    d „Wasserspezialischte“ vo BC Hydro hei zersch müesse cho u wiu uf üsere Site dr Zuegang zum Stormmascht schlächt isch gsi isch d Flickerei so lang gange. 23 Stung söu uf üsere Site dr Stromusfau duret ha.

    Übrigens:
    Geschter wo mir dür ds Beaver Valley gfare si hei mir no ä Bär u ä Wouf gseh. Si aber z langsam gsi zum Fotografiere.

    Dänket dra, d Antworte vom Wettbewärb vom Dsischtig, 15. Juli sött i bis am Sunntig 23.59 pm Pacific Time ha. Das isch ir Schwiz am Mäntig Morge, 21. Juli, knapp vor de Nünie.
    Antworte uf WhatsApp 079 828 02 56 oder hie aus Kommentar.    Okumaya devam et

    Çeviriyi gör
  • Carpe Diem 6100Schäfferle, Cämpe u si…Gezgin
    mir si o im Chäuer verschwunde..d Hirschchueh isch cho adieu Säge..

    Ufbruchstimmig, Wettbewärb….

    19–20 Tem 2025, Kanada ⋅ ☀️ 18 °C

    Am Samschtig si d Froue hie ds Horsefly ufe Märit gange u hei no chli gäggelet.
    Für Urs u mi isch dä Märit zchli, si uf Williams Lake gä gänggele.

    Dr Griu verrumt, Rasemäier putz und, und…

    Am Sunntig isch eigentläch Ruhetag, aber nüt dervo.
    Brigitte u d Martina heit ds Huus putzt, dr Urs u ig hei zersch ufem Dump abglade was dert häre ghört. Unger angerem d Sateliteschüssle, die aute Internetantenne, dr Cämping-Griu u natürläch o dr Ghüder uds ♻️-Materiau.

    Dr Pickup gwäsche u inne useputzt.
    Nächhär si mir aui bi Esther u Best ga adieu säge.
    Dr Pickup u d Kchrüttli hei mir dert gla.
    Daheime im Carpe Diem o no dr Subaru gwäsche u unger ds Vordach gsteut.
    Ungerdesse hei Martina u Brigitte dr Aperitiv parat gmacht. Gmüetlech hei mir ar Sunne üses letschte Apéro hie ds Horsefly gnosse.

    Übrigens Wettbewärb:
    D Spare Ribs si 3,90 lbs gsi u hei 33.15 CAD koschtet.

    D Gwinner wärde am Mäntig bekannt gä!    Okumaya devam et

    Çeviriyi gör
  • Carpe Diem 6100Schäfferle, Cämpe u si…Gezgin

    Best Western plus Burnaby….

    21 Temmuz 2025, Kanada ⋅ ☁️ 25 °C

    Brigitte u Urs hei üs im Best Western plus in Burnaby abglade. Sie si ufe Campground in Burnaby gfahre.
    Nach dere länge Fahrt hei mir no üsi Füess müesse bewege.
    Mir si zur Matropolis at Metrotown Mall gloffe (20 min.) Die Mall isch di trittgröschti Mall in 🇨🇦 u wird no witer vergrösseret. Chli gänggelet hei mir o. Zum Glück hei d Läde am Nüni zueta, schüsch wäre mir no lenger blibe. so hei mir üsi 10‘000 Schritt pro Tsg no übertroffe!😜
    Chli müed si mir du doch gsi.

    Itz no zum Wettbewärb:

    Äs hei leider nume 4 Persone mitgmacht!

    1. Rang mit 0,5 lbs Diff: Urs Rolli
    2. Rang mit 1.26 lbs Diff: Rüedu Rolli
    3. Rang mit 1.32 lbs Diff: Eva Rolli

    Gratulation 🥂    Okumaya devam et

    Çeviriyi gör
  • Carpe Diem 6100Schäfferle, Cämpe u si…Gezgin
    1

    Vancouver u ….

    23 Temmuz 2025, Kanada ⋅ ☀️ 26 °C

    Üses erschte Ziu isch dr Vancouver Lookout gsi. Super Usicht über Vancouver u o no witer.

    Nächhär simer mit em Seabus uf North Vancouver im Pier 7 ga äs Apéro ha.

    Wieder retour in Vancouver Waterfront isch Znacht nsche gsi. Da Brigitte u dr Urs im Camper no hei müesse Goffere packe, het das Ässe chli früecher stattgfunde. D Fahrt duret no fasch ä Schtung (ÖV) bis zum Campground.
    Ds Restaurant Mahony‘s Tavern im Convention Center isch vis-a-vis vor Alegisteu vo de Chrützfahrtschiff. Hüt hets nid spezieu grossi Schiff gha. Aber mir hei gseh wi eis abgleit het u usem Hafe gfahre isch.

    Nachdäm dass Brigitte u dr Urs ufe Expo-Line Zug si, si d Martina ubig no chli ids Pacific Center ga lädele u gänggele.

    Bim Zrüggfahre ids Hotel simer no einisch ir Metropolis at Metrotown Mall gsi. Hei no äs Cabin Case kouft. Bruche no chli Platz…
    Zrügg im Hotel si mir du froh gsi, Bei chli z Entlaschte. No chli Goffere paratgmacht.    Okumaya devam et

    Çeviriyi gör
  • 2026© FindPenguins
  • Ana sayfa
  • Hakkımızda
  • Grup takibi
  • Basın
  • Hükümler
  • Gizlilik & Cookies
  • Yardım Merkezi
  • Damga