Reimposta ricerca
Südamerika 2023/2024
  • Linda Schmid
  • Marius Rohner

Südamerika 2023/2024

Un’avventura di 87 giorni di Linda & Marius Leggi altro
SeguiPanoramicaCalendarioCondividiCondividiLista dei desideri
Prima i più nuovi
  • Südamerika 2023/2024

    Blinde Passagier

    1 febbraio 2024, Cile ⋅ ☀️ 22 °C

    Hemmer doch glatt en Blinde Passagier unter em Solarpannel gha.

    Für eus gilts jetzt nur no usezfinde ob da Müsli schuld isch das mer kei Strom meh hend im Auro, oder obs sus was ar Elektrik butz hed, und s Müsli nur zur falsche Ziet am falsche Ort gsi isch.
    Es gilted d Unschuldsvermuetig, bis s Gegeteil bewiese isch.    Leggi altro

    Guarda la traduzione
  • Südamerika 2023/2024
    Sunneufgang über de laguna X
    HundiBlock über de Dali dessertHundi am trinkeDali dessertGrenzposchteValle de la LunaValle de la lunaKolosseum im Valle de la LunaEuse tolli CampingspotDevils ThoatPlatter gohts nödSuper Salzigi lagunä:)Saaaalziiiig. Au im Päckli hed meh kei chance gha zum untergoh

    Tschüss Boliviä und Hallo Chile

    2 febbraio 2024, Bolivia ⋅ ☁️ 13 °C

    Noch üserä astrengende fahrt hemmer üs dennä ide Termas de Polques chli usgruebt. Da isch echt toll gsie, vorallem ide Nacht bevor de Mond ufgange isch und mer de doch en recht idrücklichi Sternehimmel het chönne beguätachte.
    Ich bi dennä am nögschte Tag am 5:30 ufgstande und noh uf es witers Bergli ufe. Döttä bini nöd allai gsie, doh mer es jungs Hündli gfolgt isch. Er isch mer au nöd nur 10 min nohglofe, sondern für 4 Stund. Ha dennä ab und zue Wasser i irgendwelchi Müldeli gleehrt. Isch scho chli heiss gsie. Linda isch überraschendeewis au mol am 6i ufgstande. Sie het au wöllä de Sunneufgang gseh und noh viel wichtiger, sie het wöllä früäh afange baschtlä...
    Noch dem ich vom wanderä zrug gsie bin (mit Hund) simmer dennä richtig Chile gfahre (ohni Hund). D Grenze isch recht guet gangä. Sie sind voll easy druf und mier entsprechend schnell drüber gsie. Linda het au döttä no freud cha, dassi ihres Leder immmer noh het.

    Noch so 1 Stund noch de Grenze simmer denn noch San Pedro de Atacana cho, üse erschti Stopp. Mer hend dennä mol en Campingplatz ufgsuecht. Döttä het mer CHF 40 zahlt für 1 Nacht und de Janosch isch eifach uf emne Parkplatz gstande. Da isch en rechte Schock gsie, doh mer in Bolivia und Argentiniä kai Chance het meh also CHF 6 für en Camping d zahle. Und dötte isch de Camping au meh als en Parkplatz. Aber sind hald au zrug in Chile wo wiedr viel westlicher isch und nöd umsuscht d Schwiiz vo Südamerika gnennt wird. Mer sind dennä mol noch San Pedro innä und hend was wöllä trinke. Erschti Bar (komplett leer), sait nai nur wenn ihr au was ässed. Da isch vorallem komisch, doh mer kain Meter cha laufe i derä Stadt ohni dass die so en "chumm doch i diä Bar-Mensch" versuecht mit allne mittel iegendwo inäzbringe. Recht Astrengend.
    Liecht verwirrt simmer dennä wiedr gange. Diä z weiti Bar seit genau s gliche. Jetzt bini noh meh verwirrt gsie. Ide dritte Bar hets dennä klapped.
    De "chumm doch i diä Bar-Mensch" het gmaint ja da segggi kais Problem.
    Das mit em kais Problem, het eifach gheisse mer bringed eu Falafel wo ihr nid bstellt hend zum Getränk und verechneds eu am schluss ohni z frage. Chumme bis jetzt nöd drus ob da ä Staatlichi Uflag isch odr was gnau. Aber wiäses mached isch chli Asi.
    Aber susch het mer San Pedro super gfalle. Solang mer niä stoh bliebt und kai Augekontakt macht mit irgendwelche Lüt klappets ganz guet doh. Sobald mer diä Regle nöd ihalted wönds ein nötige 37 Toure z bueche odr susch was. Kai Sekunde chönns ein allai loh und personal space isch au öppis wos nöd kenned. Ab dem Punkt isch das San Pedro schüch für mi gstorbe gsie. Am nögschte Tag simmer dennä wiedr noch San Pedro innä zum 1 Tour z bueche, star gazing. Er het zwor versuecht üs 5 Toure z verkaufe aber het dennä ufgeh und üsi Wünsch akzeptiert. Nochdem mer d Tour buecht hend simmer zu de Laguna Cejar. Da isch so 30 min vo San Pedro über so e toli washboard Stross. Wo mer acho sind, hends ein nöd innäloh, dohs ab de 13:00 nur für Toure göffnet het. Da isch definitiv nöd ä Information wo mer am Igang vode Stross chönnti aschriebe. Da wär viel z viel verlangt.
    Noch dem mer dennä en tolle wild camping spot gfunde hend (de isch würkli toll gsi, usnahmswiis mal kei Ironie) hemmer am Obig noh diä buechti Star gazing Tour gmacht. Diä isch ganz ok gsie aber jetzt für üs nöd de Wahnsinn doh mer scho einigi Sternehimmel gseh hend doh.
    Am nögschte Tag hemmer noh s Valle de la luna agügslet mit em Janosch. Seb isch ganz toll gsie und i cha mit usnahmswiis nöd beklage. A doch mol da isch noh öppis. Bevor mer gange sind het diä einti üs noh wöllä e Fläsche Wässer verlaufe für CHF 3.50. Nur so zum verglich, für CHF 3.50 bechunsch doh in Chile im normalfall so e 20 L Trinkwasserkanister. S beschte isch jo noh gsie, dass de Verschluss scho broche gsie isch und da au noh Hahnewasser gsie wär. Aber versueche cha mers jo...
    Am nögschte Tag simmer dennä noh mit zwei gmietätä Mountainbikes durd Devils Throat. Da isch au recht toll gsie. Abgseh dävo dass Lindas Vorderreife uf halbem Weg ufgeh het. Ich bin dennä allai witer und ha sie mit em Janosch abgholt. Und ganz nöd San Pedro like, hemmer sogar s Geld zrug becho fürs kaputte gmietete Bike. Ich bin nocher recht froh gsie, dassi das San Pedro ha chönnä verloh. Und ich empfehlä au allnä Reisende in Südamerika en grosse Boge drum z mache. Völlig übertüred und alli wönd der super nervig irgendwas verkaufe.
    Jetzt simmer so wit gsie und sind endlich richtig Küschte gfahre. Uf em Weg hemmer dennä au no e chlini Salzlagune gmacht:). Döt hends üs au innäloh, sogar noch em 13:00:).    Leggi altro

    Guarda la traduzione
  • Südamerika 2023/2024
    1Janöschli wird abgschleppt
    1Fische in Antofagasta2Marius hed was gfange😳D Azündwürfel sind eus usgange. Zum Glück hemmer ho Fürwerk vo neujahr nache🤣1Schoggibanane vom Grill2Haarfärbe uf Campingplätz isch au immer ganz wichtig🤣2Am versueche d Elektrik z flicke und s Kabel versänkt. Mit de Fischerruete wieder gfischet.Euse WildcampingspotDe lingg Fisch hed de Marius kauft, de rescht hemmer vom Jose becho, früsch usem MeerIrgendwo i de Wüeschti gstrandet. Es Pänneled2Schliesslich happyend am Strand bi Caldera

    Von Fischen und Pannen

    3 febbraio 2024, Cile ⋅ ☀️ 24 °C

    Nachdem üses Elektrosystem in San Pedro den Geist aufgeh hat (es bliebt wieterhin unklar, ob d Mus schuldig isch oder nid), simmer ohni Strom wietergfahre nach Antofagasta.
    Eigentlich hend eus alli vo dere Stadt abgrate (sig dreckig und super gföhrlich), aber mer hend ghofft mer bechemed dötte üsi elektronik gflickt und drum alli guet gmeinte Ratschleg ignoriert.
    Zum glück, will eus hed Antofagasta eilich ganz guet gfalle. Nid z letscht, will mer dötte d erschte Mal uf dere Reis s Meer gse hend.
    Mer hend dött zwei Nächt ufeme Camping mit top Blick übers Meer (und de grusigschte WCs uf de ganze Reis, und da sell was heisse) verbrocht. Aber im Meer hemmer chönne go Bädele, und am abig hemmer Gfisched und de Marius hed sogar zietnöch en Minifisch gfange und wieder innegschmisse.
    De Marius isch wieder id Berge, und ich han mich Schlau gmacht, was mer a eusem Solarsystem münd ersetze, und wo mer die Teili bechund. So nachem Motto, zerscht selber probiere, und erscht denn zum Profi🤣
    Obwohl mer da Teil au becho hend, hemmer eus denn doch no entschlosse zum Profi z goh.. Aber leider keine gfunde wo grad Ziet gha het zum eus helfe. Drum simmer denn bitz ungeduldig gsi und ohni Strom wietergfahre richtig Süde.
    S ziel isch Caldera, es Küschtestädtli mit tolle Stränd, womme cha Tauche, Surfe usw. wo mer no chli Strandferie wend mache.
    Uf halbem Weg hemmer aghalte und eus en wietere tolle Wildcampingspot am Meer gönnt.
    Mer sind sozege ellei am Beach gsi, nur eis anders Auto vom Jose, wo grad mit sim Sohn am Fische gsi isch (mit Taucherazug und Harpune). Si sind super herzig gsi, sind no mit eus cho pläuderle und hend eus ihre halbi Fang gschenkt (nid ganz, aber en grosse und en chline Fisch und zwei Pulpos). Zumal ich weder Fisch no Seefood gern ha, hed de Marius jetzt für en Wuche z ässe😅
    Am nöchdchte Tag simmer denn zügig wieter, will mer ja no immer kei Elektrik hend zum de Fisch chüele. Theoretisch weremer in 2.5h in Caldera gsi, aber uf halbem Weg, mitte i de Wüeschti ohni Handysignal hed d EDC Warnlampe vom Janosch ufglüchted, und de Motor isch abgstorbe. Und was mer au versuecht hend, mer hend en nümme Abracht... Weder mit Jumpstarter no mit Aschiebe.
    Zum Glück simmer nid allzu wiit weg gsi vonnere Raschtstett, wommer hend chönne frage ob si eus en Abschleppwage organisiered..
    De isch denn 2h spöter au cho, und hed eus zrugg as Meer zumene Mech gschleppt, wo d Batterie wieder glade hed und chli Silikon i irget es Rohr gsprützt hed, und denn isch de Janosch wieder gloffe.... Was genau s Problem sig heder aber au nid gwüsst (wahrschinlich heiger Luft agsoge, aber er chöns nid prüfe willer di richtige Grät nid heig).
    Nachdem er eus doppled so viel Geld abknöpft hed wie ursprünglich gseid das Abschleppe choschti, simmer denn aber mit em Janöschli wietergfahre und am Abig erschöpft in Caldera acho. Alles in Allem nid ganz unglücklich, das mer hie jetzt vorerscht mal es wiili werded blibe, und somit chli Ziet hend eus um eusi unterschidliche Baustelle z kümmere.    Leggi altro

    Guarda la traduzione
  • Südamerika 2023/2024
    Ganz z forderscht am Meer am Grille
    Siegerpose, wo d Elekteik wieder lauftChrank😳1Da bild zeigt di letschte Moment vo eusne Schoggibanane. Bir nöchschte Wälle: RIP⚰️🍌1ChräbbsliMini neuschti Lieblingsspies😍De Doggo hed glaub im vernoh das es Burger gid und de Marius bi Hundeauge nid cha nei sege😅Simmer ufem Jahrmärt gsiUsebützlet im CasinoLagerfürliHerorelms bi Fürschiin

    Chille in Chile

    14 febbraio 2024, Cile ⋅ ☀️ 24 °C

    Nach all eusne Panne hemmers eus in de Bahia Inglesa ufem Camping gmüetlich gmacht. Es härzigs Küschtestädtli, mit eme Riesige Strand und emmene Beachstrip mit diverse Restaurants und Bars. Leider hed denn de Marius afa chränkele und hed schliesslich Fieber becho. Zum glück hed de Janosch es Bettli dinne wommes sich cha gmüetlich mache.

    I de zwüscheziet han ich (finally, nachdem mer beidi nümme dra glaubt hend dases ohni Profi goht😅) eusi Elektrik denn doch wieder zum laufe bracht🎉
    Nach zwei Nächt ufem Camping simmer denn direkt an Beachstrip füre züglet, wommers eus nebet andere Wohnmobil gmüetlich gmacht hend. Eigentlich hemmer hie ja welle go Tauche, aber da Fieber, Vercheltig und Ohreweh en schlechti Usgangslag isch zum go Tauche, und s Wetter au nur so semi Schön gsi isch, hemmer denn nach zwei Täg euse Janosch wieder packt und sind wietergfahre richtig süde.

    In Chile a de Küschte isch am Morge immer bedeckt bis wüescht, und am Namitag tueds denn wieder bitz uf.
    Es lohnt sich also amig am vormittag z fahre.
    Bi eusem Wildcampingspott hemmer wieder eusi Fischerruete uspackt, aber nachdem mer nach 3 mal uswerfe scho 3 Hänger gha hend, hemmer ufs Chräbslifange umgstellt. De einti grossi Chrebs hed sich denn au grad en Biss (bzw eh Zange voll) vo Mariuses Finger krallt. Chräbbsli 1: Marius 0. Cräbse für ufe Grill hemmer eus denn aber doch no 2 gfange.

    Am nöchschte Tag simmer wieter düset uf La Serena. Jetzt bin ich a de Reihe gsi mit chrank werde, drum hemmer eus i de grosse Küschtstadt La Serena denn wieder ufeme Campingplatz iquartiert und nix gmacht.
    Zum Glück isch nachere Nacht mit Fieber au bi mier s gröbschte wieder verbie gsi, und mer hend am nöchschte Tag id Stadt chönne em Marius sis scho lang ersehnte Fischernetzt go poste, damit er sich in Zuekunft nümme mus vo Cräbsli biesse lah.
    Ei Abig in La Serena hemmer denn au no demit verbrocht im Casino all euses Geld z verspiele🤪
    Nachdem mer zwüschezietlich im Black Jack richtig abgrumet hend und de Marius im Roulet en Lauf gha hed, hemmer wietergspielt bis alles wieder weg gsi isch😁😁

    Jetzt simmer wieder unterwegs wieter gege Süde, irgendwo im Nirgendwo annere Küschte ufeme Wildcampingplatz, und freued eus ufs schöne Wetter am Nami und ufs Lagerfür am Abig😊    Leggi altro

    Guarda la traduzione
  • Südamerika 2023/2024
    Marius holt sich seelischi Unterstützig vo Slothy
    Mitternachts MeischolbeUnglaubliche Wildcampingspot direkt am Meer. Wenn nur s Wetter wür mitmacheJanosch scho wieder direkt am Strand😋Es wer ebbe scho mega schön. Schad heds Meer nur öbbe 16°Marius am Meer am spörtleBilderbuech SunneuntergangMarius vernichtet mich im Hero RelmsChatzeinvasion. Lid sicher nid drah das mier si gfüetered hend🤪Da sind frech worde und hend eus Food usem Auto klaut🤣🤣Beschti Boyfriend choched de chranke Fründin öbbisSandalesuechiPutzaktionDe Staub mus raus

    Di letschte Meter mit em Janosch

    15 febbraio 2024, Cile ⋅ ☁️ 18 °C

    Langsam wirds Ziet zum sich mit em Heigoh usenand z setze und Abschied neh vo üsem inzwüsche heiss gliebte Janosch.
    Aber zerscht hemmer nomal paar Täg ar Chilenische Küschte verbracht. Leider isches eifach konstant am Morge (und oft bis i Namitag inne) wüescht Wetter, was entsprechend nid zum am Morge ufem Platz verwiele iladed. Drum hemmer eusi Plän vo "hie blibemer jetzt mal 2 Nächt" au Konstant übere Hufe gworfe und immer wieter richtig Norde düset und in Vina del Mar und Valparaíso acho. Di Grosse Bränd wo hie tobt hend sind inzwüsche glöscht, aber de Alejandro, Bsitzer vom einzige Camping i de Region hed eus zeigt und verzellt wir knapps unter anderem au für sin Camping worde isch. Keini 50m vo döt wo mier jetzt camped, isch alles kahl und schwarz. De Alejandro isch super froh gsi das mier cho sind (mer sind ellei gsi ufem Camping trotz Hauptsaison), aber bi eus hed d Gsamtsituation au bitz s Gfühl vo Katastrophetourismus usglöst...
    Mier persönlich isch da aber so lang wie breit gsi, will ich mal wieder de Chäfer verwütscht ha und mich daher sowieso nur s Bett und d WCs interessiert hed. De Marius isch sowohl Viña del Mar als au Valparaíso go aluege, und vo beidne Städt wenig überzügt gsi ("es isch eifach Santiago am Meer"). Drum hemmer denn entschlosse, eusi letschte Täg im Janosch lieber no andersch z nutze.

    Wo mer mit em Janosch vor 3 Mt. vo Santiago richtig Argentinie losgfahre sind, hemmer ufem aller erschte Wildcampingspot mini Sandale vergesse (bzw. glaub ich ja das di streunende Hünd si i de Nacht klaut hend).
    Mit eusem letschte Tag im Janosch simmer die Sandale no go sueche. 2 h Autofahrt zrugg richtig Argentinie, zum Plätzli wommer vor 3 Mt. übernachted hend.
    D Sandale sind natürlich nümme dötte gsi, aber irgendwie hed sich die ganzi Reis mit dem Usflug ganz rund agfühlt🥰
    Übernachtet hemmer denn aber ufeme hübbsche chline Camping 1h Nördlich vo Santiago, wommer eusi letschti Nacht i eusem Gliebte Janosch gschlafe hend.

    Am nöchschte Tag simmer denn losgfahre zrugg richtig Santiago und hend de Janosch emmene Früeligsputz unterzoge. Fairerwiis musi zuegeh das de Marius s meischte gmacht hed, und ich (immerno mit mim Chäfer kämpfend) hauptsächlich im Schatte ghöckled bi und chli mit meh Lumpe Staub hin und her gschobe ha🤣
    Nach 3.5h putze simmer denn zrugg zu Suzi Santiago (die wo eus bim Autochauf "gholfe" hend) eusi lääre Koffere go hole, und hend in Santiago euses Hotelzimmer bezoge, wo mer di letschti Wuche vo eusne Ferie verbringe werded.    Leggi altro

    Guarda la traduzione
  • Südamerika 2023/2024
    Eui tolli CornerSuit im ICON HotelMal wieder es richtg grosses Bett🥰Uf de Gmeind am Janosch sini Dokument am erneuereBitzli Sad, will letschti Fahrt mit JanoschAbschiedsselfie mit JanoschOups, da hemmer eus innen Lederlade verloffe🤪Und innen Lederjagge Shop aunograd🤪Damit d reis Rund isch, hemmer natülich au nomal i die Bar müsse wommer a eusem erschte Tag gsi sindUnd au Kultur daf natürlich nid fähleDa freut sich öbber willer am gwünne isch, wehred dem d Sunne untergoht😁No es letschts Mal richtig chic go ässeUnd denn mit Sack und Pack zum FlughafeGuet packt. 23kg /Koffer hemmer döffe mitneh. Si hends eus durelah💪😁1Akunft dehei, liebevoll gschmückt und putzt vo eusne FründeMit Pschtcharte Tagebuech über s Lebe in BaselUnd neuer Kuscht für eusi Wänd♥️

    Santiago again and Home, sweet Home

    28 febbraio 2024, Cile ⋅ 🌙 17 °C

    Di letschti Wuche in Südamerika hemmer eus denkt, möchemer no chli Ferie währed de Ferie😊 also hemmer in Santiago innes SpaHotel icheckt, innes wunderschöns Zimmer im 17 Stock mit Panoramaview über d Stadt, Rooftop Pool, Spabereich und eme super Zmorgebuffet (obwohls kei Pancakes geh het😬)
    Bim zweite Mal Santiago isch eus die Stadt denn doch au no richtig as Herz gwachse. Mus wohl drah ligge dases immer 30°+ gsi isch, und mier hauptsechlich am Pool chillt und in Barrio Italia gshopt hend.

    Ach, und de Janosch hemmer natürlich no müsse go abgeh (und debie es paar Tränli verdrücke). Und alli Dokument go erneuere. Mier chönd jetzt emmel offiziell i euse CV schriebe, das mier in Südamerika es Auto vorgfüert hend!! Spezielli Talent und so😉😋

    Und denn isch denn au scho viel z schnell de Tag vor Rückreis cho. Am Morge am 7ni simmer z Santiago am Flughafe gstande und hend eus uf di langi Heireis gmacht, wommer denn am nöchdchte Tag am 15.00 (CH Ziet) endlich wieder i eusi eigeti wohnig cho sind.
    Und dött hann ich zerscht mal afa brüele... Will di tolli Ziet in Südamerika verbie isch, aber vorallem au willi gern wieder dehei gsi bi und eusi Wohnig eifach vor Liebi gstrotz hed, und de Bewiis isch das mier die beschtmögliche Fründe und Familie überhaupt hend❤️❤️    Leggi altro

    Guarda la traduzione
  • Fine del viaggio
    28 febbraio 2024