Südamerika 2023/2024

12月 2023 - 2月 2024

Linda & Mariusによる87日間のアドベンチャーもっと詳しく

35足跡
4国
87日間
435写真
1動画
37.4千キロ
28.5千キロ
51海里
45キロ
3キロ

フォローするカレンダー共有死ぬまでにやっておきたいことリスト

日付の昇順

Südamerika 2023/2024
- 旅行を表示する
- 死ぬまでにやっておきたいことリストに追加死ぬまでにやっておきたいことリストから削除
- 共有
- 2023/12/22 11:13
- 🌬 9 °C
- 海抜: 4,273 m
- アルゼンチン La Rioja Province Departamento de Vinchina -28.30409, -68.82212728°18’15” S 68°49’20” W
日19
Laguna Brava
2023年12月22日, アルゼンチン ⋅ 🌬 9 °C
Hüt simmer wiedr go wind surfe und hend nochenä vor cha Richtig Laguna Brava witer zgoh. Doh de Wind ersch spot cho isch zum wind surfä, simmer dennä ersch am 4ri los. Drum isch es dennä scho obig am 8ti gsie bis mer id nöchi vode Laguna Brava cho sind. Aber mer hend üs doh nöd ufhalte loh und d Linda het gmaint "brenne" ufd Frog ob mer doh jetzt glich no witer fahred. Drum simmer dennä ersch am 10ni a üsem Camping spot a cho. Döt anä hend mer abä wöllä, doh mer am checkpoint verbi hend wöllä cho. Bim Check Point hettets eim äbe en Guide uf zwunge. Drum hemmer dennt mer schliched nebt de office hours verbi:)

Vom üsem Camping Spot sind mer dennä am Morge nommel 2300m duruf mit em Auto uf über 4300 m zude Laguna Brava. Mega schön aber au chlii windig hanni ghört säge. D Nacht hemmer dennä amne wunderschöne Camping Spot verbrocht, au wenns mer döttä zersch chli z heiss gsie isch:).もっと詳しく
旅行者 Wow, scheen😍
2023/12/22返信する翻訳する
旅行者 Jetzt musch nomal neu luege😊 dui hesch glab erscht afig de Platzhalter gseh😊
2023/12/23返信する翻訳する
旅行者 👍😅
2023/12/25返信する
4以上のコメント
7いいね
Südamerika 2023/2024
- 旅行を表示する
- 死ぬまでにやっておきたいことリストに追加死ぬまでにやっておきたいことリストから削除
- 共有
- 2023/12/23 19:07
- ☀️ 30 °C
- 海抜: 1,244 m
- アルゼンチン Catamarca Province Belén -27.642896, -67.02117227°38’34” S 67°1’16” W
日20
Die erste Panne
2023年12月23日, アルゼンチン ⋅ ☀️ 30 °C
Mier hend si erwarted. Mier hend gwüsst, irgendwenn chund si. Mier hend üs über usstigendi Motore, Achseschenkelbolze-Brüch wiiet ab vo de Zivilisation und kaputti Bremse Gedanke gmacht. Aber das di erschti Panne in Form vommene abbrochene Zündschlüssel (zum Glück nid im Zündschloss) würd in Erschinig trette wer eus nid in Sinn cho.
In Belen Argentinie isch denn aber genau da passiert. Mier hend zwei Schlüssel zum Auto, aber nur eine cha de Motor alah. Und de isch (zerscht) verbroche....
Möglichi Szenarie ab dem Moment:
- Mer dünd s Auto churzschlüsse, und fahred so wiiter.... - - >Leider kennemer da beidi nur us alte action Film, und hend kei Ahnig vor Praxis.
- mer chessled 10h mit em Bus uf Salta und 10h wieder zrugg, zum dött innere Mercedes Garage en neue Schlüssel la mache wo denn vielleicht passt.
- mier hend Glück.

Mer hend eus für Szenario 3 entschide.
Z Fuess hemmer eus ufe Weg is Zentrum vo Belen (15'000 Seele Städtli) gmacht, wo mer schliesslich im skurilschte chline Lade, wo Pullover und Schue vo Aliexpress verchauft und nebebie no Schlüssel kopiert (jop, seeeehr vertrauenswürdig😅) euse kaputti Schlüssel vom Marco hend la kopiere.

D Kopie hed im erschte Versuech nid funktioniert. Und mier hend eus innerlich scho uf Szenario 2 afa istelle.
Aber de Marco heds zu sinere eigete chline Mission gmacht, das er eus nid will im Stich lah. Zitat (übersetzt) : "Wenns mit de Kopie nid klapped, denn Lötemer de Orginalschlüssel wieder zemme."
Um Mitternacht isch de Marco schliesslich mit meh Schlüssel bi eus ufem Camping uftaucht, wo zemme mit em Chip vom Originalschlüssel und bitz Isolierband wo alles zemmehebt, euse Janosch wieder hed la id Gäng cho.
De Marco isch euse persönlichi Reiseheld!!!

Trotzdem heder eus wermschtens as Herz gleid, das mer ziitnöch uf Salta fahred, und eus döt binnere Mercedes Garage en weniger provisorische Schlüssel lönd lah mache.

Und da hemmer eus z Herze gnoh.
Am 24.12 simmer am 6.30 in Belen losgfahre und nach 7h Fahrt am 14.00 in Salta acho.
Wenn den
d Läde nach
de Feschtteg wieder offe sind, gids (hoffentlich) en neue Autoschlüssel.

Aber bis denn, essemer hie gmüetlich euses Wiehnächtliche Fondeu Chinouoise bi 33°C und wünsched eu allne Marry Christmas, ganz viel Liebi, und frohi Feschttäg.もっと詳しく
翻訳をご覧ください
mir wünsched eu schöni Wiehnachte🎄⭐️✨ in Salta und viel Glück bim Schlüssel kopiere🍀 [Rohners]
2023/12/25返信する翻訳する
旅行者 Ups, weihnächtliche Abenteuer💃🎄🌠Simmer ja gschpannt wies weytergahd🍀❤
2023/12/25返信する翻訳する
旅行者 Hallo Lind und Marius, ha jetzt mit spannig euchi Bricht und Bilder ahgluegt. Isch ja interessant was scho aues gloffe isch. Ich drücke euch d Dume dass es witerhin guet chunt. Gniessed euchi Freiheit und Abendteuer.
2023/12/27返信する翻訳する
2以上のコメント
4いいね
Südamerika 2023/2024
- 旅行を表示する
- 死ぬまでにやっておきたいことリストに追加死ぬまでにやっておきたいことリストから削除
- 共有
- 2023/12/27 22:41
- ☁️ 22 °C
- 海抜: 1,185 m
- アルゼンチン Salta Province Departamento Capital Salta Plaza Alvardo -24.789576, -65.42913324°47’22” S 65°25’45” W
2
日24
Salta
2023年12月27日, アルゼンチン ⋅ ☁️ 22 °C
Nachere "nid so stille Nacht" (schinbar isches z Argentinie normal das meh am 24. um Mitternacht Fürwerk ablast) hemmer am 25. euse erschti Tag sit afang vo de Reis gha, wommer absolut nix gmacht hend. Es isch glichziitig au de erschti Regetag gsi wommer in Südamerika erlebt hend.
Am 26. Simmer denn aber wieder voller Tatendrang früeh ufgstande, und sind zerscht mal zummene Autoschlüssel spezialischt, wo eus innert chürzischter ziit (und für CHF 50) zwei neui Autoschlüssel zauberet hed, wo jetzt beidi im Motor funktioniered (🎉 Party).
Wommer grad am Panne korrigiere gsi sind, hemmer euse Janosch au no grad zum Mech in Service bracht.
Mer hend demit grechnet, das mer s Auto jetzt münd es paar Tag dötte lah, aber stattdesse hemmers am gliche Obe, frisch ab Service mit neue Bremse wieder chönne go hole.
I de zwüscheziit hemmer eus in Trubel vo Salta begeh.

Salta isch di erschti grösseri Stadt, wo alles gha hed was mier eus vonnere Südamerikanische Stadt gwünscht hend. 1000 chlini Lädeli, vom Plastiklade wo nur Tupperware in Rosa und Mintgrüen verchauft bis zum Ledergscheft wod ganzi Rinderhüt chasch chaufe, isch alles debie. D Gässli sind währed de Siesta wie usgstorbe, aber chum isch si verbie hesch 100ti Mensche und Musig uf de Strasse, es wird in Spielhalle gspielt, uf de Strasse tanzt und natürlich gshopped. Das hend mier natürlich au gmacht😋

Am Abig simmer denn au in en Typisch Argentinischi Péna go zNachtesse und hend eus vo Tanz und Musig lah unterhalte.

Alles in Allem lost sich zemmefasse: Salta hed es Stück vo eusem Herz döffe phalte.もっと詳しく
翻訳をご覧ください
旅行者 Tönt ächt super! Zum Glück sind ihr nit vegetarisch unterwägs 😊… mein ich das numme oder wär das für Argentinie ungwöhnlich?
2023/12/29返信する翻訳する
旅行者 Hihi, ja, aso es isch sehr eifach sich nur vo fleisch z ernähre🤣 aber si sind glaub au scho chli besser worde, i de grössere supermerkt findet meh au s eint oder andere ersatzprodukt😊
2023/12/29返信する翻訳する
旅行者 Toll, wie ihr das alles managt und geniesst❤
2023/12/30返信する翻訳する
2以上のコメント
5いいね
Südamerika 2023/2024
- 旅行を表示する
- 死ぬまでにやっておきたいことリストに追加死ぬまでにやっておきたいことリストから削除
- 共有
- 2023/12/28 12:12
- ⛅ 24 °C
- 海抜: 2,004 m
- アルゼンチン Salta Province Departamento de Chicoana Escoipe -25.180009, -65.75207825°10’48” S 65°45’7” W
日25
Vo Salta noch Cachi
2023年12月28日, アルゼンチン ⋅ ⛅ 24 °C
Mer hend Salta verloh Richtig Cachi. Aber bevor mer los sind hend mer noh neui Schibewüscher kauft. Eifach mit em Gedanke, dass je nördlicher mer gönd desto meh Regäziitwetter wirds geh. Üsi Route het üs dennä dur de Parque National los Cardones gführt. Döttä hets so übergrossi Kakteen. Diä sind also so gross dass au d Linda nöd uf Idee chunnt so es Ding bi eus id Wohnig stellä... Au hemmer döttä es tolls Plätzli gfunde zum campiere es paar meter vode Stross. Aber wit simmer nöd cho... Mer hend s Sandrändli und s Gwicht vom Janosch unterschätzt. Drum hemmer dennä so 45 min cha bis mer ihn wiedr frei gschuflet hend:). Nochdem mer dennä amne weniger sandige Plätzli gschlofe hend, ich nochli go laufe bin und d Linda so Sache gmacht het wiä de Ölstand kontrolliere sind mer in Cachi acho:).もっと詳しく
翻訳をご覧ください
2いいね
Südamerika 2023/2024
- 旅行を表示する
- 死ぬまでにやっておきたいことリストに追加死ぬまでにやっておきたいことリストから削除
- 共有
- 2023/12/29 13:48
- ☁️ 13 °C
- 海抜: 3,522 m
- アルゼンチン Salta Province Departamento de La Poma El Saladillo Río Blanco -24.554911, -66.19093324°33’18” S 66°11’27” W
1
日26
Sackgassen
2023年12月29日, アルゼンチン ⋅ ☁️ 13 °C
Au währetem Reise isch nid immer alles Gold.
Bispielswiis schätzt mehs plötzlich wieder unglaublich, wenn meh nachere heisse Duschi wieder weiss dass di bruni Hutfarb tatsächlich de Tain, und nid 3 Schichte Sunncreme und Dräck isch.
Oder bi Räge zemmepacke, das isch au eher so semi cool.

Ebefalls semi cool isch euse hüttigi Roadtrip gsi. De Plan: ziitig ufstah, und Kilometer frässe. Vo Cachi via San Antonio de los Corbos nach Humahuaca, 6 h Autofahrt uf de Rout 40 (Route National) richtig Norde. Scho churz nach de Abfahrt isch klar worde, so easy wird die Fahrt nid. Nach 10 min isch d Strass scho nurno en Gravelroad gsi. Nach 20 min simmer dure erschti Fluss gfahre, wo quer über d Strass gflosse isch...
Nach über zwei Stund hed eus en Töffahrer aghalte und eus mitteilt, das d Strass wieter vorne nümme befahrbar sig mit em Auto, nid mal mit Allradatrib (was mier nid hend).
Somit simmer denn umkehrt und de ganz Weg über Stock und Stei und Flüss wieder zruggchesslet.

Wommer denn am Namitag irgendwenn wieder uf de terete Strasse gsi sind, hed denn defür de Nebel igsetzt. Aso simmer im Schneggethempo wieder de ganz Weg zrugg nach Salta keesslet.
Es mus wohl a dere Stell nid erweht si, das mier euses Tagesziel (Humahuaca) hüt nid im Asatz erreicht hend😉もっと詳しく
翻訳をご覧ください
en guete Rutsch wo au imner ihr i de Zwüscheziit sind ins neui Johr und ihr müends jo nöd wörtlich nee👍😀👍 [Susanne und Alex]
2023/12/31返信する翻訳する
Y bi beydruggt 😘😘 [Christine]
2023/12/31返信する翻訳する
Viel Glück im neue Jahr😉 [Daniela Belser]
2024/01/01返信する翻訳する
2いいね
Südamerika 2023/2024
- 旅行を表示する
- 死ぬまでにやっておきたいことリストに追加死ぬまでにやっておきたいことリストから削除
- 共有
- 2023/12/31 23:47
- ☁️ 11 °C
- 海抜: 2,468 m
- アルゼンチン Jujuy Province Tilcara -23.574797, -65.39611323°34’29” S 65°23’46” W
1
日28
Abschied von Argentinien
2023年12月31日, アルゼンチン ⋅ ☁️ 11 °C
Langsam chömmemer de Bolivianische Grenze nöcher. Was mer zum Abschid vo Argentinie no erlebt hend:
- nach eusere Sackgasse- Fahrt hemmer eus 2 Täg Rueh im Inkadörfli Tilcara gönnt (very cutes Dörfli, touristisch, super farbig).
- mier hend welle in Kultur fröhne. Aber de Inkatempel isch leider wege Silvester zue gsi.
- mier hend denkt mier gönd annes grosses Silvester-fiesta im Dörflu, aber die in Tilcara sind alli früeh is Bett🤣 Aso simmer zurgg an Camping und hend Schlangebrot gmacht. (s beschte gsi wo eus hed chönne passiere, es isch en perfekte Silvester gsi❤️)
-insgesamt: Tilcara isch super cute, mier sind hie echt happy gsi und hend vieli tolli Souveniers und Erinnerige vo dött mitgnoh.
- In Humahuaca simmer di 14 Farbige Bergli go aluege
- und sind immer denn is Dorf, wenn alles zue gsi isch, drum chömmer über s Dörfli chum was sege🤣もっと詳しく
翻訳をご覧ください
wenn mer gern isst muess mer halt au chöne choche😂 und au de Opa vom Marius het super choched er hetts also nöd gstohle🥰👍🥰 [Susanne]
2024/01/04返信する翻訳する
旅行者 Sehr schön, die farbige Felse😍
2024/01/04返信する翻訳する
7いいね
Südamerika 2023/2024
- 旅行を表示する
- 死ぬまでにやっておきたいことリストに追加死ぬまでにやっておきたいことリストから削除
- 共有
- 2024/01/03 17:51
- ☁️ 17 °C
- 海抜: 2,960 m
- ボリビア Departamento de Potosí Remedio Quebrada Pucamayo -21.4416, -65.71982821°26’30” S 65°43’11” W
日31
Au in Bolivia hets Bastellädeli
1月3日, ボリビア ⋅ ☁️ 17 °C
旅行者 Äääähhhm 🤔 was genau baschtlisch du eigentlich, dass du so Schlüch bruchsch? 😉
2024/01/04返信する翻訳する
旅行者 Eusi wasserpumpi hed de geischt ufgeh😅 drum gids jetzt es neus wassersystem🤪
2024/01/04返信する翻訳する
旅行者 Und de Marius nennt denn da amig gern liebevoll Baschtle, wenni euses Auto wieder optimiere😜
2024/01/04返信する翻訳する
4以上のコメント
2いいね
Südamerika 2023/2024
- 旅行を表示する
- 死ぬまでにやっておきたいことリストに追加死ぬまでにやっておきたいことリストから削除
- 共有
- 2024/01/04 12:29
- ☁️ 18 °C
- 海抜: 3,657 m
- ボリビア Departamento de Potosí Uyuni -20.330289, -67.04717220°19’49” S 67°2’50” W
1
1 3 3 1
日32
Uyuni und die Salzwüsten
1月4日, ボリビア ⋅ ☁️ 18 °C
Bir Grenzüberquerig nach Bolivie hed d Linda Bluet und Wasser gschwitzt, us Angscht das sie ihres Leder mus abgeh. Aber de Inhalt vom Auto hed die a de Bolivianische Grenze herzlich wenig interessiert. Nach ca. 2 stund Chaos, wo mier nid gwüsst hend i welles vo denne 100 Offices mier als nöchschts münd goh, und die nid gwüsst hend welli Dokument si jetzt vo eus bruched, hemmers denn über d Grenze nach Bolivie gschafft.
Und denn isches wieder losgange:
-Bolivianos (Geld) organisiere und sich an en neui Währig gwöhne (mer hend ennere Verchäuferin sicher öbbe en halbe Monetslohn Trinkgeld geh will mer eus no Argenrinisches (wertloses) Geld gwöhnt gsi sind).
- Simcharte organisiere (usnahmswiis mal eifach gsi)
- Poulet vom Güggelispiess esse (extrem wichtig)
- und denn los uf di Bolivianische Strasse.

Nacheme churze Tankstopp (so churz denn au wieder nid, will di erschte paar Tankstelle eus kei Diesel hend welle verchaufe, wills nur für di Iheimische sig) in Tupiza (tolle Markt und 10'000 TucTuc uf de Strasse) simmer wietergfahre uf Uyuni.
Nacheme Wander-/Baschteltag bim Traincementery hemmer s erschte Mal sit afang Reis entschide, das mer immene Hotel pfused. Und au das nur, damit euse Janosch nacher 3 Tägli dörf i de Hotelgarage igstellt si, während mier en 3 Tägigi Tour dur d Salzwüeschtene und de Süde vo Bolivie buecht hend.

Zur Tour dur d Salzwüeschti segi nix, d Bilder spreche für sich.

Leider hemmer denn aber d Tour nach em erschte Tag ufgrund vonnere Lebensmittelvergiftig müsse abbreche.
Aktuell höcklemer immene sehr rüttelige Bus, zurgg uf Uyuni, damit mer de Janosch chönd go hole. Jetzt möchemer de Süde vo Boliviä wie gewohnt uf eigeni Fuscht und ohni Tour.もっと詳しく
翻訳をご覧ください
旅行者 Ich bi sprochlos 😮…. dr absoluti Wahnsinn! So tolli Fötteli! 😍 die Salzwüeschti würd mir au gfalle… ich würds denn glaub eifach ohni Läbensmittelvergiftig bueche 🤢
2024/01/08返信する翻訳する
旅行者 🤣🤣🤣 Joa, de tip nimmi mer fürs nöchscht mal z herze😜🤣
2024/01/08返信する翻訳する
旅行者 Wow!! 😍
2024/01/08返信する翻訳する
8以上のコメント
5いいね
Südamerika 2023/2024
- 旅行を表示する
- 死ぬまでにやっておきたいことリストに追加死ぬまでにやっておきたいことリストから削除
- 共有
- 2024/01/11
- ☀️ 21 °C
- 海抜: 3,645 m
- ボリビア Departamento de La Paz San Jorge Río Orcajahuira -16.514722, -68.13333716°30’53” S 68°8’0” W
1
日39
La Paz
1月11日, ボリビア ⋅ ☀️ 21 °C
Jetzt ischs passiert. S erschte Mal sit afang Reis hemmer drüber gret, is Usland uszwandere. Wer hetti denkt, das usgrechnet Bolivie das Land wird, wo di anderne bereiste Länder in Schatte stellt.
Nachere wietere churze gsundheitliche Kriese hemmer La Paz erreicht und sind innes wunderbars AirBnB zoge, wehret dem de Janosch bimmene Schwiezer Automech in sin 2te Service isch.
La Paz hed es fantastisches Gondel-System, wo meh für 3 Bolivianos (ca. 40 rappe) pro Fahrt über/dur di ganzi Stadt cha gondle. Es hed ganz viel Mächt (was mier bakanntlich liebed), gwüssi sind super Touristisch, bi anderne sind mer di einzige Tourischte (und entsprechend mehrfach gwarnt worde, das mier s ziel vo allne Pickpockets werded si. Fallser eu jetzt fraged: Nop, mer hend no alles😉). Was aber alli Mercht gmeinsam hend, isch das es sich vibrant und lebendig afühlt.
Au hemmer in La Paz im verglich zum restliche trip bisher nur super fein gässe, sigs ammene Foodstand i de Strass oder imme Restaurant.
Ach, und die hiesige Coiffeur sind au ganz i. O. 🤪
Insgesamt, würdemer die Stadt als Reisedestination jedem wieterempfehle!!! 🥰もっと詳しく
翻訳をご覧ください
旅行者 What else?
2024/01/14返信する翻訳する
8いいね
Südamerika 2023/2024
- 旅行を表示する
- 死ぬまでにやっておきたいことリストに追加死ぬまでにやっておきたいことリストから削除
- 共有
- 2024/01/12 8:28
- ☁️ 8 °C
- 海抜: 4,187 m
- ボリビア Departamento de La Paz Estancia Rinconada -16.322879, -68.01434716°19’22” S 68°0’52” W
4
日40
Death Road
1月12日, ボリビア ⋅ ☁️ 8 °C
Nochdem mer überall gäse hend, dass mer unbedingt Death Road mit em Velo söllid mache, hemmer das au in Agriff gnoh.

D Rhianna und de Rob wo mer uf de Uyuni Tour kenneglernt hend, sind au gad in La Paz gsie und au mitcho.
Mit eme Bus simmer uf 4800 m ufä gfahre worde. Vo döttä simmer dennä 3 h mit em Mountainbike durab gfahre bis uf 1200m. Zersch über diä normali Autostross in alpiner Umgebig. Noch so 45 min und nochdem d Linda sich s fancy Velo vom Guide gschnorret het, simmer uf d "Death Road" abbogä. Diä isch vo Paraguanische Kriegsgfangnä baut worde und bim Bau sind au sehr viel Lüt gstorbe. Da het sind Teil zum Name Death Road bitreit. Susch isch sie frühner hald au diä einzig verbindig gsie vom Dschungel is Hochland. Sie isch jetzt nöd sonderlich breit und guet gsicheret. Drum sind dennä au bis zu 400 Persone pro Johr gstorbe. En witere Teil wieso sie Death Road heisst. Sit diä Stross für de Normalverkehr gsperrt isch und hauptsächlich Velos unterwegs sind, isch sie recht sicher. Ide letschte 15 Johr sind "nur" circa 20 Persone verunglückt.
Uf de death road hets dennä au schö gholpperet und mer hets ide Handglenk chli gspürrt. Währed de nögschte 2 stund isch es dennä immer füächter und wärmer worde bis mer ide Vorstufe vom Boliviabische Urwald acho sind. Döttä simmer denn noh go bädelä bevors mit em Bus zrug noch La Paz gange isch.もっと詳しく
翻訳をご覧ください
旅行者 Also das isch jo scho mega schön und so… aber gits in dere Gegend nit au 🤔… also irgendwelchi Aktivitäte….wo nit mit em Velo über e Strössli donneret wird wo au no DEATH ROAD 😳 gnennt wird??????????
2024/01/18返信する翻訳する
旅行者 Das gäbs sicher, aber isch ja nur halb so luschtig wenn meh nid mit em lebe cha gamble😜
2024/01/18返信する翻訳する
旅行者 Macht total Sinn…. 😂…. ihr händ au mega cool usgseh in eurem Ahzug… und das isch au wichtig 😉
2024/01/18返信する翻訳する
旅行者 😉
2024/01/18返信する
4いいね

もっと詳しく