Monkey forest, yoga barn en vegan vibes

Ma het my vroeg wakker gemaak (=not a happy camper). Ons stap toe almal yoga barn toe vir 'n joga klas. Dis 'n groot plek waar jy oploop met die trappe na die boonste vloer. Dit raak redelik vol en daar is mense van alle uithoeke en areas van die lewe. Interessante ervaring. Ons eet toe gou ons ontbyt by die huis en spring vinnig deur die swembad. Daarna wandel ons almal na die Monkey Forest. Dis baie mooi en groen, en is in die middel van Ubud, wat digbewoon is. Die apies is gewoond aan mense en glad nie bang nie, maar mens word gewaarsku om nie te probeer kontak maak met hulle nie omdat hulle onvoorspelbaar is. Ons en Annelia stap toe en ontdek Laka Léké, die rustigste, mooiste plek, waar ons heerlike middagete geëet het - ma 'n pynappel-hoender slaai, ek suurlemoen hoender en Annelia Gada gada - 'n vegetariese gereg met peanut sous. Ons stap toe 'n ompad huis toe deur die woongebied waar mense bly wat huise en karre het en waar honde blaf vir ons omdat ons vreemd is vir hulle. Oral langs die pad staan verkeersmanne op sypaadjies en blaas fluitjies wat die verkeer ophou as voetgangers wil oorgaan. Terug by die huisie vang ma toe 'n middagslapie (oë-rol gesiggie) van 16:00 tot ek haar 19:00 uit die bed sleep (shame sy was seker moeg). Die res van ons het rondom die swembad gekuier en bietjie geswem. Ons gaan eet toe 'n vegan buffet, dmc bietjie met Sharon en Trix en gaan vir 'n massering. Terug by die huis, sit almal en kuier op Elmien en Carien se stoep en bespreek die planne verder oor 'n voggie en daarna word ma se hoofpyn wegge'tap' deur Daniel. Hy doen sulke healing goed. Ons gaan nou ernstig slaap, want more is 'n lang dag wat vroeg begin.Read more