Villas de Mora

unglaublich aber wahr und schu isch au dr zweiti teil vu üserer reis durä. für üs gahts ez is nächstä und letschtä abentür.
vorher aber nu paar gedankä.
mittelamerika isch defintiv touristischer als südamerika. trotzdem ischs bussystem in südamerika besser gsi. da hesch viel mit shuttle mössä fahrä, wills zum teil kei anderi option gi het oder eifach viel z umständlich gsi isch. übernacht hesch da a vielnä ortä nöd chänä fahrä, was di de zum teil en ganzä tag reiseziit kostet het und d büs sind in südamerika au bequemer und imnä besserä zuästand gsi.
mir sind fast e halbsjahr dur all diä wunderschönä länder greist. vermissä werded mir defintiv diä feinä frischä frücht und früchtsäft, diä feinä rübli chuächä, das chaotischä lebä, wo so faszinierend isch, diä tollä kulturä und kleider und dr dschungel mit sinä wunderschönä bewohner. 😍
nöd vrmissä diä lut musik, dr riis, d hitz und das a vielnä ort nur bar zahlä chasch und wänn de mit chartä zahlä chasch vielfach nu en ufpris zahlä mosch und natürli der vieli vieli abfall😞
mir wüssed aber sicher asmer nöd z letschtmal da gsi sind. mir hend einigi länder wegä ziitmangel mösä usla oder de eintä z wenig umerksamkeit chänä schenkä.
mexiko, argentiniä, peru, suriname, guyana, französisch-guyana, (venezuela), brasiliä und karibischi inslä all diä länder wemmer defintiv nu gu bsuäche oder intensiver entdeckä. wer weiss i dr weltreis 2.0 oder 3.0😉 üseri reis dur diä länder isch defintiv für üs perfekt gsi und das schönstä isch das me all diä erfahrigä und iidrück mit öpperem teilä chan💪💙

bestä essä boliviä (dschungel), guatemala
evtl. mexiko wemmer nu me ziit ka hetted
günstigstä land kolumbiä, boliviä, ecuador, guatemala
türstä land costa rica, panama, belize isch dicht hindä dra
schönsts land ALLI
dreckigstä länder boliviä, kolumbiä, ecuador, honduras

paar highlights:

salar de uyuni, boliviä 💍
atacama wüste, chile 🦩
amazonas, pampas boliviä 🦥
ruta 7, chile 🛣️
torres del paine, chile ⛰️
perrito moreno, argentiniä 🏔️
ushuaia, argentiniä 🥾
galapagos, ecuador 🐢
walhai, isla coiba santa catalina, panama 🐋
acatenango vulkan, guatemala 🌋
tikal, guatemala 🛕
san andrés, kolumbiä 🤿
rio, brasiliä 🚡
pantanal, brasiliä 🐒
iguazu, argentiniä, brasiliä 🏞️
copàn, honduras 🗿

wänn mir chend uswähle het üs südamerika bizli me beeidruckt😁

uf üserä letschtä shuttlefahrt mitem iheimischä collectivo isch unerwarteterwis e reifä platz.
mir sind völlig überrascht gsi, da si doch genau da so guät uf d pneu und pneu wechselä luäged. o bis o wird au da ganz gross gschriebe😉
ahahha mir sind doch eher überrascht gsi as es erst ez passiert isch. we mir de witer chend, hemmer selber mosä luägä. ersatzreifä natürli fehlanzeige.

diä ziit wird für immer i üsernä herzä si💙

ab is letschtä abendtür. mir freued üs. 🍍🌈🌺🌴Read more