Siem Reap - wieder temple wie blöd

Gester am 5 vor 7i wie pünkltechi schwizer vorem hotel uf üse transport gwartet wo o churz druf abe cho isch. Nach organisatorische startschwierigkeite site fahrdienst u 20 minute ischs ner glich los gange richtig kambodscha. D fahrt het üs recht möge, wie bisher die meiste wechsle, bsungers die weg vo schöne insle is inland ihne 😄 z fuess über ne grenze isch o ging es erläbnis aber het aues ihwandfrei klappet. Zwar hei 2 zöllner gschaffet u 4 si am handy am chille gsi, aber me bringt ja zit u geduld mit 😉 im neue hostel ahcho heimer es bädi gno u drinks für je 3-4 dollar probiert. Git viu z probiere wes allei scho 5 verschiedni mojitos git. Hei üs dank de drinks no lo überschnure mit ere grössere gruppe d pubstreet go unsicher z mache. Z lang simer nid furt, wiu hüt am 8i het üsi tour ahgfange für die ersti schwetti temple go z luege. Hei üs e privat guided tour gönnt wo z geld allemal wert isch gsi. Dr guide isch super sympatisch gsi u het aui üsi frage zu temple, lokalem esse, zur politische lag, u auem wo üs spontan i sinn cho isch authentisch u fliessend englisch beantwortet. Mitm tuktuk simer so vo ort zu ort gfahre u hei die ersti heufti vo de temple gseh. Morn geits entspannt ufe mittag zu de "restleche" temple inklusive sunneungergang uf em me berg (wird eue eher e hügu si, kambodscha isch extrem flach). Zu de temple gits nid viu z sege, d biuder spreche für sich, o we si d ihdrück vor realität nur haub vermittle 😉Read more