Civita Vecchia und Rom🏛

Am Zistig Morge simer ufgstande und hend üs parat gmacht für de Tagesusflug uf Rom.🇮🇹
Die 1h Afahrt vum Hafe id Stadt hemer müesse sälber organisiere. Zum Glück hemer e netti Dame am Bahnhof gfunde, wo üs Tickets für grad mal 4.60 Euro pro Person und Fahrt verchauft hät.🚅
Uf de Zugfahrt hemer super Ussicht ufs Meeyr, Hüüsli und d Natur gha.🏠🌊🌴
In Rom a cho hemer üs in erste Hop on/off Bus gsetzt, wo mer gfunde hend. De hät üs i de Stadt ume gfahre und mer hend jensti cooli Sache gsey. Es isch nüd lang gange und s Colosseum isch in Sicht chou. Das isch würklich sehr idrücklich gsi.🏛🤩
Zmittag hemer feini Pizza und Spaghetti gha.🍅🍝🍝🍕
D Heifahrt im Zug isch dänn chli mühsam gsi, will alli Abteil überfüllt gsi sind. Aber mir sind pünktlich wieder zrugg uf em Schiff gsi und hend üs ready gmacht fürs Znacht.
Plötzlich häts e Luutsprächerdurchsag vum Kapitän gäh: Wägä schlächtem Wätter wird de Hafe vu Marseille am Dunnstig nüd a gfahre und mir gönd direkt zrugg uf Barcelona wo mer die letzte zwei Täg dänn verbringed. Die Nachricht hät üs zimlich entdüscht.🔊👎
Aber dank emene feine Znacht im Restaurant "Mamma Mia" isch das ganze dänn zum Glück wieder einigermasse vergässä gange.🍚🍕🍕🍕
Nach em Znacht simer nu id Art Bar eis gu näh und früh is Bett.🥂🔴🟠🟡🟢🔵🟣🟤Read more