Aida Chrüzfahrt im Mittelmeer

Hüt simer bi Ziite ufgstande und gu Zmorge ässe. Am Buffet häts würklich alles gäh, wo mer sich chan wünsche.🍇🍉🍊🍌🍍🥭🍎🍐🍒🍓🫐🥝🍅🫒🍞🥐🥖🥞🥓🌭🍳🥚🥗☕🍶🧃
Gliichziitig hemer nu üse Tages-Trip buecht: E Boots-Tour mit Halt zum Schnorchle und Schwimme.😍🐟🤿
D Jungs wered gärn nu gu Jetski fahre am Numittag, aber det hät sich de Priis inzwüsche verdopplet und isch üs dänn doch chli z höch gsi für die grad mal 25min uf em Meeyr ume cruise.
Nach em Zmorge hemer üs also mit Badsache bewaffnet und sind mit em beste (=schnällste und waghalsig fahrende) Taxisfahrer wos je häts giz nach Can Pastilla gfahre. Das liit öppe 20min ewäg vu Palma. Da mer es bitzeli spout dra gsi sind, simer froh gsi um de superschnälli Fahrdienst und hends mit wenige Minute Verspöitig zum Hafe gschafft, wo s Usflugsboot scho uf üs gwartet hät.😅🛥
Mit dem simer dänn de Küste entlang gfahre und hend so under anderem de Bierkönig gseh. Vill mey fasziniert hät üs aber das wunderschöin klare blaue Wasser um üs ume.🌊
Drum hemer de Stopp zum Tauche und Schwimme chum chönne abwarte.☺
De Sprung is agnähm warme Meeyr hemer dänn alli vier gwagt, wos ändlich so wiit gsi isch. S Tauche hingäge han nur ich in Agriff gnou. E Taucherbrülle hani überchou, aber Schnorchel hends kei meh gha, wo ich a de Reihe gsi wer. Also hani die Üebig mit dere Taucherbrülle a trätte und direkt under em Schiff innert chürzister Ziit en Schnorchel gsichtet, wo offesichtlich eine vu de anderne us üsere Gruppe absinke lou hät. Isch also klar gsi, dassi mer de zweiti Teil vu de Usrüstig sälber muess ertauche. 🏁💪
Das hät sich dänn zwar als garnüd so eifach usegstellt, will ich vu obe d Tüüfi chli verschätzt han und de Ohredruck zimlich schnäll zimlich starch worde isch, aber am Schluss hani doch samt em Schnorchel chönne uftauche.😂👍
De Rest vu de Badeziit hemer d Usrüstig teilt und die chline Fischli beobachtet und de Meeyresbode abgsuecht. Dänn ischs au scho wieder retour richtig Hafe gange.🐟🐠🐚
Da das churz nach em Mittag gsi isch, hemer üs uf d Suechi nachmene Resti a de Playa gmacht und dete fein gässä.🍝🍅🌮
Nachmene churze Abstächer ines paar Lädeli simer dänn wieder zum Chrüzfahrtschiff zrugg. Det hemer üs nu chli Usziit zum gnüsse gönnt und hend üs dänn ready gmacht fürs Oubigässä.👗👔👖
Das hemer hüt im Ocean's Restaurant überchou. Es hät natürlich vill Fisch Menus gäh, aber au Salout und Spaghetti und Dessert.🦐🐟🥗🍝
Nach em Znacht simer a Deck und hend ufs Uslaufe vum Schiff gwartet. Langsam sind die viele Liechtli a de Küste entlang dänn immer chliiner worde, wo mir is offne Meeyr use gfahre sind. Nach eis zwei wiitere Drinks simer dänn totmüed is Bett gange.😁😴Read more