Gester Oubig hemer frühner als plant im Hafe vu Cagliari a gleit. Hüt nach em feine Zmorge simer die Stadt dänn gu erkunde. Eigentlich hettemer gärn eine vu de schöine Stränd bsuecht, aber da die alli wiiter wäg gsi sind und mir hüt früh wieder uf em Schiff zrugg hend müesse si, häts üs dänn doch id Altstadt zoge. Es hät vill chlini Lädeli i dene änge Gasse gha. Au feini Restaurant hemer gfunde zum ichere.🌮🧃🍵
Nach em Usflug hemer s Schiff numal chli gnosse: Badet, grutscht und Cocktails trunke.👙🩳🍹
Zum Znacht häts Sushi gäh. Zuesätzlich zu de Begeisterig vu de Jungs, wo sich eher in Gränzä ghalte hät, simer dänn aunu bi de Menu Charte nüd so ganz drus chou und hend am Schluss eifach öppis bstellt. Erstunt simer dänn gsi, wo mer e mega schöin agrichteti Platte mit feine Sache überchou hend und vu allem echli öppis debi gsi isch. Au d Jungs hends dänn uf eimal nüme so schlächt gfunde.🍣🥢
Trotzdem hät sich de Loris sini langersehnti Currywurst nach em Ässä nüd lo näh.😂
Au de hüttig Oubig hemer wieder gmüetlich bines paar Drinks usklinge lou.🍹Read more
Italy
