Moved to Suffolk Park!

Nachdem ich het müsse s Zimmer teile i de Unterkunft, han ich mich entschiede, zunere Gastfamilie z‘wechsle. S isch mer wüki z dumm worde mitere Managerin wo ihres Züg null im Griff het und Zimmer andauernd überbuecht & denn s gfühl het sie chan mi ines Doppelzimmer stecke obwohl ich füres Einzelzimmer zahlt han. Zudem die viele Brasilianer und Italiener wo s Gfühl hend Schlafensziit isch unter de Wuche am 1 am morge und ihri Music wend alli umbedingt lose bis denn.
Ufjedefall hani letzt Samstig zude Wendi & em Dave chöne wechsle. D Wendi isch scho 60i, benimmt sich aber nid wüki so. Ihri Chatz wo eigetlich Sarah heisst nennt sie oftmals efach „fuc*king b*tch“ wel d Chatz efach sehr lunisch isch 😅 De Dave, ihre Partner, isch erst 47. Uuh en zwäge Typ wo de glich Biergschmack het wie ich. Ich wohne ellei bi ihne, da ihri chind scho uszoge sind. Die meiste Verwandte hani aber scho kenneglernt, alles sehr tolli und offni Lüt. Dur de Umzug zudere Gastfamilie het sich min Schuelweg bizli g‘änderet. Anstatt 1 min z Fuess hani ez 20 min mitem Velo. Mis dihei isch ez nüme in Byron selber, sondern in Suffolk Park, en chline Vorort vo Byron. Glücklicherwiis wohned fast alli Gastfamilie da, so chani immer mit mine Schuelkolleginne id Schuel fahre.

Da min Schuelweg ez nuna mitem Velo machbar isch, hani mer müsse es Velo chaufe. Han mer das ganze chli anderst vorgstellt, alses denn wüki cho isch.......

S einte Foti zeigt mis neue Zimmer. Det hends mal voll min Gschmack troffe! Ich denke, es Foti vo mine Gasteltere wird na folge. Czytaj więcej