Small Pascale in big Brisbane

3 vo 4 Nächt hani ez scho in Brisbane hinter mir. Die Stadt isch für mini Verhältnis riesig! S komplette Gegeteil vo Byron. S isch am Afang sehr gwöhnigsbedürftig gsi aber ez gfallts mer langsam echt da. Aber ohni Google Maps weri i dere Stadt aso vollkomme ufgschmisse.

Ich bi imne Hostel ime 4er-fraue-zimmer. Da hani scho uu cooli Mädels kenneglernt, leider aber au sottig wo s Gfühl hend sie münd am morge am halbi 8i Deep Talk i einere Lutstärchi füehre. Wieni bin 😈 hani dene zwei Brasilianerinne denn aber gseit (nach öppe 1/2 stund geduld 😇) sie sölled doch usegah go wiiterrede und d Koreanerin und mich schlafe lah. Warum sinds eigetlich immer d Brasilianer wo so rücksichtslos sind? Ha bis ez mit allne gueti erfahrige gmacht usser mit dene (au scho ide Unterkunft in Byron😒).

Uf jedefall hanis gnosse da in Brisbane, bin chli Fähre gfahre, bin zum Mount Coot-Tha Lookout gloffe womer über Brisbane gseht, bin im botanische Garte gsi (woni Ihbrächerartig verlah han weli kei Luscht gha han zum alles usseume zruglaufe und drum kurzer Hand über de Haag kletteret bin so nachem Motto: Kennt mi ja eh niemer 😬😅). Ez froii mich uf de negst Stop morn: Noosa 👏🏻👏🏻Read more