Noosa: Triathlon, Everglades & Traumhus

Ich wird langsam so fuul, dasi nidmal meh Tagebuech schriebe, drum schriebi erst ez öpis über Noosa woni vor es paar Täg gsi bin. 😬

Noosa isch härzig! Woni acho bin, bini bizli verwirrt gsi, wil überall Grüst ufbaue worde sind und riiiise Veloständer. Igendwenn hani denn gmerkt, dass genau i dene Täg wo ich dete gsi bin de Noosa Triathlon stattgfunde het. De het mi aber nu so bedingt interessiert. Ich bin denn de berüehmti coastal walk go mache, womer wunderschön über Küste gseht.

Am nächste Tag hani en Usflug zude Everglades gmacht, woni denn au zum erste Mal Kanu gfahre bin mitm Kevin us Baaasel woni det kenneglernt ha. Leider hani dete t Fotis nanig, wel er die uf sinere GoPro het. Die chömed aber na! D Everglades hend mer sehr gfalle, ich het chöne Stunde ufem Kanu bliebe (solang ich nid het müsse padle 😅).

S schönste a Noosa hani aber die Hüsli am Noosa River gfunde. Für mich, wo wenni elter bin unbedingt mal wet am Wasser wohne (wenn s Geld langet 🙄), sind die Hüsli det en chline Traum gsi. Direkt am blaue Fluss, jedes mit sim eigete Stäg und Bötli & en wunscherschöne Garte. Det weri gad sofort izoge 🌴Baca selengkapnya