Rainbow Beach & Fraser Island

In Rainbow Beach hanich 1 Nacht verbracht bevor ich uf Fraser Island gange bin. Ich ha denn au schnell gmerkt warum Rainbow Beach de Name het, wiemer ufem Foti vom Sand gseht. Mini Auto-Gruppe für uf d Fraser Island hani am Abig vorem Trip kenneglernt & am negste Tag isches den los gange. Mir sind mitem grosse Auto (weiss nid weli Marke, s isch efach gross gsi!) losgfahre zum Strand, wo ois t Fähre uf Fraser bracht het. Dete simmer verschidensti wunderschöni Ort go aluege idem mer mitem Auto am endlose Strand entlang gfahre sind. Da ich ja ez au scho 21i bin 😇 hanich au defe fahre. Das isch echt es eimaligs Erlebnis gsi. Zwei Nächt hemmer den det im Zältlager verbracht, es riise Fest hemmer amel am Abig gha und sind ums Lagerfür ghocket und hend mit Gitarre Begleitig gsunde. Fascht wie im Film! Det hani den au s erst Mal e Schlange ide Wildniss gseh, wasmi denn aber eher a g‘ecklet het als sust öpis 😅 Ah und Dingos hemmer au gseh, de heti eig gern gstreichlet, aber defsch ja nid 🙄

Also im Grosse und Ganze isch das bis ez echt de besti Trip gsi: mega tolli Lüüt kenneglernt, mega gueti Stimmig immer & uh viel schöni Ort gseh :-)Read more