Jetlag gut ausgenutzt

Jetlag? Guet usgnutzt! Morge am 6i hellwach, Sunneufgang checkt, schnell azoge und ab richtig Brooklyn Bridge. Binere unglaublich schöne Sunneufgangsstimmig simmer über d Brooklyn Bridge uf Dumbo gloffe und hend euse erst Morge in New York bimne feine zMorge im Butlers gnosse. Wie immer bi eus, döff öpis mit Avocado ned fehle und dezue en feine Kafi für d Tina und bi mer gits en guete Matcha.

Spontan, aber doch geplant hemmer euse Tag verbrocht. Nachme churze Abstecher is Financial District simmer zum „The Edge“ und hend New York vo obe aglueged. Für mich ischs erst Mol do und es isch unglaublich faszinierend, aber au chli überfordernd. Drum hemmer immer mal wieder s Grüene gsuecht, zim Biispiel uf de Highline, oder sind öpis go Ässe und Trinke, zum chli obeabefahre und d Reiz verarbeite.

Nach vielnen tuusige Schritt simmer am halb 3 zrugg is Hotel, womer eus für es Powernap anegleit hend, demit mer für euses Obeprogramm parat sind. Für mich gahts anen Ort, woni nanie gsi bi, d Tina mich aber mit ihrere Freud und Begeisterig het chönne astecke! Ich bin gspannt.Meer informatie