Zwischen Gedenken und Glitzer

Wie stellt mer sich d Nacht vom Friitig uf de Samschtig in New York vor? Ämel sicher ned liislig, was de Tina im erste Moment de Schlaf graubt het. Irgendwenn nach Mitternacht, het sie mich gweckt und ich ha ihre mit es paar Ohropax vo mer chönne ushelfe, so dasmer beidi na zu Schlaf cho sind.

Will euse Plan hüt s 9/11-Memorial Musem beinhaltet het, hets eus is Financial District verschlage fürs zMorge. Nach es bizli sueche simmer imne Industrial Chic Kafi „Black Fox Coffee“ glandet. Na Gschwind es Ticket fürs Museum bueche und de ab Richtig Ground Zero.

Ageh sind 1.5h Ufenthalt. Nachme 15-minütige Film ischs de zu de Usstellug gange, womer mit eusem Audio-Guide ganzi 3h verbrocht hend. D Ziit isch so unglaublich schnell verbiigange und use simmer mit emne schwere Herze und vielne Gedanke. E grossi Empfehlig binere Reis nach New York.

D Tina het scho lang wölle inen Supermarkt, drum simmer de im Target euses zMittag go poste. Zersch het sie aber d Halloweenabteilig usenand gnah, bevor mer es Stockwerk tüüfer zu de Lebensmittel sind. Neb Tuub und Grauhörnli hemmer euses zMittag oder fasch scho zVieri gässe.

Nachere churze Pause im Hotel simmer de Broadway ufegloffe uf de Suechi nachme Restaurant für de zNacht. Womer id Nöchi vom Time Square cho sind, ischs immer voller und luuter worde. Min Chopf chunnt smig nüm nache mit verarbeite. I de Siitegass, wommer es Restaurant gfunde hend, ischs aber gad en Moment ruhiger gsi, zum chli Verarbeite.

Voller Vorfreud simmer nachem zNacht wieder zrugg zum Broadway, womer s Musical „The Great Gatsby“ alueged. Ine schillerndi Wält, wo ned alles Gold isch was glänzt, voller Einsamkeit, Tüüschige und platzte Träum i New York i de 1920ger Jahr, simmer entfüehrt worde.Read more