Saltdean

Hüt Binni sehr flissig ;)
S Wätter isch zwar nid wirgglig besser worde-es het zwar nümm grägnet aber s isch kei Sunne ko. :/ trotzdäm hanni mi könne drzue ufraffe mit em Bus nach Brighton City z fahre. Wo ich dört usgstige bi, d Abby het mir zerscht alles ufere Karte erklärt, het mi fascht dr Schlag troffe. Ich bi usem Bus und denn binni automatisch mit ere rise Menschemasse mitgschleppt worde. Es het (wohl bemerkt, es isch hüt Sunntig) meh lüt ka als amene Samschtig in Basel. :o Die Menschemasse het mi denn diräkt zumene Shoppingcentre, wo uf 3Etage verteilt isch gfiert. Dört hets alli mögliche Läde, vor allem Schueh und Schmuckläde. Ich ha mir versuecht e Überblick z verschaffe und bi in etlichi elektronik Läde zum e Adapter für mi Laptop z sueche... Ich ha leider keine beko, ich muess mi morn in dr Schuel drum kümmere... Ich ha relativ schnäll das Shoppingcentre verloh, denn es isch abartig lut gsi und hetega viel Lüt ka. Denn binni d North street abe gloffe, dass isch d Hauptstross vo Brighton. Au dört hets fascht alli Läde vom Shoppingcentre nomol ka und dämentsprächend au so viel Lüt :/ irgendwenn hanni e Gässli entdeckt, wo so farbigi Bändeli ufghänggt gsi sinn, dört hanni mi denn mol ihne gwogt. Dört isch es so agnäm ruhig gsi und het nur no wenigi Lüt ka. Das isch e geniali Entscheidig gsi, denn vo dört aa bin ich ine Teil ko wos alles so Gässli ka het und ei Kaffi und Pub am andere. überall sinn d Lüt dusse ghockt und hänn kaffi trunke und Scones (e siessi Spezialität zum z'Vieri vo England gässe). Es isch richtig gmietlig gsi :) Ich ha immer gluegt, dassi nid z wit vo dr Hauotstross wäg kumm, demit ich wider zrugg find. So binni denn hald wider uf däre Hauptstross glandet und ha beschlosse no die anderi Site z erkunde. Dört isch zuefällig dä königlichi Pavillon gsi, wo mir d Abby als Tipp gäh het. Ich sag euch, das isch sooo schön gsi, es isch eif ei so Tämpel(Ich hoff i sag nüd falsches, s het ämel so usgseh) gstande und rundumme sinn die verschidenschte Bäum in allne grientön gwagse :) Ufem Wägli sinn no zwei Brasilianer ghockt und hänn bitz Musik gmacht. Das isch e super Ort zum abschalte. Es het dört au e Museum, wo me d Sache vom König ka go aluege :)
Irgendwenn hanni mi fascht nümm könne uf de Bei halte, ich bi nämmlig nur ummegloffe, völlig überwältigt vo däne viele Idrügg :) Denn hanni beschlosse dr Bus zrugg z näh. Uf dr Ruckfahrt isch mr d Idee ko, dass ich jo no e zwüschestopp am Pier vo Brighton könnt mache. Au das sinn nomol überwältigendi Idrück gsi :) zerscht hanni s Meer bewunderet- leider hets e Steistrand und kei Sandstrand, aber es isch trotzdäm schön. Denn binni uf däm Pier-das isch sone mega lange Steg wo ins Meer use fiert-gloffe. Uf däm Pier könnt me sage es befindet sich unseri Herbschtmäss :o es het 2Gebäude mit ere Spielhöll und es het Kettekarusell,Geischterbahn,Frässständ und die kleine könne uf Nielpfärd ritte(Rössleritti). Es het no ganz viel meh und es laufe öbbe 3verschideni Boxe mit unterschidliger Musik über dä Pier verteilt. Es isch ei Meis uf däm Pier ;) Öbbe nachere Stund hanni denn wirgglig nümm möge und bi denn ändgültig ufe Bus und zrugg. Jetzt sitzi ganz erschöpft vom viele Laufe und de viele Idrück uf em Sofa und wart bis es z'Nacht git, es git Tortellini mit Salat, hmmmmmm :)
E guete und bis morn. Ps: Morn gohts ind Schuel...Read more