24. - 30.09.2016 - Bejing

Nachere churze Schockphase nach Akunft in Peking, nach de viele Natur ide Mongolei, hani Peking den doch ganz toll gfunde :)..

Velofahre inre Grossstadt ohni Verkehrsregle ganz eifach wemr sich am Umfeld apasst😉 - Entdecke vode Pekinger Hutongs, die schmale chinesische Gässli und sWohngebiet vode Iheimische - Usprobiere vo diverse chinesische Spezialitäte inkl. de berüehmt berüchtigte Pekinger Ente, seeehr fein :) - Ufem Nightmarket go Skorpion probieree 🙈😁, ned so fein ;) - sNachtlebe vo Peking mitere geniale Truppe bis i diä früehe Morgestunde erkundet - WorkOut und Stretching im Park mit de topfite Seniore vo Peking ;) - Shoppingcenter i ganz andere Dimensione - Überall gits Streetfood - Angscht ha muemer ned, a jeder Ecke hets Securities oder Poliziste - Umwimmlet vo chinesische Touriste ...

Zudem sind die typische Sehenswürdigkeite wie:

Diä verboteni Stadt (döt hend bis zur chinesische Revolution 1911 dKaiser glebt und regiert)

De Tiananmen-Platz (En riesige Platz, nur via Security-Kontrolle zuegänglich, mit grossem gschichtliche Hintergrund)

De Summerpalascht (s'ehemalige Erholigsgebiet vom Kaiser... Riiiesiig)

De Himmelstempel (de Ort wo Kaiser jewiils für gueti Ernte betet hend)

De Houhai-See umgeh vo tolle Restis und Bars

Diversi Pärk mit Tempelalage und Erholigsgebiet sowie Outdoor WorkOut Plätz

Die olympischi Stadt vo 2008 (sVogelnest> Nationalstadion und Wasserwürfel)

Bell und Drum Tower

S' Trendviertel Sanlitun sowie ide Nacht dUsgangsmeile vo Peking

Und natürlich s grosse Highlight die chinesischi Muur

ufem Programm gstande..

Nach 6 Täg Grossstadt ziehts mi ez aber wiider ufs Land, ines Dörfli im Süde vo China..Читать далее