30.09 - 04.10.2016 - Xing Ping

Mitem Bike und zFuess unterwegs irgendwo im Nirgendwo inre wunderschöne Gegend umgeh vo Karstberge und em Li River, verbii a chline Dörfli sowie Gmües- und Früchteplantage - Nächtlichii Downhill Bikeaktion, aber hauptsach mir hend de Sunneuntergang na gseh vo zoberst vom Berg🙈 Fähre sind natürli den au keinii meh gfahre womer dune bim Fähraleger akoo sind, aber zum Glück isch na en Typ ide Dunkelheit umeglungeret wo ois mit sim BambooBoat het chene a die ander Flusssiite bringe (oke er het ois au khörig abzockt für de Transfer ;)) - Super feins Street-Barbecue vode Strasseständ wo immer am Abig plötzlii usem Nichts uftauched (döt chamer dänn wähle zwüsched allem Mögliche a Fleisch, Fisch und Seafood undere grosse Uswahl a verschiedenem Gmües, zudem gits feini zuebereiteti Nudle nach Wahl und alles wird früüsch zuebereitet) - Usprobiere vom traditionelle chinesische Schnaps Baijiu, muemer schiins gha ha in China😉 - Entspanne und gnüsse vode wunderschöne Natur

In XingPing selber isch während de GoldenWeek (Nationalfiirtigswuche in China, dh. alli Chinese sind füre Wuche im eigene Land unterwegs wil das nebst em Noijahr ihri einzige Ferie sind) recht viel los gsi, sobald mer aber chli usem Dörfli use isch, ischmer ganz allei unterwegs gsi. Au am Abig isches ganz gmüetlich zue und hergange wil vieles eifach nur Tagestouriste gsii sind wo am Morge mitem Bus agreist sind und geg de spetr Nami wiidr weg gsii sind)

Chinese funktionieret nemli so, dass sie meistens inre Reisegruppe unterwegs sind mit Fähndliträger vornedra und da sie sehr Lauffuul sind, gönd sie au nur det ane wo sie mitem Bus, emene Elektrowägeli oder me CableCar herekömed.

Zudem sind fürd Chinese nur die Pünkt interessant wo au als Sehenswürdigkeit kennzeichnet sind und wo en huufe Lüüt sind, au wenns vlt. nebed dra genau gliich usgseht, isch das den völlig uninteressant. 😄Читать далее