NEUSEELAND

Noch däm mir gege Mittag in TeAnau acho sinn hän mir uns bereits wieder ä Hike in ahgriff gno.🥾
Bim Lake Marian Track ahcho sin mir bim ustiege bereits vo dä Sandflies empfange worde. 🪰Diä lestigä Fliege biissä und hinterlöhn sehr unahgnähmi juckendi Schwelligä.
So lang mä in Bewegig bliebt isch alles kei Thema aber chum bliebt mä stoh falle sie über ein här.🙈
D Wanderig mit mä erfrischendä Sprung in den Bärgsee isch trotzdäm ä Traum gsi.😍
Aber eigentlich sinn mir jo wäg mä andere Grund uf TeAnau gfahre und zwar wäg dä nahegligende Milford Sounds. ⛰️Dää Spot in Neuseeland wo mä mues gseh ha.
Am nägschte Dag isch es den sowiet gsi.
Bi für die Gegend sehr guetem Wätter(die meiste Rägedäg vo dr Wält) sinn mir mit voller vorfreuit dörtane gfahre und hän 2h Bootsfahrt gmacht.🛥️
Eifach nur grandios durch die bis zu 1000m hoche Felswänd vo däm Fjord z schippere und die fenomenale Wässerfäll und Fauna dörfe z gniesse.
Uf dr Rügfahrt hän mir no s Glück ka die fräche Keas z seh wo sich nid scheuä bi dä Lüt s Auto in beschlag z neh.
Am Dag druf hän mir ä kleinä Hike gmacht(am ä Fluss wä ä Teil vo Herr der Ringe dreit worde isch).
Zum Abschluss in TeAnau hän mir dr Dag
mit unserem Schwyzer Reisepärli bi mä feinä Risotto und ei zwei Gläser Wii usklinge loh.🍷
Am nägschte Morge hän mir uns uf dr Wäg nach Kaka Point gmacht um dört die wunderschöne Cathedral Caves und dr Nuggets Point go ahzluege. Au das isch eifach amazing gsi.❤️
Noch äre sehr verrägnete Nacht hets uns den witer an dr Ostküste nach Dunedin zoge wo mir dr bekannti Tunnelbeach agluegt hän.
Dr zweiti Dag in Dunedin hän mir verbrocht mit mä schöne Morgespaziergang, dr Besichtigung vo dr Baldwin Street(isch im Guinnessbuch di steilsti Stross vo dr Wält), ä windy Strandnomittag und mä schöne Abschluss im Hafestädli mit mä feinä Znacht.🍽️🍛
Morn fahre mir zum unserem zweitletschte Ort bevor denn die wunderschöni Reis z Änd goht❤️🥲Baca selengkapnya