Dia de los muertos

Solang sich no öbber uf de Wält ah die Tote erinnered läbed sie sozsäge im Himmel wiiter. Einisch im Johr am Dia de los muertos chönnd die Tote zrugcho. Vorusgsetzt mer errichted ehn Altar mit ihrem Foti drofe. Und de Tag werd in Mexiko so rechtig gfiired. Für d'Altär bacht oder chauft mer Sache wo die verstorbinige gärn gha händ und uf de Stross werd musiziert und tanzt so viel wies god. D Lüüt träged traditionelli Chleider, schminked sich "toti" la catrina Gsichter und spieled Musig wo mich sehr stark ah en Guggemusig erinnered. Es esch also alles eh chli ähnlich wie Fasnacht. Dezue chonnd eifach no die chli mystischi Stimmig wo durd Cherze uf de Altär und de Mayatänz wo teilwiis no zuesätzlich vorgfüehrt wärded.

Die meisti Ziit hämmer demit verbrocht chli dord Stadt z laufe die verschiednige Tänz z beobachte, sälber zu de Musig mitztanze und ergendwelche Parade zuezluege. S Schönste esch gsii, dass d Lüüt so völlig offe gsii sind! Sie händ eifach freud gha wenn mer mitfiired und ich bi mer nie so als touri-ihdringling vorcho. Ah eim Tag hämmer üs au sälber als "la catrina" loh schminke. Mer händs uf jede Fall sehr gnosse!Read more