Halifax, Montreal und Quebec

Eusi ziit in Halifax isch fasch verbi gsi, nachdem mer usem Hotel uscheckt hend simmer denn no god Halifax Citadel aluege, e alti Militärfestig wo über de Stadt ragt. Als Abschlusssnack hets den na e Lobster Roll geh. Und denn simmer au scho zum Flughafe. De Flug isch tiptop verloffe und so simmer den am abig spaat in Montreal i eusem chline aber gmüetliche Airbnb acho. Am nögste Morge hemmer früeh use müesse wilmer en Bus nach Quebec hend müesse verwütsche. Quebec isch e mega schöni Stadt, wo eim sehr a europäischi Städt erinneret. Det hemmer zum spaate Zmittag mega feini Wapiti Würscht und Butterfish Tataki ide Noctem Brasserie gesse. Dene ihres Bier isch bis jetzt eis vode beste gsi, vorallem im hopfige Bereich. Nacher simer id Altstadt gwanderet, und die isch wükli wunderschön. Vo obe hetmer en mega uusblick über die ganz Stadt. Au schön isch s gigantische Fairmont Hotel, wo über de Stadt thront. Nach 2 Täg flüge und bus fahre simmer denn am abig direkt is Bett womer wieder in Montreal acho sind. Morn gahts den wiiter mit vil neuem zum entdecke.Read more