Birthday, Buddies und Beer

Min Geburtstag (Whoop Whoop). Da mer ja am Wuchenend scho guet gfiiret hend hemmer hüt weniger Programm gha. Mir sind für de zmittag is Kingyo (Ja, Japanischi Izakaya), was e riise Empfehlig vo mim ehemalige Lehrer und guete Kolleg Dave gsi isch. Mega guets Esse, und de Simona ihre Kampf Udon Nudle mit Stäbli ässe isch au mega lustig gsi.

Nacher sim uf English Bay spaziert und dete s schöne Wetter gnosse.

Am abig hemmer im Superbaba in Mt. Pleasant en chlinere Snack gässe, bevor mir eus mitem Dave und em Gabe, mine 2 guete Kollege us Vancouver troffe hend. Mir sind id Electric Bicycle Brewery und id 33 Acres Brewery. Mir hend zwar kei Föteli gmacht aber es isch en mega guete Abig gsi und ich han endlich d Bier woni am Dav mitbracht ha chönne abgeh (Ich ha die vo Europa bis nach Kanada gschleppt). Es isch echt hammer gsi die 2 wieder zgseh.Read more