Zoeken resetten
Norwegen 🇳🇴⛰️✨❤️👯‍♀️
  • Michaela Gasser
  • Fabienne Lussi
  • Michaela Gasser
  • Fabienne Lussi

Norwegen 🇳🇴⛰️✨❤️👯‍♀️

Een 34-daags avontuur van Michaela & Fabienne Meer informatie
VolgenOverzichtOverzichtKalenderKalenderFoto’sFoto’sDelenDelenBucketlist
OverzichtKalenderFoto’s
  • Het begin van de reis
    22 augustus 2023
  • Norwegen 🇳🇴⛰️✨❤️👯‍♀️
    11

    Tromsø

    22 augustus 2023, Noorwegen ⋅ ☁️ 14 °C

    Bummeln in Tromsø 🥰

    Berlinerflette und ä Sjokoladetwist heds zum Ässä gä😍

    Zie vertaling
  • Norwegen 🇳🇴⛰️✨❤️👯‍♀️

    Botnhamn

    23 augustus 2023, Noorwegen ⋅ ☁️ 12 °C

    Miär sind vom erstä Airbnb witer gfahrä uf Sommarøy und de mit de Auto Fähri nach Botnhamn . Ä Uisflug a Strand und uf d Inslä Husøy hed sich glohnt… D Fabienne hed äs Tomatäsüppli koched (mit Teigwarä Restä) und d Michi hed zum Dessert Himbeeri imnä Bord pflickt und wär schiär nimä uifä cho. Zur Uberraschig isch am Namitag d Sunnä uiftoicht und hed is mit 14 Grad ächli Wärmi gschänkt.Meer informatie

    Zie vertaling
  • Norwegen 🇳🇴⛰️✨❤️👯‍♀️

    Hesten

    24 augustus 2023, Noorwegen ⋅ ⛅ 12 °C

    Hit simer nachem Zmorgä richtig Fjordgard gfahrä und vo dert uis ufä Bärg Hesten glufä. Dobä acho hemer zwei bekannti Gsichter gse womer scho zum 3. mal uf derä Reis atroffä heind. Nachem Nämä uistuischä simer de zum Znacht igladä wordä. Nach Bruscetta,frischer Rösti, Spiägeleier und Köttbullar heds zum Dessert nu Brownies gäh. Dr Sunnäundergang hemer wäg Näbel hald uber d Drohnä miässä aliogä. Äs isch sehr ä luschdigä Abä gsi und miär sind spaat is Bett.Meer informatie

    Zie vertaling
  • Norwegen 🇳🇴⛰️✨❤️👯‍♀️
    1

    Anderdalen Nasjonalpark

    25 augustus 2023, Noorwegen ⋅ ☀️ 15 °C

    Hit hemmer eys im Bett schneu wieder träid, womer gseh hend dass s Wätter nid guäd isch. Später simmer de trotzdem uifgstandä, hend nachemnä gmiätlichä Zmorgä eyses Airbnb gruimed und sind uf Finnsnes, dä Haiptort vo Senja gfahrä. Währenddem d Fabienne äntlich wiedereinisch ä guätä Cappuccino am trinkä gsi isch, isch äs Telefon vo dä bekanntä Gsichter vodä letschtä Täg (Thurgaier) cho, dass sie Sunnä gsichted hend. Schneu simmer ihnä nachä greist und hend Fräidegimp gmacht womer hend chennä d Sunnäbriuä aleggä. Zämmä mit dä Thurgaier simmer nah tiäf i Anderdalen Nationalpark gloffä. Elchä oder Renntiär hemmer leider keini gseh, defir hemmer ä wunderscheeni Landschaft mit viu Heidelbeeri derfä bestuinä. D Thurgaier hend sich ä richtig scheeni Unterkunft gönnt, diä hemmer nateyrlich ai nu gnaischtens beguätachtet (sogar mit Whirlpool). Am späterä Abig hemmer eys ufä Wäg gmacht zu eysem neywä Airbnb und hend ä wunderscheenä Sunnäundergang derfä bestuinä. Glicklich sind d Michi und d Fabienne is Bett gheyd.Meer informatie

    Zie vertaling
  • Norwegen 🇳🇴⛰️✨❤️👯‍♀️
    1

    Senjahopen, Barden

    26 augustus 2023, Noorwegen ⋅ ⛅ 12 °C

    Also hit simer so richtig acho! Z erstä mal bi Sunnä derfä uifstah, Tee trinkä, Konfibrot ässä und de ab id Wanderschioh. Ufem Wäg fir ufä Bärg Barden uf 659 müm heimer tested wiä ä sonä Juiz zwischä dänä Bärgä und Fjordä deent. Äs deent. Sehr sehr idricklich z’Meer und d’Bärgä so nech binänand. Zrug vo därä Wanderig wär nu ä ichoif planed gsi. Nach 5 Täg heimer scho vergässä, dass ja Wuchäend und bereits Abä isch. Also d Lädä heind dämfall zio. Also heds Znacht gäh was nu ider „Ässtäschä“ isch. Fir d Abäromantik hemer ä Sunnäundergang am Meer bestuined.Meer informatie

    Zie vertaling
  • Norwegen 🇳🇴⛰️✨❤️👯‍♀️

    Skaland, Husefjellet

    27 augustus 2023, Noorwegen ⋅ ☀️ 16 °C

    Ai hit hemmer wieder äs prächtigs Sunnätägli verwitscht. Nachdem miär richtig Skaland gfahrä sind hemmer eys ufä Wäg gmacht fir ufä Bärg Husefjellet. Dobä simmer miderä wunderscheenä Uissicht belohnt wordä und hend ä fäini Bündner Gerstäsuppä gnossä. Ufem Retourwäg simmer wieder eysnä treyä Begleiter, dä Thurgaier begägned. Dunnä hemmer ufemnä scheenä Bänkli am Meer mit Sunnä im Gsicht uf diä beidä gwartet bis ai sie wieder vom Bärg abä cho sind. Mit fäinä Zimtschnäggä hemmer sie de i Empfang gnu. Nachdem sie nu bi eys im Airbnb sind go duschä hemmer eys vo ihnä zwei verabschieded. D Chiara fleygt ubermorn wieder häi, dä Lars wird nu bis im Oktober underwägs sey. Wer weiss vlt. triffemernä pletzlich wieder irgendwo…Meer informatie

    Zie vertaling
  • Norwegen 🇳🇴⛰️✨❤️👯‍♀️

    Andenes

    28 augustus 2023, Noorwegen ⋅ ☁️ 14 °C

    Hit hemer viel chennä lachä. Miär sind vo Senjahopen los gfahrä richtig Auto Fähri. Nach knapp 1h underwägs si fragt d Michi „gäll dui hesch z Ässä ipackt?“ nachmä lengerä Lachafall hemer is chennä erholä und stend hit ohni Epfel, Ankä und Konfi da. Als 4. letschds Auto heinds is nu uf diä Fähri ih gwissä. D Autos heind ca 7cm Abstand zum jewils vorderä gha. De hoffimer doch äs heigid all ihri Handbräms azogä. Scho gli vermisst d Michi ihri Kredid Chartä, diä isch idä Wanderhosä vergässä gangä und wär ez oi wieder frisch gwäschä. Hit cha gloibs nid meh schiäf gah, hemer dänkt. Ufem Wäg fir ufä Bärg Matind schaffts Frou Gasser nu ihres goldigä Chrizli Halschettäli z verlirä, wer sucht der findet. Z Chrizli isch firä cho und dr Härzli Ahänger hemer miässä z Norwegä la. Ä Sunnäundergang am Strand hed dr Tag vollkommä gmacht.Meer informatie

    Zie vertaling
  • Norwegen 🇳🇴⛰️✨❤️👯‍♀️

    Svolvær

    29 augustus 2023, Noorwegen ⋅ 🌧 14 °C

    Hit hemmer wiedereinisch so richtig uisgschlafä. Bim Zmorgä simmer de verschiedeni Optionä fir eyses Tagesprogramm durä gangä. Wiu hit s Wätter eher wiäscht gsi isch hemmer eysi Sachä packt und sind los gfahrä. Auf Richtung Lofoten!
    Underwägs hemmer de nu bimnä
    härzigä Lädeli & Kaffee ä Stopp gmacht. Das hed eys eysi Airbnb-Bsitzeri d Hanne schwärstens empfohle. Nachdem miär diä vielä säubergmachtä Sachä bestuint hend hemmer wiedermal ä feini Kanelboller gässä und ebbis trunkä. Nachdem ai d Michi a Tisch ghocked isch, hed de dä Tisch ä Lumpä bruicht… Jänu, d Seniorä ringsumä und miär hend de ämu ebbis z lachä gha. Nacherä 3h-Aitofahrt und viu scheenem Gsang zu luiter Muisig simmer de z Svolvær acho. Bimnä chleynä Spaziärgang dur das Hafä-Städtli simmer de sogar nu amnä Chäs-Stand verbey gloffä. Nach diversä Degustationä hemmer eys de beidi gleych firä schweyzer Chäs entschiedä, ups. Später hemmer i eysem neywä Airbnb fäin Znacht koched und hend nacher äs Abigspaziärgängli gmacht. A Fischgruch memmer eys nuchle gwennä.    Meer informatie

    Zie vertaling
  • Norwegen 🇳🇴⛰️✨❤️👯‍♀️

    Henningsvær

    30 augustus 2023, Noorwegen ⋅ ⛅ 14 °C

    Hit hemmer s härzigä Fischerdorf Henningsvær bsuächt und hend ganz viu scheeni Lädeli gfundä. Zum Glick hemmer aber nid aues kaift womer gärn hättid weuä, so bleybt nuchle meh Budget fir diä weyteri Räis. Nacherä fäinä Pizza simmer de ä Kolleg vodä Fabienne go bsuächä wo scho sid 5 Jahr z Norwegä läbt. Är hed eys zeigt wiäners irgendwiä schafft trotz denä Temperatuir-Verhältnis hiä ebbis i seym Gartä (dä grescht Gartä vo Henningsvær) azbuiä. Ai hemmer seys Huis derfä bestuinä und sind dä ganz Namittag bi ihm verhocked. Idricklich was är aues vo seym Läbä hiä z Norwegä verzeud hed. Sey chley 6 Monet aut Buäb hed eys äbäfaus verzaibered. Blaii Aigä, blonds Haar und äs Grinsä im Gsicht - ä richtigä chleynä Norweger. Ai seys hibschä Mami hemmer nu derfä kennä lehrä. Einisch meh ä wunderbarä Tag gsi.Meer informatie

    Zie vertaling
  • Norwegen 🇳🇴⛰️✨❤️👯‍♀️
    1

    Stamsund

    31 augustus 2023, Noorwegen ⋅ ☀️ 14 °C

    Oi hit hemer am Morgä usem Fänster gliogt und d Sunnä derfä gse. Was fir Wätterglick! Ä langi Sherpa Stägä hed is ufä Bärg Fløya gfiährt. Ufem Wäg fir uifä hemer äs Ürner Päärli kennä glert, isä Dialäkt hed is äinisch meh verratä. Dobä acho hemer ä churzä Momänt z Härz idä Hosä gha, wo ä Touristin gmeind hed si miäss z oberst ufä Bärg chlätterä. Nach däm bizli „Glick fir si“ hemer ihri Wanderstäckä gretted und sind is ä Chirbissuppä ga chochä. Zum Glick chenid miär ez am Mittag bereits wieder häi zio, will ä halbi Russä Verwandschaft wandered is entgägä. Nach 2 Sturzflüg, chenid sälber uisläsä vo wem (ich bis nid gsi) simer schnäll retour bim Auto glanded. Ez gahds witer uf Stamsund, womer nach ca 1h Autofahrt erreichid. Ez derfimer isi härzig Wohnig beziäh. Judihui, dasmal ä keini Stägä (isi Kofferä sind nämlich ächt schwär). Am Abä hemer nu äs paar Brownies bached, diä wurdid fir eu alli längä. Ä witerä Sunnäundergang lahd oi Norwegä la Nacht wärdä.Meer informatie

    Zie vertaling
  • Norwegen 🇳🇴⛰️✨❤️👯‍♀️

    Nusfjord

    1 september 2023, Noorwegen ⋅ ☁️ 14 °C

    Hit morgä hed d Sunnä gschunä, also heimer ises Wanderoutfit agleid. Chuim packt und losgfahrä sind d Bärgä mit Näbel dekoriärt wordä. Dämfall Programmänderig. Z Nusfjord acho hemer äis, zwei Museum agliogt und sind is einig wordä, as is z Thema Kunst nid soviel seid. Diä gresti Kunst hed is dunkt, isch z uisstigä vo dä Touristä us ihrnä Kajak. Nach däm Touristä Morgä simer äs Dorf witer und sind dertä amnä Country Festival glanded. Mit frischem Lachs simer glicklich „häi“ gfahrä. Acho i isem niuä Airbnb, hemer gmerkt as d Tirä hit ä Vorhang isch. Jänu, das Airbnb heimer is chli anders vorgstellt. Ä ersti Sauna hiä z’Norwegä hed das aber wieder giod gmacht. Bim Znacht chochä inerä wildfremdä Chuchi heimers de gschafft de Fiirmälder uis z‘lesä und äso heimer ämel wieder ebis z lachä gha.Meer informatie

    Zie vertaling
  • Norwegen 🇳🇴⛰️✨❤️👯‍♀️
    1

    Offersøykammen

    2 september 2023, Noorwegen ⋅ ⛅ 14 °C

    Hit am 08:30 stad d Fabienne zmizt im Zimmer und seid „so hit isch Ländlerzmorgä“ und lad Ländler ab. Trotz chli Näbel hemer is Entschidä ufä Offersøykammen z wanderä. Am Vormittag simer gstarted und gioti Ländlermuisig hed is begleited. Dobä acho heimer de glich ä Juiz la gah fir diä prächtigi Uissicht. I alli Himmelsrichtigä, wirklich i alli -> Näbel. Uissicht Flop, Luinä Top. Janu, ä Härdepfel-Loich Suppä hed is gstercht. Nach isem ichoif firs Wuchäend (usem letschdä hemer glert) simer häi i ises niuä Hisli. Dertä acho heimer isä Lachs versiocht professionell usänand z nä und äs hed Lachsbretli gäh. Wiä zwei Huisfrouä heimer afa Wesch wäschä, Brot bached und d Härdepfel für d Reesti am Sunntig vorbereited. Hit simer richtig spiisig.Meer informatie

    Zie vertaling
  • Norwegen 🇳🇴⛰️✨❤️👯‍♀️
    1
    2

    Sennesvik

    3 september 2023, Noorwegen ⋅ 🌧 13 °C

    Hit hemmer ä richtig fuilä Sunntig gmacht. Nachm uisschlafä hemmer ä fäinä Brunch mit frischer Reesti undm säubergmachtä Brot gnossä. Büro-Arbetä we Vehschai organisiärä und Fotibuäch machä sind de uf eysem Programm gstandä. Äs paar Tassä Tee und Kaffee + brennendi Cherzli hend fir Gmiätlichkäit i eysem scheenä Huis gsorgt. Ja miär wissid iär sind am schwitzä idä Schweyz, miär sind hiä definitiv scho im Herbscht acho. Bimnä Rägä-Spaziärgang as Meer hemmer de glaib s ganzä Dorf (sehr sehr äs chleyses Dorf, hed glaib meh Schaaf aus Iwohner) unterhautä. Dä Wätterbricht hed ai fir diä nächstä Täg nid so scheens Wätter gmuldä. Uf Grund vo eysem Rägätanz hit simmer aber optimistisch dasmer gleych äs paar Sunnästrahlä wärdid gseh idä nächstä Täg. Miär fräiid eys uf aues wo nu chund :)Meer informatie

    Zie vertaling
  • Norwegen 🇳🇴⛰️✨❤️👯‍♀️

    Tind

    4 september 2023, Noorwegen ⋅ 🌧 11 °C

    Miär sind langsam scho richtig igspielt. Innert 30-45 min schaffimers isä Kofferäinhalt zämä z ruimä und alles mit System i isä Polo z beförderä. Hit isch das mit chli Techno Muisig ganz giod gangä. Z hittigä Ziel isch z Dorf Å gsi, dertä wohnid knapp 100 Iwohner. Ufem Wäg hemer nu ä Halt gmacht und dä Surfer zio gliogt, si miänd alli nu chli iäbä. Am Endi vom Dorf herd diä Strass eifach uif. D Fabienne und ich im Auto und verussä rägnets grad abä. Epä äso wiä gester und vorgester. Nachem Izug i isi niui Underkunft hemer am Wätter trotzed und sind ebä 2h i Whirlpool bi Wind und Rägä. Zum Znacht heds Restä gäh und ä aschliässendä Spaziärgang umä „Tindersee“ hed is wieder la chald ha. Also heds ä zweiti Whirlpool Rundi gäh firnä giotä Abschluss vom Tag.Meer informatie

    Zie vertaling
  • Norwegen 🇳🇴⛰️✨❤️👯‍♀️

    Å i Lofoten

    5 september 2023, Noorwegen ⋅ 🌧 10 °C

    Ä weyterä rägnerischä Tag idä Lofotä gahd langsam z Änd. Hit Morgä hemmer eys bereits scho ufs Znacht gfräid und hend drumm Epfu“muäs“ gmacht. Später simmer go s Fischerderfli Å besichtigä. Ja das heisst wirklich nur Å, d Dorfigangstafelä isch dementsprächend ai sehr bestickt mit ganz viu Chläber, da miär ebbä nid diä einzigä sind wo dä Namä luschtig findid. Wärend dä sehr umfänglichä Besichtigung vo dem Dorf heds so fescht agfangä rägnä dasmer inä chleyni Bäkerei hend miässä flichtä. Mhhh dä Gruch vo dem frisch bachnä Holzofäbrot schmeckemer ez nu. Wius ja so fescht grägned hed hemmer de haut äs Kaffee gnu. Dasmal hemmer sogar dä Zimtschnäggä chennä widerstah & hend vorbiudlich nur äs Dessert fir nachm Zmittag kaifft. Am Namittag hemmer de ä Sauna diräkt am Fjord gmiätet. 2h lang hemmer de abgwächsled zwischä schwitzä idä Sauna und badä im eyschautä Fjord, bi 8 Grad Ussätemperatuir, Wind und Rägä. S isch herrlich gsi. Hungrig simmer de häi eys äs guäds schweyzer Znacht go chochä. D Michi hed scho idä Sauna a zwei Australier probiärd z erklärä was Äupermagronä sind, ihres Vorstelligsvermegä hed aber glaib nid glänged, vlt leyds ai a eysem Änglisch… Uf jedäfall sind diä Äupermagronä dä Wahnsinn gsi! Jedä wo nuniä Äupermagronä
    koched ubercho hed vodä Michi daf sich ab sofort bi ihrä iladä, äs lohnt sich! Soo gnuäg fir hit, miär hüpfid ez nueinisch i Whirlpool vo eysem Airbnb und trotzid am Wätter nueinisch.    Meer informatie

    Zie vertaling
  • Norwegen 🇳🇴⛰️✨❤️👯‍♀️

    Reinebringen

    6 september 2023, Noorwegen ⋅ 🌬 12 °C

    Hit isch dr Plan ganz klar gsi, glich obs rägned, winded, schnied oder d sunnä schint miär gehnd ufä Reinebringen. Das hemer de oi gmacht, äis zwei Stägätritt hend is uf dä Bärg gfiährt. Ä huifä witeri Touristä natirlich oi. Dobä acho simer vo zwei St Galler erkennt wordä „ihär sind doch diä mit de Suppä“. Ja diä simer und hit isches ä Tomatäsuppä. Bi dä hittigä Temperatuirä vo epä 10 grad hed diä Suppä ganz giod da. Dr Zimtschnägg heds zum Dessert später gäh. Uf däm Reinebringen hemer nu chli uisgharred bis de isi Zechä igfrohrä sind. Zrugg in Reine hemer hit ises Zimmer chenä beziäh. Das isch hit bidä Runhild dr Heimä. D Runhild hed äs seeehr grosses Huis und bruicht das eigentlich garnid. Also hed si us ihrer Stubä ä Fitnessruim gmacht und usem Gang und dr Chuchä i risä grossä Uifenthaltsruim. Ä huifä bunti Chissi, verschideni Tisch, Stiähl und Sofas dekoriärid dä Ruim herrlich. Hiä träffid sich d Menschä vo uberalä und i jeder Altersgruppä. Miär zmizt innä.Meer informatie

    Zie vertaling
  • Norwegen 🇳🇴⛰️✨❤️👯‍♀️

    Ryten

    7 september 2023, Noorwegen ⋅ 🌬 13 °C

    Hit hemer i däm grossä Uifenthaltsruim ises Konfibrog gstrichä und z letschdä Stuck Schwizer Chäs gässä. Ez wirds ärnschd, so ganz ohni Chäs. Midem Auto simer ufnä Buirähof gfahrä, dä vermarkted sis Land als Parkplätz will grad alli Touristä ufä Bärg Ryten weind. D Fabienne und ich natirlich oi. Voller Vorfreid simer los glufä, gwissi Lit mit wiisä Schioh uberholt, ander Lit mit lustigä Wandersteck und Rucksäck belächled. Ufem Ryten hed de z Chuchiteam ä Broccolisuppä serviärt. D Uissicht ufä Kvalvika Beach und d Bärgä sind sehr scheen gsi. Nach därä Live unterhaltig vo Touristä hemer is de glich ufä „Häiwäg“ gmacht. Bim Auto acho hed is de diä ersti Park Bioss verwitschd. Glicklicherwis isches nur ä Rotä Zättel gsi und miär heind nu „derfä“ ga nachä zahlä. Nach ca. 2h retour richtig Tromsö hemer fir 2 Nächt äs Rots Hisli am Fjord. Dert acho hemmer einisch meh Thai koched zum Znacht. Ez lemer de Abä nu la uisklingä und gniässid das Hisli.Meer informatie

    Zie vertaling
  • Norwegen 🇳🇴⛰️✨❤️👯‍♀️

    Skårungen

    8 september 2023, Noorwegen ⋅ 🌧 15 °C

    Hit hemmer eys im Bett schneu wieder träid womer gherd hend dases richtig fescht rägned und winded. Später hemmer de miderä Tasse Tee ufm Sofa am stirmischä Wätter undm wiudä Meeresruischä zuägluägt. Wos ums Tagesprogramm gangä isch hemmer a diä fäin Pizza z Henningsvær miässä dänkä. Eysi Entscheidig isch nachhär sehr schneu gfauä, sonä Pizza memmer nueinisch ha! Auso simmer nu einisch i das farbäfrohä Derfli gfahrä und hend ä fantastischi Pizza gnossä. So herrlich we unkompliziärd hiä aues ghandhabt wird. S Wasser isch uberau gratis, jedä nimmt seys Bsteck säuber & jedä Tisch, Stuähl und Täuer gsehd andersch uis. Eifach gmiätlich! Womer nu durs Derfli gschländered sind hed äs Aito pletzlich d Scheybä abäglah. Ja loda diä beidä Australier vo dä Sauna hend eys grad wieder erkennt! Scheen wemä sich immer wieder trifft. Apropos wieder träffä, megider eych nu a Thurgaier Lars erinnerä wo ez ganz älläi weyter gräist isch? Mittlerweylä ischer nimmä älläi sondern wird vo seym Kolleg Bryce fir 2 Wuchä begleitet. Diä beidä sind eys hit uf dä Brugg richtig Henningsvær nateyrlich ai nu begägned & nach paar Liächthupenä heds de ai mit ihnä nu ä churzä Schwatz gäh. Diä beidä hend ab hit ä riesigi Villa fir sich. Wiä sie zu derä cho sind? Ja Kontäkt settmä ha. Diä beidä sind so flott gsi und hend eys ihri Villa diräkt am Meer uisfiährlich zeigt & miär hend sogar ä wunderbari Sauna derfä gniässä. Aus Gägäläischtig hemmer de fir sie Znacht koched. Äs isch ä sehr sehr luschtigä Abig gsi.

    Ja hit chemmer nur Foteli vo derä unglaiblich scheenä Villa biätä, upsi!    Meer informatie

    Zie vertaling
  • Norwegen 🇳🇴⛰️✨❤️👯‍♀️

    Tromsø

    9 september 2023, Noorwegen ⋅ 🌧 14 °C

    Hit Morgä hed de Fabienne ihrä Wecker am 08:00 glitä und d Michi seid „ich will das nunid, ich bi nunid parad fir das“. D Fabienne lached und seid „ich oi nid“. Ä 6h Autofahrt zrugg uf Tromsø isch ufem Plan fir hit. Äs isch gloibs dr ersti Morgä i dänä 3 Wuchä wo miär scho vorem usem Fänster liogä wissid was miär hit machid. Mit viel Wehmiot hemer isi Kofferä packt und das härzigä rotä Hisli am Fjord miässä verlah. Zum Glick rägnets hit, suscht hättimer wahrschindlich dä Flug storniärt. Äs Kaffe fir d Fabienne und dr bestä Chai Latte wonich je trunkä ha hemer ufä Wäg mitgnu. Ufem Wäg zum Auto simer vonerä Norwegerin agsprochä wordä. Si fragt, ob miär oi Hochzitsgäst vodä Frida und em Klaus sind. Miär miänd lachä und leider absägä, miär wurdid ja gärn. Will miär beidi zepfleti Haar heind hed si gmeind miär gherid zudä Hochzitsgsellschaft. Tromsö hemer am Abä am 5i zfriedä und glich oi chli erschepft erreicht. Jetzä wär z Ziel dr Umfang vo iserä „Ässtäschä“ z reduziärä. Also alles id Pfannä fir ises hittigä Znacht. Zum Glick hemer ä Hegel dr biä, will diä Mässer hiä z Norwegä schnidid nur Teilziit.Meer informatie

    Zie vertaling
  • Norwegen 🇳🇴⛰️✨❤️👯‍♀️

    Fjellheisen

    10 september 2023, Noorwegen ⋅ 🌧 10 °C

    Hit isch eyses Ziel dä Huisbärg vo Tromsø gsi. Bim uifä laifä hed eys d Sunnä, bizzli Rägä und ä wunderscheenä Rägäbogä uber d Stadt begleitet. Dobä acho hemmer ä super Uissicht uber ganz Tromsø und diä scheenä Herbscht-Farbä vodä Natuir gnossä. Mit Sunnä im Gsicht anrä Huiswand zuächä heds ä fäinä Epfuchuächä gäh. I derä Sunnä hättid miär ewig chennä sitzä bleybä, s isch so herrlich gsi. Später hemmer d Stadt Tromsø nueinisch z Fuäss chle erkundiged. Vieles isch eys bekannt vorcho. Verruckt dass das ez scho 3 Wuchä här isch womer s letscht Mal da gsi sind. Zrugg i eysem Airbnb ischs as Kofferä packä und Reschtä ässä gangä. Dä Chiälschrank isch bis ufs Zmorgä läär, d Chläider sind gwäschä und sogar d Fabienne hed d Kofferä zuä brungä. Ez gids nu ä Fiumabig, d Popcorn-Reschtä mend ja schliässlich ai nu bruicht wärdä!
    Morä wirds Zeyt dä Nordä vo Norwegä z verlah. Wehmiätig aber ai mit vouer Vorfräid uf das wo nu chund gemmer hit is Bett.    Meer informatie

    Zie vertaling
  • Norwegen 🇳🇴⛰️✨❤️👯‍♀️

    Oslo

    11 september 2023, Noorwegen ⋅ ☁️ 16 °C

    Nach nid so viel schlaf hed hit „friäh“ dr Wecker glitä, ez wissimer wieder wiä dä deent. Ab a Flughafä. Dr Auto Schlissel hemer inä halbä Biäfchastä miässä ghiiä und de isches zum Check in gangä. Nach Startschwirigkeitä hend miär isi Kofferä de doch chennä aschribä. Bim uifgäh vo isem Gepäck wär de diä Kofferä wieder z schwär gsi. Also hemer das Gepäck wieder umbigä, bis si isi Kofferä gnu heind. Glick gha, ez wär nurnu d Sicherheitskontrollä. Dert simer ziofellig nu uf Drogä gscannt wordä aber si hend de gmerkt as miär hechstens nach Lavendel duftid. Z Oslo acho sind miär i aller Seelärioh as letschds uisgstigä. Bim Koffer abholä hemer de das gmerkt. Kei Mensch meh da usser isi zwei Kofferä, de hemer grad oi nimä miässä siochä. Im Hotäl heimer unkompliziärt i checkt. Miär hend z Zimmer 626 und dä Lift sig kaputt. De nätti Herr vo dr Reception hed abotä, is d Kofferä z trägä bi är de gmerkt hed uf welem Stock miär sind. Miär hend ä Rundi glached, nach dänä Wartigsarbeitä hed is der Lift mit Kofferä de doch i 6 Stock befördered. Am Abä hed d Fabienne am Sushi ä niui Chance gäh und äs Tänzli ider Stadtgass hed is la freidig blibä. Bim Abädspaziärgang am Hafä hemer äs risä grosses Chrizfahrtschiff gse und ä huifä verrückti Lit wo nu nach dr Sauna i Fjord gumpid.Meer informatie

    Zie vertaling
  • Norwegen 🇳🇴⛰️✨❤️👯‍♀️

    Oslo

    12 september 2023, Noorwegen ⋅ ☀️ 19 °C

    Hit hemmer wieder einisch äs richtigs Hotel-Zmorgä gnossä. Miär sind fascht ächle uberfordered gsi mit derä riesä Uiswahl. Nachm Zmorgä hemmer de mid eysem
    Touri-Programm gstartet. Zerscht simmer d Holmenkollbakken, d Skisprungschanzi vo Oslo go aluägä. Miär sind bis ganz uifä und hend ä herrlichi Uissicht uber diä ganz Stadt gha. Miär sind fascht chle erstuind gsi hemmer absolut neyd miässä zahlä zum det uifä z derfä, vlt. hemmer ai eifach wiedermal äs Schiud uberseh. Fir einisch wärid miär hit sogar motiviärt gsi das Museum det go aluägä. Das isch aber momentan grad im Umbui, drumm hemmer leider vor Ort nid sehr viu uber diä Schanzi chennä erfahrä. Später simmer durnä Skulpturä-Park gloffä, eys hed d Sunnä und diä scheenä Bluämä aber besser gfauä aus d Skulpturä säuber. Ai ä frisch gmäitä Rasä hed eys grad aglached und miär hend ä chleynä Powernap gmacht. Äs paar vo denä kunterbuntä Stadt-Teili hemmer de nu agluägt und eys sehr ab dä Mänschä hiä amüsiärd. Herrlich wasmä i sonrä Stadt aues fir Mänschä atrifft. Äis isch aber klar, sie sind definitiv sehr frindlich. Hit ischs wiedermal richtig warm gsi und eysi Luscht nach Glace dementsprächend gross. Vouer Fräid hemmer eys de äs fäins Gelati gönnt. Äis hemmer aber glehrd, s nächst Mal mechemer ä Möwä-Versicherig! Chuim hed nämmlich d Fabienne ihres Glace agfangä ässä isch ä frächi Möwä vo hinnä cho und hed s ganzä Cornet schneu i aui Himmusrichtigä verteild. Schaad so Sachä. Nachemnä neywä Glace isch de das aber wieder fascht vergässä gsi und miär sind weyter ufnä scheeni Fjordfahrt. Det hemmer Oslo und diä chleynä umligendä Inslä vom Wasser uis beguätachtet. Äs isch so herrlich gsi. So 3 Wuchä sind durä und d Michi und d Fabienne immernu purlimunter. Ez wirds aber Zeyt fir Reisegruppä-Zuäwachs. Einisch luägä wenn dass das Flugi us dä Schweyz hit hiä landed.Meer informatie

    Zie vertaling
  • Norwegen 🇳🇴⛰️✨❤️👯‍♀️

    Bakka

    13 september 2023, Noorwegen ⋅ ☁️ 7 °C

    Hit morgä hemer äs zweits mal derfä z Hotäl Zmorgä gniässä. Z Flugi mit Herrenbesuch isch ider Nacht de nu acho. Drnah hemer a Flughafä wellä zum ises Auto ga abholä. D Fabienne isch de aber inä Reise Notfall gratä. Ihrä isch dr Rissverschluss vo ihrer Kofferä ez definitiv platzt. Diä künstlerischä und handwärchlichä Fähigkeitä vom Stefan sind zum isatz cho, so as ihri Kofferä Fähig gsi isch fir bis am Flughafä. Ises Auto hed d Autovermiätig i ihrer Garage zerschd miässä siochä. Wo dä Toyota de gfundä wordä isch hemer ises Gepäck biigä und sind los gfahrä. Nach ca 1h Autofahrt hemer ä churzä Halt gmacht zum ä niui Kofferä choifä. I dänä 30min Poisä hed is diä Norwegischi Polizi de nu ä Bioss as Auto. 660 NOK ärmer hemer diä 5h fahrt nach Bakka i Agriff gnu. Ä Halt firnäs Rentiär isch da oi nu dinä glägä (Freudensprünge). Im Dorf Bakka (hiä wohnig 8 Menschä) hemer ises Huis diräkt am Fjord bezogä. Nachem Raclette zum Znacht sind alli zfriedä ufem Sofa glanded. D Herrä versochid ez nu z Norwegischä Biär und d Fabienne erholt sich vom Koffer „Stress“.Meer informatie

    Zie vertaling
  • Norwegen 🇳🇴⛰️✨❤️👯‍♀️

    Bakkanosi

    14 september 2023, Noorwegen ⋅ 🌧 8 °C

    Hit simmer ufä Bärg Bakkanosi gwandered. Ganz ä anderi Landschaft aus miärs im Nordä vo Norwegä erläbt hend. Dobä acho hemmer bi herrlicher Uissicht ufä Fjord ä fäini Suppä gnossä. Hit sogar einisch mit Wienerli. Ufm Abäwäg heds de ä guäti Rägäuisrischtig bruicht. Das hend diä meischtä vo eys gha, d Michi isch mit pflotschnassä Hosä dunnä acho. Zrugg i eysem Heysli heds ä fäini Lasagne gäh und nachhär zwei Rundänä Brändi Dog. Ich darf mit vouer Fräid verkündä dass d Michi und d Fabienne 2x gwunnä hend, miär hoffid d Mannä chend gleych guäd schlafä diä NachtMeer informatie

    Zie vertaling
  • 2026© FindPenguins
  • Home
  • Over ons
  • Groepstracking
  • Pers
  • Voorwaarden
  • Privacy & Cookies
  • Helpcentrum
  • Afdruk