Tulum, Coba & Cenote Mariposa

Am Morge frühe am 7ni simer abgholt worde für e tolli Tagestour. (Mir wüssed etz au, wiesos de Tag dur ned so viel Lüüt hät 😅)
Vor ois sind aber zerst über 2h Fahrt gläge:

Tulum hät ois erwartet mit sine historischä Maya-Tämpelruinä. Sehr idrücklich gsi und irrsinnig schön!

Dena simer wiiter uf Coba is Landesinneri, zmizt in Dschungle 🌴🌳🌿
Det sind wiiteri Ruinä, meh oder weniger guet zwäg, für und mit ois Fotomodell gstande. Ufem Weg zrugg zum Bus (ca. 4km) hämer den därfe Maya-Taxi fahre 😎

Namal öpe ¾h mit oisem Cärli unterwegs simer am halbi 5i denn zu oisem Lunchbuffet cho und händ später ide Cenote derfä go bädele. Sie isch relativ warm gsi, s obligatorische dusche vor- und naher jedoch gar ned 🥶

Am Schluss hät ois oisä Guide na zeiged wie sie Schoggi mached und de Maya-Schaman hät ois es nois Läbe gschänkt 🤪

Happy im Hotel retour ca. 20.30 🕗Read more