Chicago 2024

Gepäckabgab am Flughafä, mit händ na kein fixä Flug, erst en Plan: mir flüged Standby 🙈 s erst Mal für mich! 🙋🏼‍♀️

Am Gate mal luege wenn alli igstiege sind, obs wükli na Platz hät: Ja doch, es hät gad na 2 Plätz, und denn erst na Business 🥳

Abflug: ca. 10.00 Uhr
Flugziit: 9,5h
Ziitverschiebig: 7h

De Flug uf Chicago isch lang gsi, mit feiner Zwüscheverpflägig, geges Endi jedoch echli sehr holprig (weniger lustig als im Europapark)...

Akunft: ca. 12.45 Uhr

Nachem Warte ufd Köffere und de Fahrt is Hotel mitem Uber hät sich de Mirco parat gmacht für e chliini Joggingrundi 🏃🏼‍♂️
Vom Hotel us simer mitenand Richtig Navy Pier gloffe, denn hät er sich uf de Weg gmacht und sie isch de Pier ga erkunde. Dezwüsched häts en chliine Taco gäh, und denn scho gli wieder retour is Hotel.
Nachem Dusche de next Nike-Store ufgsuecht und mal s'erste Marathon-Accsessoire kauft, denn simer Znacht ga jage. Bis das Esse mal cho isch isch sie fast igschlafe, de Znacht isch aber super gsi!

Mitem erstä Idruck isches sehr e schöni Stadt!

PS: De Shaqiri wohnt a de gliche Strass wie mir, aber mer händen nani gseh 🇨🇭Read more