Gester sind mir vo Chiang Mai uf d Ferieinsle Koh Samui gfloge. De hütig Tag hend mir mitemene feine Avo-Toast gstartet. D Avocados wo mer do kaufe chan sind riisig und ähnlet vo de Grössi eher enere Melone. Nachher hend mir üs mit emene Buech usgrüstet uf de Weg an Chaweng Beach gmacht. De Tag hend mir abwechselnd im kristallklare Wasser oder underem Sunneschirm verbrocht. En richtig entspannte Tag also. Au bim Zmittag hend mir die wunderschön Ussicht dörfe gnüsse. Wos den usgseh het als wür d Wält untergoh, hend mir üs uf de Weg gmacht und sind zruck is Hotel. Also ah söttigi Täg und die Ussicht chönd mir üs definitv gwöhne…Read more