Koh Tao

Gester sind mir uf Koh Tao imene riiisiege Diving Resort acho. Bim ichecke hend mir üs entschiide, das mir en Open Water Diving Kurs machet. Und so sind mir 30 Minute spöter scho imene Schuelzimmer ghogget. De Kurs chönd mir sogar uf Dütsch mache, was üs s ganze natürlich biiz erliechteret. Ja de erst Teil isch nöd ganz so prickelnd gsi. Nach viiel Papierkram und emene 2.5 stündige Video über Theorie hend au mir mal fiirobig gha. So hets den erst am halb 9ni öbbis zum spiise geh. Au de nögsti Tag isch vo Theorie prägt gsi, zumindest de Morge. Am Nomitag hets den gheisse. Ab in Pool. Während drüü Stund hend mir glernt mit de Tanks, de verschiedene Schlüch umzgo. So sind mir au verschiedeni Notsituatione duregange und hoffet, die tretet denn wenns Ernst gilt nöd ii. Will morn gönd mir denn is offeni Meer bis uf 12 meter abe getauche. Es bliibt also spannend. Dadurch dass mir üs für de Padi-Kurs entschiide hend, hend mir vo Ko Tao bis jetzt no nöd viel gseh, hoffet dass sich das aber morn zumindest durch d Unter-Wasserwelt wird ändere.Read more