Koh Tao

Hüt morge isch üse Tag früeh los gange. Churz nachm 7ni sind mir bereits ufm Weg zu üsm erste Tauchstopp gsi. Nachdem mir üsi Usrüstig parat gmacht hend, hend mir en grosse Schritt vom Boot is Nichts gmacht und sind i e unglaublichi Unterwasserwelt iitaucht. Nachdem es paar Üebige Unterwasser gmacht worde sind hend mir s Koralleriff dörfe erkunde. Uu viel farbigi Fischli sind um üs umegschwumme und hend sich ide Koralle versteckt.🐠🐟🪸

Nach rund 45 Minute sind mir wieder uftaucht und hend üs den zum zweite Tauchspot ufgmacht. Nachdem mir e stund gwartet hend, hend mir wieder dörfe is Wasser. Au do (uf 12 Meter tüüfi) hets u viel Koralle und Fisch geh. Mir sind zwüschet Steiformatione und zwüschet Hindernis duregschwumme. Und will ich Tollpatsch ha wölle wüsse wie d Farb Rot i 12 Meter tüüfi usgseht hani mich a öppisem natürlich no ufkratzt🤦🏻‍♀️ Und will Rot i dere Tüüfi nüm erkennbar isch, hani grües Bluet gha😂. Nachdem au de zweiti Tauchgang fertig gsi isch is zruck gange. Denn am Nomitag het üs no biz Theorie sowie die final Prüefig erwartet. Resultalt: Bestande. Jetzt stönd morn nomel zwei Tauchgäng ah und nachher isch das Zertifikat ide Täsche. Am Obig hets den no en wunderschöne Sonneuntergang ge.

Unterwasserbildli hets leider keini geh, will schliesslich sött i mi ja ufs tauche konzentriere. 😉Read more