Hüt morge isch es mit Tauchgang 3 und 4 wiitergange der und es isch uf e tüüfi vo bis zu 18 Meter abegange. Vorallems Tauchgang vier isch super gsi, will das en sogenannte Fun-Dive gsi isch. Mir hend kei Üebige meh müesse absolviere, sondern hends eifach chöne gnüsse. Nachdem mir zruck cho sind hend mir üsi Tauchgäng im Log-Buech iitreit. De Nomitag hend mir mit Fuulenze am Pool verbrocht. Denn es heisst, nachm Tauche sött mer sich nöd überastrenge drum hend mirs gmüetlich gno. Zum Znacht hets e frisches Tuna-Tartar geh und en uu feine cheesecake. Schliesslich müend mir de hütig Erfolg fiire. Als Abschluss hend mir üs mit üsere Tauchgruppe troffe und en sehr gmüetliche Abig verbracht.
Hüt hets sogar es paar Unterwasserbildli geh.Read more