Gester hend mir en Abstecher i e riise Tempelalag gmacht. Und aschlüssend sind mir uf de Penang Hill ufe. Ufgrund vom Smog hend mir döt aber leider nöd bsundrigs viel gse und sind den mitm bähnli wieder dirab.
Hüt hend mir nochemene uusgiibige Zmorge wiiter d Street Art Kunst vo Georgtown erkundet. Wills aber so heiss gsi isch, hend mir ab und zue wieder müesse en Stopp imene Kafi mache. Am Abig sind mir an Bootshafe vo Georgtown, will mir dötte es Päärli us de Schwiiz troffe hend. Sie hend üs vo ihre spannende Abentür verzellt, denn sie umrundet mit ihrem Segelboot nämlich sit zwei Jahre d Welt. So hend mir mit de Katharina und em Jürg en schöne Obig dörfe verbriinge.Leia mais