monro beach walk und gletscher 🏔️

mir hend für hüt e wanderig plant, wo me pingu sötti gseh.
pingu würed mir immernu gern gseh. ader westküstä lebed dickschnabelpingu und ader ostküstä lebed gelbaugpingu.
gelbaugpingu werded mir sicher nümmä chänä gseh, aber dickschnabel wäred uf jedefall au toll.
mir mached üs am morgä fruäh, vorem sunnäufgang, ufä weg. pingu günd relativ fruäh uf fuättersuächi und chend am abed spaht zrugg.
es regnet im moment zum glück nöd. aber ja, sobald mir ablaufed, fangts wiedr voll a und mir werded voll verschiffet. leicht fücht, ziehnd mir aber durä und hoffed uf belohnig 🐧
leider wird da nüt drus, wit und breit kei pingu. januu dr ort und dr weg isch tortzdem schü gsi. isch au da üseri letschti chance gsi. witerobä lebed diä nümmä.
mir mached üs ufä rückweg und ziehnd üs sofort um, sobald mir bim van sind.
z wetter blibt grau in grau. mir wend nu e zweiti wanderig zum fox glacier mache, aber gad womer wänd ablaufä chunts wiedr gu schiffä. nöö es zweitsmal voll nass werdä, nei danggä. also briched mir ab.
mir wend dr fox glacier vu witem gu aluägä, aber es isch so grüsig, da gsehsch nüt.
also witer zum franz josef glacier. det isch chlei besser und mir chend en chlinä spaziergang mache und gsehnd ihn sogar ganz churz.
z wetter blibt aber mässig, so fahred mir au da wieder witer ider hoffnig ases witer obä besser wird.Read more