Tongariro crossing💍

also ez für diä wo herr der ringe kenned. es isch ez amtlich und bewiesä dr frodo isch also definitiv es weichei. gwüsst hend mirs ja schu immer. 😁
mir hends üs zur ufgab gmacht der schicksalsberg z bezwingä und das hemmer au uhni problem gschafft. fragt sich ez nur wiso as dr frodo so weich tuä het.
es isch e mega schöni wanderig mit zwei chlinä steilä abschnitt. sust gahts meistens gradus oder abä. d wanderig isch 19.4 kilometer lang und vu auto bis zum auto simmer 20.3 kilometer glofä i 7 stund inkl. usgibigä pausä.
me parkiert z auto am endi und wird de mitemä shuttle zum start bracht.
mir hend üs am vortag spontan drzuä entschiedä d wanderig hüt z mache. eigentli hemmer si am sunntig wellä mache, aber z wetter het besser azeigt und es het sich de au nu usägstellt ases dr letschti tag isch, wo shuttle fahred. hemmer de aber erst am morgä erfahrä. also wieder eimal me schwein ka 🤭Read more