back to north island ⛴️

eigentli hemmer numal am glichä ort wellä übernachtä, aber diä idee hend nöd nur mir ka. es isch am vorabed schu so gsi asmer einä vu de letschtä plätz ergattered hend. und nachem indisch simmer nuch später dra gsi🤭
also mached mir üs am 9ni ufd suächi nachemä anderä. leider hets keinä gad i dem dorf, so mömmer witer. mir verbringed de 1.5 stund mit suäche, da alles vollä isch oder dr platz nümmä existiert. irgendwänn finded mir de einä, sogar mit wlan💪
das isch zerstmal asmer hend mösä suäche. im summer wirds wohl immer so si, da free camping plätz begrenzt sind, aber alles vollä touris isch.
am nächstä tag fahred mir nu ä schöni strecki de fjords entlang bis mir de in picton ufd fähre günd.
überall uf üserer reis hemmer bis jetzt fantastischi ruäblichuäche gessä. mir sind immer dr meinig gsi as das es schwiizerding isch, aber nei das gits überall. und nöd sicher as üserä dr besti isch😋 🥕🥕🥕🥕Read more