Coorong

Hüt si mir uf aaratä vom Camel Pete i Coorong Nationalpark.
Scho nach churzer Zyt si üs grad äs paar Hasä 🐰 vorem Outo dürä über d Strass gloffä. Dr 1. Haut vom hütigä Tag isch dr Chinamens Well gsi. Di Gschicht vo sich hinger däm verbirgt isch mega interessant gsi u mir hei nu Gsellschaft vomänä Wallaby becho 😊
Aus nächschts hei mir d Loop Road gfahrä. Dert isch üs tatsächlich äs Reh 🦌 vorem Outo dürä gsecklet 😅 Ussert das di Strass rächt houperig gsi isch, hets üs aber mega guet gfauä. Am Ändi vo derä Strass hei mir nu dr Nature Lakes Walk gmacht, wo rund umänä Salzsee gangä isch.
Aus nächschts isch dr Jacks Point uf üserer Lischtä gstangä, wüu dert chönn mä mega guet Pelikan beobachtä. U tatsächlich, ufärä Inslä ussä hets tuusigi Pelikan gha, was sehr interessant isch gsi zum aaluegä u beobachtä 😃
Nach dr Mittagspousä bim Long Point si mir nu zum Marks Point gfahrä u hei dert ä churzä Walk zum Wasserrad gmacht. Ungerwägs hei mir nu eini vo denä gfürchtetä Brown Snakes 🐍 gseh, wo aber zum Glück grad wäggschlänglet isch 🫣.
Z Narrung hei mir dr direkter Wäg, d Fähri, gnu. Für di Fähri chönnä z näh, het mä müessä ufänä Chnopf drückä u de isch si o scho cho z fahrä. Mir si üs aber scho chli komisch vorcho, wüu mir di einzigä drufä gsi si 😄
Chli speter hei mir nu zwöi Adler🦅 u ei Falkä, sowie ä ganzi Kangaroo 🦘 Familiä gseh gha.
Nach däm mir z Victor Harbour aacho si, si mir nu ufd Granit Island gsi ganä Sunnäungergangsspaziergang machä, wo eifach wunderschön gsi isch 😍Read more