Vo Chiclayo uf Trujillo

De Tag hemmer hüt ersch sehr spat gstartet. De Jenny isches nid soo guet gange drum isch klar gsi; mir mached en ruhige. Pünktlich uf‘s Checkout hemmer am 11 üses Hostel verlah und sind zersch inen Moviestar Lade, um eh beui Simcharte für Peru z’chaufe. De Lade isch riesig gsi und de ganzi Vorgang isch eh halbi Ewigkeit gange. Nach dem die liebi Mitarbeiterinn ca 30min mit mim Pass dur de ganz Lade grennt isch und ich üsi Verträg unterschriibe und au mit mim Fingerabdruck besieglet han, simmer endlich ah die Simchartene cho. Nacher hemmer eu direkt uf de Weg gmacht zum
ines Kaffi go Zmorge/Zmittag esse. Denn simmer chli use id Stadt und hend d‘Sunne gnosse sind aber scho glii is nögste Kafi. Bevor mir den zrugg is Hotel sind eusi Köffere go hole, simmer nochli go Esse poste für die nögste Täg. Mir hend die Ziit den chli zu fest umeplämberlet, dass mer ersch im Hotel gmerkt hend, dass üse Bus scho ih 10 min fahrt und mir eich 30min früehner hetted sölle dete sie. 🤦🏻‍♀️ Mir hend ps den grad es Taxi gschnappt, aber bi dene verstopfte Strasse ischbdas viellicht au nid grad die best Idee gsi. Mir hend üs aber den glii demit abgfunde, dass mer de Bus verpasse werded, was mir schlussendlich au gmacht hend. Zum Glück fahrt die ganz Ziit eine uf Trujillo und mir hend scho 40min spöter no 2 vo de letzte Sitzplätz ergateret. D‘Busfahrt isch denn wieder länger als denkt gange und mir sind 1h nach de Check-in Ziite bim Hostel ahcho. Natürlich isch Tür zue gsi und au nach vermehrtem Lüte isch niemer usecho. Im Resti nebedra hani zum Glück nachem WLan chöne fröge und denn hemmer chöne ahlüüte. Aber die ganz Nacht isch en Alptraum gsi. Ih eusem Zimmer hemmer 2 Manne gha, wo sich en Wettlauf im lüütiste Schnarchle gmacht hend. Am 2 am Morge hani das Zimmer stinkhässig müesse verlah. Nach ca 10 Minute isch au Jenny stinkhässig uf Dachterrasse cho. Mir hend denn en Tee gschlürft und sind nacher go pfuuse. Zum Glück isch den ruhig gsi und mir hend euse Wecker uf die 9ni hintere gstellt.Read more